Indian Student In US: అమెరికాలో రోడ్డు ప్రమాదం, ఆంధ్రా విద్యార్ధి అచ్యుత్ దుర్మరణం, సంతాపం తెలిపిన కాన్సులేట్-consulate condoles death of andhra student achyut in road accident in america ,ఆంధ్ర ప్రదేశ్ న్యూస్
తెలుగు న్యూస్  /  ఆంధ్ర ప్రదేశ్  /  Indian Student In Us: అమెరికాలో రోడ్డు ప్రమాదం, ఆంధ్రా విద్యార్ధి అచ్యుత్ దుర్మరణం, సంతాపం తెలిపిన కాన్సులేట్

Indian Student In US: అమెరికాలో రోడ్డు ప్రమాదం, ఆంధ్రా విద్యార్ధి అచ్యుత్ దుర్మరణం, సంతాపం తెలిపిన కాన్సులేట్

Sarath chandra.B HT Telugu
May 24, 2024 08:31 AM IST

Indian Student In US: అమెరికాలో జరిగిన రోడ్డు ప్రమాదంలో ఉన్నత విద్య కోసం వెళ్లిన ఏపీకి చెందిన విద్యార్ధి దుర్మరణం పాలయ్యాడు. ఈ ఘటనపై న్యూయార్క్‌లోని భారత రాయబార కార్యాలయం సంతాపం తెలిపింది.

అమెరికాలో రోడ్డు ప్రమాదంలో ఏపీ విద్యార్ధి దుర్మరణం
అమెరికాలో రోడ్డు ప్రమాదంలో ఏపీ విద్యార్ధి దుర్మరణం

Indian Student In US: అమెరికాలో జరిగిన రోడ్డు ప్రమాదంలో భారతీయ విద్యార్థి మృతి చెందాడు. న్యూయార్క్ లో జరిగిన బైక్ ప్రమాదంలో భారతీయ విద్యార్థి మృతి చెందినట్టు రాయబార వర్గాలు ప్రకటించారు.

న్యూయార్క్ లోని భారత కాన్సులేట్ జనరల్ ట్విట్టర్‌లో విడుదల చేసిన పోస్ట్‌లో, న్యూయార్క్‌ సబ్‌అర్బన్‌లో జరిగిన ప్రమాదంలో ఆంధ్రప్రదేశ్‌కు చెందిన విద్యార్థి బెలెమ్ అచ్యుత్ బుధవారం సాయంత్రం బైక్ ప్రమాదానికి గురై కన్నుమూసినట్టు ప్రకటించారు. విద్యార్ధి మృతికి సంతాపం తెలియచేశారు.

అచ్యుత్‌ మరణంపై విచారం వ్యక్తం చేస్తూ కుటుంబానికి మా ప్రగాఢ సానుభూతి తెలియజేస్తున్నట్లు ట్వీట్‌ చేశారు. అచ్యుత్ మృతదేహాన్ని భారత్ కు పంపించడానికి అన్ని రకాల సహాయ సహకారాలు అందించేందుకు బాధిత కుటుంబంతో పాటు, స్థానిక సంస్థలతో న్యూయార్క్‌లోని భారత రాయబార వర్గాలు @IndiainNewYork సంప్రదింపులు జరుపుతున్నట్టు వెల్లడించారు.

అమెరికాలోని న్యూయార్క్‌లో బుధవారం జరిగిన బైక్ ప్రమాదంలో భారతీయ విద్యార్థి మృతి చెందినట్లు కాన్సులేట్ జనరల్ ఆఫ్ ఇండియా గురువారం ట్వీట్ చేసింది. బెలెం అచ్యుత్ న్యూయార్క్ స్టేట్ యూనివర్శిటీలో విద్యార్థిగా ఉన్నాడు.

మరణించిన విద్యార్థి కుటుంబానికి న్యూయార్క్ లోని కాన్సులేట్ జనరల్ ఆఫ్ ఇండియా సంతాపం తెలిపింది, అతని కుటుంబ సభ్యులతో తాము టచ్ లో ఉన్నామని, స్థానిక ఏజెన్సీలు కూడా అన్ని సహాయ సహకారాలు అందించాలని కోరారు.

పెరుగుతున్న భారతీయుల మరణాలు

అమెరికాలో భారత సంతతి విద్యార్థుల మరణాలు పెరుగుతున్న నేపథ్యంలో ఈ ఘటన జరగడం గమనార్హం. ఈ ఏడాది మార్చి నుంచి కనిపించకుండా పోయిన భారతీయ విద్యార్థి అమెరికాలోని ఓహియో రాష్ట్రంలో శవమై కనిపించాడని న్యూయార్క్ లోని భారత కాన్సులేట్ జనరల్ గత నెలలో ప్రకటించింది.

మహ్మద్ అబ్దుల్ అర్ఫత్ మరణవార్త తెలిసి చాలా బాధపడ్డామని, అతని మరణంపై సమగ్ర దర్యాప్తు కోసం స్థానిక అధికారులతో సంప్రదింపులు జరుపుతున్నామని న్యూయార్క్ లోని భారత కాన్సులేట్ జనరల్ తెలిపింది.

'ఓహియోలోని క్లీవ్ ల్యాండ్ లో గాలింపు చర్యలు చేపట్టిన మహ్మద్ అబ్దుల్ అర్ఫత్ శవమై కనిపించాడని తెలిసి చాలా బాధపడ్డాను. మహ్మద్ అర్ఫత్ కుటుంబానికి మా ప్రగాఢ సానుభూతి తెలియజేస్తున్నామని న్యూయార్క్ లోని భారత కాన్సులేట్ జనరల్ అధికారిక ఎక్స్ హ్యాండిల్ లో గత నెలలో పోస్ట్ చేశారు.

హైదరాబాద్కు చెందిన అరాఫత్ 2023 మేలో క్లీవ్ల్యాండ్ యూనివర్సిటీ నుంచి ఐటీలో మాస్టర్స్ డిగ్రీ కోసం అమెరికా వెళ్లగా, ఈ ఏడాది మార్చి 7 నుంచి కనిపించకుండా పోయాడు. తన కుమారుడు కనిపించకుండా పోయిన 10 రోజుల తర్వాత గుర్తుతెలియని వ్యక్తి నుంచి తమకు ఫోన్ వచ్చిందని, అరాఫత్ అపహరణకు గురయ్యాడని అతని తండ్రి మహ్మద్ సలీం తెలిపారు. తనను విడిపించేందుకు 1200 డాలర్లు ఇవ్వాలని గుర్తుతెలియని వ్యక్తి డిమాండ్ చేశాడు.

మరో ఘటనలో ఏప్రిల్ లో ఒహియోలోని క్లీవ్ ల్యాండ్ లో ఉమా సత్యసాయి గద్దె అనే భారతీయ విద్యార్థిని మృతి చెందగా, ఆమె మృతిపై దర్యాప్తు కొనసాగుతోంది.

అంతకుముందు, ఈ ఫిబ్రవరిలో చికాగోలో ఒక భారతీయ విద్యార్థి దారుణ దాడిని ఎదుర్కొన్నాడు. ఈ ఘటనను తీవ్రంగా పరిగణించిన చికాగోలోని భారత కాన్సులేట్ బాధితుడు సయ్యద్ మజాహిర్ అలీతో పాటు భారత్ లో ఉన్న అతని భార్యతో టచ్ లో ఉన్నట్లు తెలిపింది.

టీ20 వరల్డ్ కప్ 2024

సంబంధిత కథనం