MS Dhoni CSK : ఐపీఎల్​ని ధోనీ మధ్యలోనే వదిలేస్తాడా? ఫ్యాన్స్​కి మరో షాక్​ తప్పదా?-ms dhoni might not play all games of ipl 2024 for chennai super kings says gayle ,cricket న్యూస్
తెలుగు న్యూస్  /  Cricket  /  Ms Dhoni Might Not Play All Games Of Ipl 2024 For Chennai Super Kings Says Gayle

MS Dhoni CSK : ఐపీఎల్​ని ధోనీ మధ్యలోనే వదిలేస్తాడా? ఫ్యాన్స్​కి మరో షాక్​ తప్పదా?

Sharath Chitturi HT Telugu
Mar 23, 2024 11:11 AM IST

MS Dhoni latest news : ఐపీఎల్​ 2024లో ధోనీ అన్ని మ్యాచ్​లు ఆడడా? ఇదే నిజమైతే.. ధోనీ ఫ్యాన్స్​కి మరో షాక్​ తప్పదా?

ఐపీఎల్​ 2024లో ధోనీ అన్ని మ్యాచ్​లు ఆడడా?
ఐపీఎల్​ 2024లో ధోనీ అన్ని మ్యాచ్​లు ఆడడా? (CSK Twitter)

CSK vs RCB highlights : మహేంద్ర సింగ్​ ధోనీ ఏ నిర్ణయం తీసుకున్నా అది షాకింగ్​గానే ఉంటుంది! అతని ఫ్యాన్స్​ షాక్​కి గురైన సందర్భాలు చాలానే ఉన్నాయి. వాటిల్లో ఒకటి.. ఇటీవలే జరిగింది. ఐపీఎల్​ 2024లో చెన్నై సూపర్​ కింగ్స్​ కెప్టెన్సీకి గుడ్​ బై చెప్పేశాడు ధోనీ. దీనిని ఫ్యాన్స్​ ఇంకా జీర్ణించుకోలేకపోతున్న సమయంలోనే.. వారికి కాస్త బాధ కలిగించే వార్త మరొకటి బయటకు వచ్చింది. ఐపీఎల్​లో ధోనీ అన్ని మ్యాచ్​లు ఆడకపోవచ్చని.. వెస్టిండీస్​ దిగ్గజం, ఆర్​సీబీ మాజీ బ్యాటర్​ క్రిస్​ గేల్​ అభిప్రాయపడ్డాడు.

ట్రెండింగ్ వార్తలు

'ధోనీ అన్ని మ్యాచ్​లు ఆడకపోవచ్చు..'

ఐపీఎల్​ 2024 ఓపెనింగ్​ మ్యాచ్​లో ఆర్​సీబీతో తలపడింది సీఎస్​కే. మ్యాచ్​లో ఆల్​రౌండ్​ ప్రదర్శనతో చెన్నై జట్టు బోణీ కొట్టింది. అయితే.. మ్యాచ్​కి ముందు కామెంటరీ చేసిన గ్రిస్​ గేల్​.. ధోనీపై పలు ఆసక్తికర వ్యాఖ్యలు చేశాడు.

"ఐపీఎల్​లో ధోనీ అన్ని మ్యాచ్​లు ఆడకపోవచ్చు. మధ్య మధ్యలో బ్రేక్స్​ తీసుకోవచ్చు. అందుకే ఆ నిర్ణయం (కెప్టెన్సీని వదలుకోవడం) తీసుకుని ఉండొచ్చు," అని అన్నాడు క్రిస్​ గేల్​.

"ఏది ఏమైనా.. ఎవరు కంగారు పడాల్సిన అవసరం లేదు. ధోనీ యాక్టివ్​గానే ఉన్నాడు," అని చెప్పుకొచ్చాడు.

MS Dhoni IPL 2024 : మహేంద్ర సింగ్​ ధోనీ.. 2020 నుంచి ఐపీఎల్​ తప్ప వేరే క్రికెట్​ అడట్లేదు. అందుకే.. చాలా మంది అభిమానులు ఐపీఎల్​ కోసం ఎదురుచూస్తూ ఉంటారు. ఐపీఎల్​ నుంచి కూడా అతను రిటైర్​ అయిపోతాడని వార్తలు వస్తూనే ఉన్నాయి. 2023లో ఈ విషయంపై చర్చ కాస్త ఎక్కువగా జరిగింది. కానీ ఫ్యాన్స్​ కోసం ఐపీఎల్​2024 కూడా అడతానని చెప్పాడు ధోనీ.

చెప్పిన మాట నిలబెట్టుకున్న ధోనీ.. ఐపీఎల్​ 2024లో ఆడుతున్నాడు. కానీ కెప్టెన్సీని మాత్రం వదిలేశాడు. ఆ బాధ్యతలు రుతురాజ్​ గైక్వాడ్​కి వెళ్లాయి.

MS Dhoni CSK captaincy : మరి క్రిస్​ గేల్​ చెప్పిన మాటలు నిజమైతే ధోనీ ఫ్యాన్స్​ రియాక్షన్​ ఎలా ఉంటుందో చూడాలి. ఇప్పటికే చాలా షాక్​లు ఇచ్చిన ధోనీ.. ఈ విషయంపై ఎలాంటి నిర్ణయం తీసుకుంటాడో చూడాలి.

సీఎస్​కే వర్సెస్​ ఆర్​సీబీ..

CSK vs RCB : ఇక శుక్రవారం జరిగిన సీఎస్​కే వర్సెస్​ ఆర్​సీబీ మ్యాచ్​ విషయానికొస్తే.. చెపాక్​ స్టేడియంలో ఎప్పుడు తడబడే డూప్లెసిస్​ సేన్​.. ఈసారి మళ్లీ అదే రిపీట్​ చేసింది. ఐపీఎల్​ 2024 ఓపెనింగ్​ మ్యాచ్‌లో తొలుత బ్యాటింగ్ చేసిన ఆర్‌సీబీ 20 ఓవ‌ర్ల‌లో ఆరు వికెట్ల న‌ష్టానికి 173 ప‌రుగులు చేసింది. ఈ భారీ టార్గెట్‌ను కేవ‌లం నాలుగు వికెట్లు మాత్ర‌మే కోల్పోయి చెన్నై ఛేదించేసింది. పూర్తి వివరాల కోసం ఇక్కడ క్లిక్​ చేయండి.

IPL_Entry_Point

సంబంధిత కథనం