Suryakumar Mumbai Indians : సూర్యకుమార్​ యాదవ్​ ఫిట్​.. ముంబై ఇండియన్స్​ కష్టాలు తీరినట్టేనా?-suryakumar back in mix as faltering mumbai indians in ipl 2024 ,క్రికెట్ న్యూస్
తెలుగు న్యూస్  /  క్రికెట్  /  Suryakumar Mumbai Indians : సూర్యకుమార్​ యాదవ్​ ఫిట్​.. ముంబై ఇండియన్స్​ కష్టాలు తీరినట్టేనా?

Suryakumar Mumbai Indians : సూర్యకుమార్​ యాదవ్​ ఫిట్​.. ముంబై ఇండియన్స్​ కష్టాలు తీరినట్టేనా?

Sharath Chitturi HT Telugu
Apr 06, 2024 12:04 PM IST

Mumbai Indians IPL 2024 : ముంబై ఇండియన్స్​ ఫ్యాన్స్​కి ఎట్టకేలకు ఒక గుడ్​ న్యూస్​ లభించింది! ఆ జట్టు డాషింగ్​ ప్లేయర్​ సూర్యకుమార్​ యాదవ్​ ఫిట్​నెస్​ సాధించాడు.

ఐపీఎల్​ 2024లో సూర్య ఎంట్రీ.. ఫిట్​గా డాషింగ్​ ప్లేయర్​
ఐపీఎల్​ 2024లో సూర్య ఎంట్రీ.. ఫిట్​గా డాషింగ్​ ప్లేయర్​ (PTI)

Mumbai Indians vs Delhi Capitals : ఐపీఎల్​ 2024లో అష్టకష్టాలు పడుతున్న ముంబై ఇండియన్స్​కి తీపి కబురు! ఆ జట్టు డ్యాషింగ్​ బ్యాటర్​ సూర్యకుమార్​ యాదవ్​ మళ్లీ ఫిట్​ అయ్యాడు. ఐపీఎల్​లో ఎంట్రీ ఇచ్చేందుకు సిద్ధంగా ఉన్నాడు. అతనిపై ముంబై ఇండియన్స్​ అభిమానులు ఇప్పటికే భారీ స్థాయిలో అంచనాలు పెట్టుకున్నారు. దిల్లీ క్యాపిటల్స్​తో ఆదివారం జరగబోయే మ్యాచ్​లో సూర్య మెరుపులు చూడాలని భావిస్తున్నారు.

సూర్య రాకతో ఎంఐ పరిస్థితి మారుతుందా..?

ఐపీఎల్​ 2024లో ముంబై ఇండియన్స్​ ఇంకా ఖాతా తెరవలేదు. ఆడిన మూడు మ్యాచ్​లలో ఓటమి పాలైంది. వాస్తవానికి ఎంఐకి ఇది కొత్తేమి కాదు. గతంలో సీజన్​ని దారుణంగా మొదలుపెట్టి, చివరికి.. టైటిల్​ని ఎగరేసుకుపోయిన సందర్భం ఉంది. కానీ అప్పటికి, ఇప్పటికి పరిస్థితుల్లో చాలా మార్పులు కనిపిస్తున్నాయి. మరీ ముఖ్యంగా ముంబై ఇండియన్స్​ కెప్టెన్​ హార్దిక్​ పాండ్యా ఎక్కడికి వెళ్లినా విమర్శలు ఎదుర్కొంటున్నాడు. రోహిత్​ శర్మ జట్టుపై, జట్టు యాజమాన్యంపై అసంతృప్తితో ఉన్నట్టు, వచ్చే ఐపీఎల్​కి ముంబైని వదిలేస్తున్నట్టు కూడా వార్తలు వస్తున్నాయి. వీటన్నింటి మధ్య.. జట్టు ప్రదర్శన దెబ్బతింటోంది.

సరిగ్గా ఈ సమయంలో.. జట్టులోకి ఎంట్రీ ఇస్తున్నాడు సూర్యకుమార్​ యాదవ్​. పైగా.. త్వరలోనే 2024 టీ20 వరల్డ్​ కప్​ ఉండటంతో.. ఐపీఎల్​ని బాగా వాడుకోవాలని ప్లాన్​ చేస్తున్నాడు. చీలమండలి గాయం కారణంగా మూడు నెలల పాటు రెస్ట్​ తీసుకుని రికవరీ అయ్యాడు సూర్య. హెర్నియాకు కూడా సర్జరీ చేయించుకున్నాడు. ఇక ఇప్పుడు ఫ్రెష్​గా బరిలో దిగుతున్నాడు. ప్రాక్టీస్​ సెషన్స్​లో కూడా చురుకుగా కనిపిస్తున్నాడు. అతడి రాక.. ముంబై ఇండియన్స్​ని కచ్చితంగా బలపరుస్తుంది.

Mumbai Indians IPL 2024 : వాస్తవానికి ముంబై ఇండియన్స్​ జట్టులో టాలెంట్​కి కొదవలేదు. రోహిత్​ శర్మ, ఇషాన్​ కిషన్​ నుంచి.. తిలక్​ వర్మ వరకు ప్లేయర్లు చాలా టాలెంటెడ్​. కానీ సరైన సమయంలో ఎవరూ మ్యాచ్​ విన్నింగ్​ ప్రదర్శన చేయలేకపోతుండటమే ఇక్కడ అసలైన సమస్య. ఈ లోటును భర్తీ చేసే సామర్థ్యం సూర్యకుమార్​ యాదవ్​కి ఉందని అనడంలో ఎలాంటి సందేహం లేదు.

ఇక దిల్లీ క్యాపిటల్స్​తో ఆదివారం జరగనునన్న మ్యాచ్​ హార్దిక్​ పాండ్యాకు కూడా చాలా కీలకం. తన మీద వస్తున్న విమర్శలకు చెక్​ పెట్టాలంటే.. అటు ప్లేయర్​గా ఇటు కెప్టెన్​గా కచ్చితంగా రాణించాల్సి ఉంటుంది. మరి అతను ఏ మేరకు ప్రభావం చూపిస్తాడో వేచి చూడాలి.

SuryaKumar Yadav IPL 2024 : ఇక డీసీ విషయానికొస్తే.. ఐపీఎల్​ 2024లో ఆ జట్టు ప్రదర్శన కూడా అంతంత మాత్రంగానే ఉంది. రిషభ్​ పంత్​ తిరిగి జట్టులో చేరడం మేజర్​ ప్లాస్​ పాయింట్​ అయినప్పటికీ.. జట్టుని ఎవరు గెలిపించకలేకపోతుండటం ఆందోళనకర విషయం. ఆడిన 4 మ్యాచ్​లలో ఒక్కటంటే ఒక్కటి గెలిచి.. పాయింట్స్​ టేబుల్​లో చివరి నుంచి రెండో స్థానంలో నిలిచింది డీసీ. ముంబై.. చివరి స్థానంలో ఉంది. ఇక ఆదివారం జరిగే మ్యాచ్​లో కచ్చితంగా గెలవాలని డీసీ ప్లాన్స్​ వేస్తోంది. మరి ఎవరు సక్సెస్​ అవుతారో వేచి చూడాలి.

IPL_Entry_Point

సంబంధిత కథనం