Action Thriller Web Series: సమంత యాక్షన్ థ్రిల్లర్ వెబ్ సిరీస్ స్ట్రీమింగ్ డేట్ ఇదే.. అదిరిపోయిన టీజర్.. హాట్ సీన్లతో..

Action Thriller Web Series: యాక్షన్ థ్రిల్లర్ వెబ్ సిరీస్ సిటడెల్ హనీ బన్నీ వచ్చేస్తోంది. సిటడెల్ ప్రపంచం నుంచి వస్తున్న ఈ ఇండియా వెర్షన్ వెబ్ సిరీస్ ను తెలుగు దర్శకులు రాజ్ అండ్ డీకే డైరెక్ట్ చేయగా.. సమంత, వరుణ్ ధావన్ నటించారు. ఈ సిరీస్ స్ట్రీమింగ్ డేట్ అనౌన్స్ చేయడంతోపాటు అదిరిపోయే యాక్షన్ సీన్స్ తో ఓ టీజర్ కూడా మేకర్స్ రిలీజ్ చేశారు.

సిటడెల్ హనీ బన్నీ స్ట్రీమింగ్ డేట్

ఇప్పటికే సిటడెల్ ఇంగ్లిష్ వెర్షన్ వెబ్ సిరీస్ ప్రైమ్ వీడియోలో వచ్చిన విషయం తెలిసిందే. ప్రియాంకా చోప్రా ఆ సిరీస్ లో నటించింది. ఇక ఇప్పుడీ ఇండియన్ వెర్షన్ సిటడెల్ హనీ బన్నీ సిరీస్ లో సమంత, వరుణ్ ధావన్ లీడ్ రోల్స్ లో నటించారు. ఈ కొత్త యాక్షన్ థ్రిల్లర్ వెబ్ సిరీస్ నవంబర్ 7వ తేదీ నుంచి స్ట్రీమింగ్ కానున్నట్లు ప్రైమ్ వీడియో వెల్లడించింది.

ముంబైలో నిర్వహించిన ప్రత్యేక ఈవెంట్లో ఈ డేట్ అనౌన్స్ చేయడంతోపాటు ఓ టీజర్ కూడా రిలీజ్ చేశారు. ఈ టీజర్ అదిరిపోయే యాక్షన్ సీన్స్ తో ఎంతో ఆసక్తి రేపింది. సమంత, వరుణ్ ధావన్ ఈ సిరీస్ కోసం చేసిన స్టంట్స్ ఇందులో చూడొచ్చు. అంతేకాదు టీజర్ చివర్లో ఈ ఇద్దరి మధ్య కొన్ని హాట్ సీన్లు కూడా ఉన్నట్లు చూపించారు.

తెలుగు దర్శకులు, ఫ్యామిలీ మ్యాన్, ఫర్జీలాంటి వెబ్ సిరీస్ తెరకెక్కించిన రాజ్ అండ్ డీకే ఈ సిరీస్ ను డైరెక్ట్ చేశారు. హాలీవుడ్ రేంజ్ లో ఉన్న యాక్షన్ సీన్లతో ఈ సిటడెల్ హనీ బన్నీ టీజర్ ఆసక్తిగా సాగింది. నిమిషంన్నర నిడివితో ఉన్న ఈ టీజర్.. అసలు వెబ్ సిరీస్ ఎలా ఉండబోతోందో కళ్లకు కట్టింది.

సిటడెల్ ఓ స్పై యాక్షన్ థ్రిల్లర్

అమెజాన్ ప్రైమ్ వీడియో చరిత్రలోనే అత్యధిక బడ్జెట్ వెబ్ సిరీస్ గా ఇంగ్లిష్ లో వచ్చిన సిటడెల్ నిలిచింది. ఆ సిరీస్ ఊహించిన స్థాయిలో సక్సెస్ సాధించలేదు. అయితే ఈ ఇండియన్ వెర్షన్ కూడా అదే స్పై యాక్షన్ థ్రిల్లర్ గా కనిపిస్తోంది. 1990ల నేపథ్యంలో ఈ సిరీస్ తెరకెక్కించారు. అంటే ఇంగ్లిష్ సిటడెల్ కు ఇది ఒక రకంగా ప్రీక్వెల్ అని చెప్పొచ్చు.

టీజర్ మొత్తం బ్యాక్‌గ్రౌండ్లో రాత్ బాకీ.. బాత్ బాకీ పాట ప్లే అవుతూ ఉంటుంది. లీడ్ రోల్స్ మధ్య రొమాన్స్ తోపాటు స్పై యాక్షన్ థ్రిల్లర్ లో ఉండాల్సిన ఎలిమెంట్స్ అన్నీ ఇందులో కనిపిస్తున్నాయి. ఈ సిరీస్ లో సమంత హనీ పాత్రలో, వరుణ్ ధావన్ బన్నీ పాత్రలో నటిస్తున్నారు. ఈ సిరీస్ షూటింగ్ కూడా పూర్తయినట్లు ప్రైమ్ వీడియో వెల్లడించింది.

ఇప్పటికే రాజ్ అండ్ డీకేతో కలిసి ఫ్యామిలీ మ్యాన్ సీజన్ 2లో నటించిన సమంత.. ఇప్పుడీ సిటడెల్ లోనూ నటించింది. ఆ సిరీస్ ద్వారా సమంత మంచి పేరు సంపాదించింది. ఈ సిటడెల్ హనీ బన్నీ సిరీస్.. ఇటాలియన్ సిరీస్ సిటడెల్: డయానా (అక్టోబర్ 10 నుంచి స్ట్రీమింగ్) తర్వాత స్ట్రీమింగ్ ప్రారంభించనుంది.