Hyundai Exter launch : హ్యుందాయ్​ కొత్త ఎస్​యూవీ లాంచ్​.. ధర రూ. 6లక్షల కన్నా తక్కువే!

Hyundai Exter launch : 2023 మచ్​ అవైటెడ్​ ఎస్​యూవీల్లో ఒకటైన హ్యుందాయ్​ ఎక్స్​టర్​.. తాజాగా ఇండియాలో అధికారికంగా లాంచ్​ అయ్యింది. సంస్థ నుంచి వస్తున్నఅతి చౌకైన ఎస్​యూవీగా గుర్తింపు తెచ్చుకున్న ఈ వెహికిల్​ విశేషాలను ఇక్కడ తెలుసుకుందాము..

కొత్త​ ఎస్​యూవీ- లుక్స్​​..

నేటి తరం యువతను ఆకర్షించే విధంగా ఈ ఎక్స్​టర్​ను డిజైన్​ చేసింది హ్యుందాయ్​ సంస్థ. ఫ్రెంట్​లో హెచ్​ షేప్​లో ఉన్న డీఆర్​ఎల్స్​ అట్రాక్టివ్​గా ఉన్నాయి. ప్రొజెక్టర్​ హెడ్​ల్యాంప్స్​, గ్రిల్​ కూడా స్టైలిష్​గా ఉన్నాయి. డైమెండ్​ కట్​ అలాయ్​ వీల్స్​ వస్తుండటం మరో హైలైట్​. హెచ్​ షేప్​లో ఎల్​ఈడీ టెయిల్​ లైట్స్​ సైతం అట్రాక్టివ్​గా ఉన్నాయి.

హ్యుందాయ్​ కొత్త వెహికిల్​ పొడవు 3,815ఎంఎం. వెడల్పు 1,710ఎంఎం. ఎత్తు 1,631ఎంఎం. వీల్​ బేస్​ వచ్చేసి 2,450ఎంఎం. ఫ్యూయెల్​ ట్యాంక్​ కెపాసిటీ 37లీటర్లు.

ఆల్​ న్యూ రేంజర్​ ఖాకి, కాస్మిక్​ బ్లూ షేడ్స్​తో పాటు వైట్​ విత్​ బ్లాక్​ రూఫ్​, స్టేరీ నైట్​, ఫైరీ రెడ్​, అట్లాస్​ వైట్​, టైటాన్​ గ్రే, కాస్మిక్​ బ్లూ విత్​ బ్లాక్​ రూఫ్​ కలర్స్​లో ఈ ఎక్స్​టర్​ అందుబాటులో ఉండనుంది.

హ్యుందాయ్​ ఎక్స్​టర్​ ఫీచర్స్​- ఇంజిన్​ ఆప్షన్స్​..

Hyundai Exter India : ఈ 5 సీటర్​ మైక్రో ఎస్​యూవీ కేబిన్​లో సెమీ లెథరేట్​ అప్​హోలిస్ట్రీ, ఎక్స్​టర్​ లెటర్స్​ ఉండే హెడ్​రెస్ట్​లు, 3 స్పోక్​ మల్టీపంక్షనల్​ స్టీరింగ్​ వీల్​ వంటివి వస్తున్నాయి. డాష్​కామ్​, డిజిటల్​ డ్రైవర్​ డిస్​ప్లే, 8 ఇంచ్​ ఇన్ఫోటైన్​మెంట్​ సిస్టెమ్​ వంటి ఫీచర్స్​ ఈ వెహికిల్​లో వస్తున్నాయి. స్మార్ట్​ ఎలక్ట్రిక్​ సన్​రూఫ్​ గురించి ప్రత్యేకంగా చెప్పుకోవాలి. వాయిస్​ అసిస్ట్​తో ఈ ఫీచర్​ పనిచేస్తుండటం హైలైట్​! ఈఎక్స్​, ఈఎక్స్​ (ఓ), ఎస్​ఎక్స్​, ఎస్​ఎక్స్​ (ఓ), ఎస్​ఎక్స్​ (ఓ) కనెక్ట్​ వంటి వేరియంట్స్​లో ఈ ఎస్​యూవీ అందుబాటులో ఉండనుంది.

ఇదీ చూడండి:- Hyundai Exter SUV : హ్యుందాయ్​ కొత్త ఎస్​యూవీకి బ్రాండ్​ అంబాసిడర్​గా హార్దిక్​ పాండ్యా

ఈ వాహనంలో ఈ20 ఫ్యూయెల్​ రెడీ 1.2 కప్పా పెట్రోల్​ ఇంజిన్​ ఉంటుంది. ఇది 81.86 బీహెచ్​పీ పవర్​ను, 113.8 ఎన్​ఎం టార్క్​ను జనరేట్​ చేస్తుంది. సీఎన్​జీ వేరియంట్​ ఆప్షన్​ కూడా ఉంది. ఇది 68 బీహెచ్​పీ పవర్​ను, 95.2 ఎన్​ఎం టార్క్​ను జనరేట్​ చేస్తుంది.

హ్యుందాయ్​ ఎక్స్​టర్​ పెట్రోల్​-​ మేన్యువల్​ వేరియంట్​ 19.4కేఎంపీఎల్​​ మైలేజ్​ను, ఏఎంటీ వేరియంట్​ 19.2కేఎంపీఎల్​ మైలేజ్​ను ఇస్తుందని సంస్థ చెబుతోంది. సీఎన్​జీ వేరియంట్​లో అది 27.1కేఎంపీకేగా ఉందని వెల్లడించింది.

సేఫ్టీ ఫీచర్స్​ విషయానికొస్తే ఈ హ్యుందాయ్​ వాహనంలో 6 ఎయిర్​బ్యాగ్స్​, ఏబీఎస్​, హిల్​ హోల్డ్​ అసిస్ట్​ వంటివి వస్తున్నాయి.

కొత్త ఎస్​యూవీ ధర ఎంత..?

Hyundai Exter price : ఈ ఎస్​యూవీలో ఎక్స్​షోరూం ధర రూ. 5.99లక్షలు- రూ. 9.31లక్షల మధ్యలో ఉంటుంది. ఇదొక బడ్జెట్​ ఫ్రెండ్లీ ఎస్​యూవీ. ఈ ప్రైజ్​ పాయింట్​లో ఈ ఎస్​యూవీ.. మార్కెట్​లో మంచి డిమాండ్​ ఉన్న టాటా పంచ్​, మారుతీ సుజుకీ ఫ్రాంక్స్​, నిస్సాన్​ మాగ్నైట్​, రెనాల్ట్​ ఖైగర్​ ఎస్​యూవీలకు గట్టిపోటీనిస్తుంది.