OTT: ఓటీటీలోకి తెలుగులో వస్తున్న తమిళ ఆంథాలజీ మూవీ.. నాలుగు కథలతో.. స్ట్రీమింగ్ ఎప్పుడంటే..

తమిళ మూవీ హాట్‍స్పాట్ సినిమా ప్రశంసలను దక్కించుకుంది. ఈ ఆంథాలజీ చిత్రం మార్చి 29న థియేటర్లలో రిలీజ్ అయింది. ఈ మూవీలో నాలుగు కథలను దర్శకుడు విఘ్నేశ్ కార్తీక్ తెరకెక్కించారు. బాక్సాఫీస్ వద్ద ఈ చిత్రం పర్వాలేదనిపించింది. ఇప్పుడు, ఈ హాట్‍స్పాట్ చిత్రం తెలుగులో వచ్చేస్తోంది. ఆహా ఓటీటీలో స్ట్రీమింగ్‍కు రానుంది.

హాట్‍స్పాట్ తెలుగు ఓటీటీ రిలీజ్

హాట్‍స్పాట్ సినిమా తెలుగులో ఆహా ఓటీటీలో జూలై 17వ తేదీన రానుంది. ఈ విషయాన్ని ఆహా అధికారికంగా వెల్లడించింది. “కాస్త హాట్‍స్పాట్ ఆన్ చేస్తారా? సరే, కానీ జూలై 17 వరకు ఆగాలి” అని ఆహా నేడు (జూలై 12) ట్వీట్ చేసింది.

హాట్‍స్పాట్ చిత్రంలో గౌరీ జీ.కిషన్, ఆదిత్య భాస్కర్, సాండీ, అమ్ము అభిరామ్, జనని, సుభాష్, కలైయారాసన్, సోఫియా ప్రధాన పాత్రలు పోషించారు. ఈ చిత్రంలో నాలుగు కథలు ఉంటాయి. విఘ్నేష్ కార్తీక్ ఈ మూవీని డైరెక్ట్ చేశారు. సతీశ్ రఘునాథన్ సంగీతం అందించారు. కేజీబీ టాకీస్, సెవెన్ వారియర్ ఫిల్మ్స్ బ్యానర్లపై కేజే బాలమణిమరభన్, సురేశ్ కుమార్ నిర్మించారు.

నాలుగు స్టోరీలతో..

హాట్‍స్పాట్ సినిమాలో హ్యాహీ మ్యారీడ్ లైఫ్ అనే పేరుతో తొలి స్టోరీ ఉంటుంది. ధన్య (గౌరి జి కిషన్), విజయ్ (ఆదిత్య భాస్కర్) మధ్య ఈ స్టోరీ సాగుతుంది. గోల్డెన్ రూల్స్, రివాల్స్ అంటూ ఉండే రెండో కథ దీప్తి (అమ్ము అభిరామి), సిద్ధార్థ్ (సాండీ) మధ్య నడుస్తుంది. మూడో స్టోరీ తక్కల్లీ అనిత (జనని), వెట్రి (సుభాష్) గురించి ఉంటుంది. ఫేమ్ గేమ్ పేరుతో నాలుగో కథ ఈ చిత్రంలో ఉంటుంది. ఎండుమలై (కలైయారాసన్), లక్ష్మి (సోఫియా)తో ఈ చివరి స్టోరీ సాగుతుంది.

హాట్‍స్పాట్ సినిమా ఎమోషన్లు, కామెడీ, డ్రామాతో తెరకెక్కింది. మహిళల ఫెమినిస్ట్ చిత్రం అంటూ ఈ మూవీకి కామెంట్లు వచ్చాయి. ముఖ్యంగా ఈ చిత్రంలో భావోద్వేగాలు ఆకట్టుకుంటాయి. ఈ మూవీకి మిక్స్డ్ టాక్ రావటంతో థియేటర్లలో పెద్దగా కలెక్షన్లు రాలేదు. ఈ హాట్‍స్పాట్ చిత్రాన్ని తెలుగులో ఆహా ఓటీటీ జూలై 17 నుంచి చూడొచ్చు.

హరోం హర వాయిదా..

సుధీర్ బాబు హీరోగా నటించిన హరోం హర సినిమా జూలై 11వ తేదీన ఆహా ఓటీటీ ప్లాట్‍ఫామ్‍లోకి రావాల్సింది. అయితే, ఈ చిత్రం స్ట్రీమింగ్ వాయిదా పడింది. ఈ యాక్షన్ థ్రిల్లర్ సినిమా జూన్ 14వ తేదీన థియేటర్లలో రిలీజ్ అయింది. ఈ మూవీకి జ్ఞానసాగర్ ద్వారక దర్శకత్వం వహించారు. 1980ల బ్యాక్‍డ్రాప్‍లో తుపాకుల అక్రమ తయారీ, వ్యాపారం చుట్టూ ఈ స్టోరీ తిరుగుతుంది.

హరోం హర సినిమా జూలై 11వ తేదీన ఆహా, ఈటీవీ విన్‍ల్లో స్ట్రీమింగ్‍కు వస్తుందని ఆ ప్లాట్‍ఫామ్‍ల నుంచి ప్రకటనలు వచ్చాయి. అయితే, అనూహ్యంగా ఆలస్యమైంది. ఈ చిత్రంలో నటించిన యూట్యూబర్ ప్రణీత్ హనుమంతుకు సంబంధించిన సీన్లను కట్ చేసేందుకే మూవీ టీమ్ స్ట్రీమింగ్‍ను ఆలస్యం చేసిందనే రూమర్లు ఉన్నాయి. జూలై 18వ తేదీన ఈ చిత్రం స్ట్రీమింగ్‍కు వస్తుందనే అంచనాలు ఉన్నాయి.