Bigg Boss Elimination: ఏమాత్రం మారని బిగ్ బాస్ ఓటింగ్.. ఏడ్చిన పడని ఓట్లు.. ఈ వారం ఎలిమినేట్ ఆమెనే!

Bigg Boss 8 Telugu Elimination This Week: బిగ్ బాస్ తెలుగు 8 ఇంట్రెస్టింగ్‌గా సాగుతోంది. ఒక్కక్కరి ఇంటెన్షన్ ఏంటీ ఇప్పుడు మెల్లిగా బయటకొస్తుంది. ఇక ప్రతివారం ఒకరు ఎలిమినేట్ అయి హౌజ్ నుంచి బయటకు వెళ్లిపోతారన్న విషయం తెలిసిందే. అలా ఇప్పటికీ బిగ్ బాస్ హౌజ్ నుంచి 8 మంది ఎలిమినేట్ అయి వెళ్లిపోయారు.

ఇప్పటివరకు 8 మంది

బిగ్ బాస్ తెలుగు 8 నుంచి ఒక్కొక్కరు ఒక్కో వారం వరుసగా బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల, నైనిక, కిర్రాక్ సీత, నాగ మణికంఠ, మెహబూబ్ ఎలిమినేట్ అయ్యారు. ఇప్పుడు తొమ్మిదో వారానికి చేరుకుంది బిగ్ బాస్ తెలుగు 8. ఇక ఈ వారం నామినేషన్స్‌లో ఐదుగురు ఇంటి సభ్యులు ఉన్నారు.

నామినేషన్స్‌లో ఐదుగురు

బిగ్ బాస్ తెలుగు 8 తొమ్మిదో వారం నామినేషన్స్‌లో గౌతమ్, యష్మీ, టేస్టీ తేజ, నయని పావని, హరితేజ ఉన్నారు. బిగ్ బాస్ 8 తెలగు 9వ వారం నామినేషన్స్ సోమవారం (అక్టోబర్ 28) ఒక్కరోజు మాత్రమే జరిగాయి. నామినేషన్స్ అంతా విష్ణుప్రియ చేతుల్లోకి వెళ్లిన సంగతి తెలిసిందే. విష్ణుప్రియ నామినేట్ చేసిన తర్వాత బిగ్ బాస్ ట్విస్ట్ ఇచ్చి మరో గేమ్ పెట్టాడు. దాంతో వీరంతా నామినేషన్స్‌లోకి వచ్చారు.

మరింత పెరిగిన ఓటింగ్

అక్టోబర్ 28 రాత్రి నుంచే నామినేషన్స్‌లో ఉన్న కంటెస్టెంట్స్‌కు ఓటింగ్ పోల్స్ ఓపెన్ అయ్యాయి. వాటిలో మొదటి రోజు నుంచి యష్మీ గౌడ టాప్‌లో కొనసాగుతూ వచ్చింది. ఇటీవల పానిపట్టు టాస్క్‌లో యష్మీ ఆడిన తీరుకు ప్రశంసలు వచ్చాయి. దాంతో యష్మీ ఓటింగ్ మరింత పెరిగింది. ఇప్పుడు కూడా యష్మీనే టాప్‌లో కొనసాగుతోంది.

ఎవరిదీ ఏ స్థానమంటే

ఇక రెండో స్థానంలో గౌతమ్ కొనసాగుతున్నాడు. తన స్టైల్ గేమ్‌తో బాగానే ఆకట్టుకుంటున్నాడు గౌతమ్. మూడో ప్లేస్‌లో టేస్టీ తేజ, నాలుగో స్థానంలో హరితేజ, ఐదో స్థానంలో నయని పావని ఎప్పటిలా అలాగే ఉన్నారు. అంటే, ఈ వారం ఎలిమినేట్ అయ్యేందుకు డేంజర్ జోన్‌లో ఉన్నది హరితేజ, నయని పావని.

సొంత టీమ్ నుంచే

వీరిలో చివరి స్థానంలో నయని పావని ఉంది. అంటే, బిగ్ బాస్ తెలుగు 8 ఈ వారం ఎలిమినేట్ కానుంది నయని పావని అని టాక్ నడుస్తోంది. బిగ్ బాస్ ఓటింగ్‌లో పెద్దగా మార్పు లేకపోవడం, నయని పావని గేమ్ ఆడిన గెలవకపోవడంతో ఆమెకు ఓట్లు పడలేదని తెలుస్తోంది. టాస్క్‌ బాగా ఆడిన సొంత టీమ్ నుంచి సరైన గుర్తింపు రావట్లేదని తెగ ఏడ్చేసింది. ఆమె ఏడుపును రెండు గంటలు భరించిన పృథ్వీ ఓదార్చాడు.

ఆమె ఎలిమినేట్

గేమ్ కోసం అంతలా ఏడ్చిన నయని పావనికి పెద్దగా ఒరిగింది ఏం లేదని తెలుస్తోంది. అంటే, ఆమె ఎమోషనల్ కావడం వల్ల ఓట్లు రాలలేదని సమాచారం. ఇదివరకు ఎమోషనల్‌గా బాధపడిన వాళ్లకు సింపతీ పరంగా ఓట్లు పడి వర్కౌట్ అయ్యేది. కానీ, నయని పావని విషయంలో అలా జరగలేదు. ఆమె ఓటింగ్‌లో మార్పు లేకుండా పెరగకపోవడంతో బిగ్ బాస్ తెలుగు 8 ఈ వారం నయని పావని ఎలిమినేట్ కానుందని సమాచారం.