Sunrisers Hyderabad: ఉప్పల్‍లో సన్‍రైజర్స్ సునామీ.. హెడ్, అభిషేక్ వీర కుమ్ముడుతో లక్నో చిత్తుచిత్తు.. 9.4 ఓవర్లలో గెలుపు

SRH vs LSG: లక్నోను కట్టడి చేసిన హైదరాబాద్.. భువనేశ్వర్ అద్భుత బౌలింగ్.. నితీశ్, సన్వీర్ సూపర్ క్యాచ్‍లు

SRH vs LSG: పుట్టిన రోజున టాస్ ఓడిన ప్యాట్ కమిన్స్.. హైదరాబాద్ తుదిజట్టులో రెండు మార్పులు

IPL 2024 points table: ప్లేఆఫ్స్ రేసులోకి దూసుకొచ్చిన ఢిల్లీ క్యాపిటల్స్.. ఐపీఎల్ 2024 లేటెస్ట్ పాయింట్ల టేబుల్ ఇదీ

IPL 2024 Orange Cap Purple Cap: కోహ్లి ఆరెంజ్ క్యాప్‌కు సంజూ శాంసన్ నుంచి పొంచి ఉన్న ముప్పు

DC vs RR IPL 2024 Result: శాంసన్ అద్భుత పోరాటం వృథా.. ఔట్‍పై వివాదం.. రాజస్థాన్‍పై ఢిల్లీ గెలుపు.. ప్లేఆఫ్స్ ఆశలు సజీవం

DC vs RR: ఫ్రేజర్, పోరెల్ మెరుపులు.. ఢిల్లీ క్యాపిటల్స్ భారీ స్కోరు.. ఒకే ఓవర్లో నాలుగు ఫోర్లు, రెండు సిక్స్‌లు

MS Dhoni Trolling: ధోనీపై మీమ్స్ వరద.. కానీ అసలు విషయం తెలిస్తే ఇలా చేయరు.. 9వ స్థానంలో బ్యాటింగ్ వెనుక కారణం ఇదీ

Ravi Shastri: కోహ్లి, రోహిత్ కాదు.. ఆ ఇద్దరే టీ20 వరల్డ్ కప్ గెలిపించేది: రవిశాస్త్రి ఇంట్రెస్టింగ్ కామెంట్స్

IPL 2024 points table: ఐపీఎల్ పాయింట్ల టేబుల్.. చివరి స్థానాన్ని వదిలించుకున్న ముంబై.. సన్ రైజర్స్ కొంప ముంచింది

ASR District Holiday: అల్లూరి జిల్లాలో నేడు కూడా స్కూళ్లకు సెలవు

paragraph

ASR District Holiday: తుఫాన్, భారీ వర్షాల నేపథ్యంలో అల్లూరి సీతారామరాజు జిల్లాలో గురువారం కూడా విద్యా సంస్థలకు సెలవు ప్రకటిస్తున్నట్లు జిల్లా కలెక్టర్ సమిత్ కుమార్ ప్రకటించారు. జిల్లాలో మరో రెండు, మూడ్రోజులు వర్షాలు కురిసే అవకాశముందన్న వాతావరణ శాఖ హెచ్చరికల నేపథ్యంలో అన్ని యాజమాన్యాలలో నిర్వహిస్తున్న విద్యాసంస్థలకు స్థానిక సెలవు ప్రకటిస్తున్నట్లు పేర్కొన్నారు.

తుఫాను ప్రభావంపై జిల్లా వ్యవసాయాధికారులు, ఉద్యానవన అధికారులు, ఎంపిడిఓలు, తహశీల్దారులతో కలెక్టర్ శ్రీ. సుమిత్ కుమార్ టెలీ కాన్ఫరెన్స్ నిర్వహించారు. ఈనెల 9వ తేదీ నుండి తుఫాను నష్టాలపై ఎన్యూమరేషన్ చేపట్టాలని సూచించారు. జిల్లాలో పంట నష్టాలపై రైతులు ఆందోళన చెందవద్దని, పంట నష్టాలపై ప్రభుత్వానికి నివేదించి నష్ట పరిహారం అందించడానికి అవసరమైన చర్యలు తీసుకుంటామని స్పష్టం చేశారు.

తుఫాను నష్టాలపై కచ్చితమైన నివేదికలు సిద్ధం చేయాలని అధికారులను ఆదేశించారు. కల్వర్టులు, రోడ్లు దెబ్బతింటే వెంటనే పునరుద్ధరణ పనులు చేపట్టాలని సూచించారు. పునరుద్ధరణ పనులు చేయకపోతే ప్రమాదాలు, నష్టాలు జరిగే అవకాశం ఉంటుందని, రవాణాకు ఎటువంటి అంతరాయం ఏర్పడకుండా ట్రాఫిక్ క్రమబద్దీకరించాలని అన్నారు.

ఎంపీడీఓలు, తహశీల్దారులు, సచివాలయ సిబ్బంది సమన్వయంతో పనులు చేయాలని, మోటరు పంపులను అద్దెకు తీసుకుని నీటి నిల్వలు తొలగింపు చర్యలు చేపట్టాలన్నారు.

జిల్లా వ్యవసాయాధికారి ఎస్. బి. ఎస్. నంద్ మాట్లాడుతూ జిల్లాలో వరి పంటలు సుమారు 600 హెక్టార్ల వరకు నష్టం జరిగి ఉంటుందని అంచనా వేశామన్నారు. పత్తి 250 హెక్టార్ల వరకు నష్టం వాటిల్లే అవకాశం ఉందన్నారు. జిల్లా ఉద్యానవన అధికారి ఎ. రమేష్ కుమార్ రావు మాట్లాడుతూ.. డుంబ్రిగుడ, అరకు, అనంతగిరి మండలాల్లో కూరగాయలు సాగు చేస్తున్నారని వర్షాలు తగ్గిన తర్వాత అంచనాలు తయారు చేస్తామని చెప్పారు. చింతూరు డివిజన్లో 50 ఎకరాల వరకు మిర్చి పంట దెబ్బతినే అవకాశం ఉందన్నారు.

AB Venkateswararao : ఏపీ సర్కార్ కు షాక్, ఏబీవీ సస్పెన్షన్ కొట్టివేత-విధుల్లోకి తీసుకోవాలని క్యాట్ ఆదేశాలు

<ul><li>AB Venkateswararao : సీనియర్ ఐపీఎస్ ఆఫీసర్ ఏబీ వెంకటేశ్వరరావుపై సస్పెన్షన్ ఎత్తివేస్తూ క్యాట్ ఆదేశాలు జారీ చేసింది. ఆయనను వెంటనే విధుల్లోకి తీసుకోవాలని ఏపీ ప్రభుత్వాన్ని ఆదేశించింది.</li></ul>

AP PGECET 2024 : ఏపీ పీజీఈసెట్ కరెక్షన్ విండో ఓపెన్, మే 14 వరకు దరఖాస్తు సవరణలకు అవకాశం

<ul><li>AP PGECET 2024 : ఏపీ పీజీఈసెట్-2024 దరఖాస్తు చేసుకున్న అభ్యర్థులకు అలర్ట్. నేటి నుంచి ఈ నెల 14 వరకు అభ్యర్థులు తమ అప్లికేషన్లలో మార్పు చేర్పులు చేసుకునేందుకు కరెక్షన్ విండో ఓపెన్ అయ్యింది.</li></ul>

AP Medical Colleges: ఏపీ మెడికల్ కాలేజీల్లో ఉద్యోగాలు, అసిస్టెంట్ ప్రొఫెసర్లు, సీనియర్ రెసిడెంట్స్‌, ట్యూటర్‌ పోస్టులు

<ul><li>AP Medical Colleges: ఆంధ్రప్రదేశ్‌ ప్రభుత్వం కొత్తగా ఏర్పాటు చేస్తున్న ప్రభుత్వ మెడికల్ కాలేజీల్లో పలు ఉద్యోగాల భర్తీకి వేర్వేరు నోటిఫికేషన్లు జారీ చేసింది. వీటిలో రెగ్యులర్ ఉద్యోగాలతో పాటు కాంట్రాక్టు పోస్టులు కూడా ఉన్నాయి.&nbsp;</li></ul>

Bheemili Beach : మనసు దోచేస్తున్న భీమిలి బీచ్- విశాఖలోని టూరిస్ట్ ప్రదేశాలివే!

<ul><li>Bheemili Beach : ఈ సమ్మర్ లో మీరు విశాఖ ట్రిప్ ప్లాన్ చేస్తున్నారా? అయితే విశాఖలో చూడదగిన ప్రదేశాలు, బీచ్ ల గురించి మీకు తెలియజేస్తున్నాం. ముఖ్యంగా భీమిలి బీచ్ ను విజిట్ చేయడం మర్చిపోవద్దు.</li></ul>

<ul><li>ASR District Holiday: మిగ్‌జామ్ తుఫాను ప్రభావంతో అల్లూరి జిల్లాలో నేడు కూడా భారీ వర్షాలు కురుస్తాయనే హెచ్చరికలతో &nbsp;పాఠశాలలు, విద్యా సంస్థలకు సెలవులు ప్రకటించారు.&nbsp;</li></ul>

MLA Candidates Assets: ఆ ఎమ్మెల్యేలకు భారీగా పెరిగిన ఆస్తులు.. ఏడిఆర్‌ రిపోర్ట్‌

MLA Candidates Assets: అధికార పార్టీ, ప్రతిపక్షాలు అనే తేడా లేదు. ప్రజా ప్రతినిధిగా ఓసారి ఎన్నికై రెండోసారి ఎన్నికల బరిలో దిగుతున్న అభ్యర్థుల ఆస్తుల గణనీయమైన పెరుగుదల నమోదైంది. 2018తో పోలిస్తే 2023లో పోటీ చేస్తున్న 103మంది అభ్యర్థుల ఆస్తుల్లో భారీ వ్యత్యాసాన్ని అసోసియేషన్ ఫర్ డెమోక్రటిక్ రిఫార్మ్స్ (ADR) నివేదిక వెల్లడించింది.

తెలంగాణ ఎలక్షన్ వాచ్ 2023 పేరిట వెలువరించిన నివేదికలో తెలంగాణ అసెంబ్లీ ఎన్నికల్లో తిరిగి పోటీ చేస్తున్న 103 మంది ఎమ్మెల్యేల ఎన్నికల అఫిడవిట్ల ఆధారంగా ఆస్తుల విలువ విశ్లేషించారు. 2018లో గెలిచి తిరిగి పోటీ చేసిన 103 మంది ఎమ్మెల్యేలలో 90 మంది ఎమ్మెల్యేల ఆస్తులు పెరిగాయి. వీరి ఆస్తుల నికర విలువ 3% నుండి 1331% వరకు పెరిగింది. 13 మంది ఎమ్మెల్యేల (13%) ఆస్తుల విలువ మాత్రం -1% నుండి -79% వరకు తగ్గుదల నమోదైంది.

2018లో స్వతంత్రులతో సహా వివిధ పార్టీలు తిరిగి పోటీ చేసిన 103 మంది ఎమ్మెల్యేల సగటు ఆస్తులు రూ. 14.44 కోట్లుగా ఉంది. 2023లో తిరిగి పోటీ చేస్తున్న ఈ 103 మంది ఎమ్మెల్యేల సగటు ఆస్తి రూ. 23.87 కోట్లుగా అఫిడవిట్లో పేర్కొన్నారు.

5 సంవత్సరాలలో సగటు ఆస్తుల వృద్ధి (2018-2023 మధ్యకాలంలో) భారీగా పెరిగింది. 2018 మరియు 2023 తెలంగాణ అసెంబ్లీ ఎన్నికల మధ్య 103 మంది తిరిగి పోటీ చేస్తున్న ఎమ్మెల్యేల సగటు ఆస్తి విలువ రూ.9.43 కోట్ల మేరకు సగటున వృద్ధి చెందింది.

<h2>అత్యధికంగా పైళ్ల శేఖర్ రెడ్డి….</h2>103 మంది తిరిగి పోటీ చేస్తున్న ఎమ్మెల్యేల ఆస్తుల సగటు విలువ 65%పెరిగింది. భువనిగిరి నియోజకవర్గానికి చెందిన బిఆర్‌ఎస్‌కు చెందిన పైళ్ల శేఖర్ రెడ్డి గరిష్టంగా ఐదేళ్లలో రూ. 136.47 కోట్లతో ఆస్తులు పెంచుకున్నట్లు ప్రకటించారు. 2018లో రూ. 91.04 కోట్ల నుంచి రూ. 2023లో 227.51 కోట్లకు శేఖర్‌ రెడ్డి ఆస్తులు పెరిగాయి.

దేవరకద్ర నియోజకవర్గానికి చెందిన బీఆర్‌ఎస్‌కు చెందిన ఆళ్ల వెంకటేశ్వర్‌రెడ్డి ఆస్తులు రూ.59.02 కోట్లు, 2018లో రూ.20.15 కోట్ల నుంచి 2023లో రూ.79.17 కోట్లకు పెరిగాయి.

ఇబ్రహీంపట్నం నియోజకవర్గం నుంచి బీఆర్‌ఎస్‌కు చెందిన మంచిరెడ్డి కిషన్‌రెడ్డి ఆస్తులు రూ.52.59 కోట్లు, 2018లో రూ.7.99 కోట్ల నుంచి 2023లో రూ.60.58 కోట్లకు పెరిగాయి.

భువనగిరి నుంచి పోటీ చేస్తున్న పైళ్ల శేఖర్‌ రెడ్డి ఆస్తులు 150శాతం పెరుగుదల నమోదు చేశాయి. 2018 అసెంబ్లీ ఎన్నికల్లో రూ.91కోట్లుగా ఉన్న శేఖర్‌ రెడ్డి ఆస్తులు తాజా అఫిడవిట్‌లో రూ.227కోట్లకు చేరాయి. వ్యాపారం,వ్యవసాయం, ఇతర ఆదాయ వనరుల ద్వారా ఆదాయం సమకూరినట్టు పేర్కొన్నారు.వృ

మేడ్చల్ నుంచి పోటీ చేస్తున్న చమకూర మల్లారెడ్డి ఆస్తులు 95శాతం పెరిగాయి. 46కోట్ల రుపాయల ఆస్తులు ఐదేళ్లలో సమకూరాయి. 2018లో రూ.49కోట్లుగా ఉన్న మల్లారెడ్డి ఆదాయం 2023లో రూ.95కోట్లకు పెరిగింది.

నారాయణ పేటలో బిఆర్‌ఎస్‌ తరపున రెండో సారి పోటీ చేస్తున్న రాజేందర్ రెడ్డి ఆస్తులు68శాతం పెరిగాయి. కొత్తగా రూ.45కోట్ల ఆస్తులు వచ్చి చేరాయి. 2018లో రూ.66కోట్లుగా ఉన్న ఆదాయం 2023లో రూ.111కోట్లకు చేరింది.

2018 ఎన్నికలతో పోలిస్తే 2023లో అన్ని పార్టీ అభ్యర్థుల ఆస్తుల విలువలో పెరుగుదల నమోదైంది. బిఆర్‌ఎస్, కాంగ్రెస్, ఎంఐఎం, బిజెపిలకు చెందిన 103మంది అభ్యర్థుల ఆస్తుల విలువలో పెరుగుదల నమోదైంది.

90మంది బిఆర్‌ఎస్‌ ఎమ్మెల్యేల సగటు ఆస్తుల విలువ రూ.14-15కోట్ల రుపాయల నుంచి రూ.25కోట్లకు పెరిగింది. ఐదేళ్లలో రూ.10కోట్ల మేర ఆస్తులు అదనంగా సమకూర్చుకున్నారు. ఈ పెరుగుదల 68.56శాతంగా నమోదైంది.

<h2>అన్ని పార్టీల నేతలది అదే దారి….</h2>ఆరుగురు కాంగ్రెస్‌ ఎమ్మెల్యేల ఆస్తుల విలువ రూ.నాలుగు కోట్ల నుంచి రూ.6కోట్లకు పెరిగింది. కొత్తగా వీరంతా సగటున రూ.2కోట్ల ఆస్తులు సమకూర్చుకున్నారు.

నలుగురు ఎంఐఎం ఎమ్మెల్యేల సగటు ఆస్తుల విలువలో రూ.7కోట్ల పెరుగుదల నమోదైంది. 2018లో రూ.12కోట్లుగా ఉన్న ఆస్తుల విలువ రూ.19కోట్లకు చేరింది.

ముగ్గురు బిజెపి ఎమ్మెల్యేల ఆస్తుల విలువలో రూ.2కోట్ల పెరుగుదల నమోదైంది. వీరి ఆస్తుల విలువ రూ.22కోట్ల నుంచి రూ.25కోట్లకు చేరింది.

మొత్తం 103మంద ఎమ్మెల్యేల ఆస్తుల విలువలో సగటున 65శాతం పెరుగుల నమోదైంది. సగటున ఒక్కొక్కరి ఆస్తుల విలువ రూ.14కోట్ల నుంచి రూ.9కోట్ల పెరుగుదలతో రూ.23కోట్లకు చేరాయి.

Hyd Common Capital: హైదరాబాద్‌పై బీఆర్‌ఎస్‌ ప్రచారం, మోదీ వస్తే యూటీ చేస్తారంటున్న కేటీఆర్

<ul><li>Hyd Common Capital: ఆంధ్రప్రదేశ్‌ విభజన చట్టంలో ఉమ్మడి రాజధాని గడువు మరో మూడు వారాల్లో ముగియనుండగా బీఆర్‌ఎస్‌ కొత్త వాదన తెరపైకి తెచ్చింది. మోదీ మళ్లీ వస్తే హైదరాబాద్‌ను కేంద్ర పాలిత ప్రాంతం చేస్తారని కేటీఆర్ ఆరోపించారు.&nbsp;</li></ul>

Revanth On Tesla: టెస్లా తెలంగాణకు రావాల్సింది కానీ,గుజరాత్‌ కోసం ఒత్తిడి చేశారన్న సిఎం రేవంత్‌ రెడ్డి

<ul><li>Revanth On Tesla: ఎలన్‌ మస్క్‌ సారథ్యంలోని టెస్లా ఈవీ కంపెనీ తెలంగాణ రాష్ట్రానికి రావాల్సిందని, అయితే కేంద్రంలోని పెద్దలు గుజరాత్‌ కోసం పెద్ద ఎత్తున ఒత్తిడి చేశారని సిఎం రేవంత్ రెడ్డి ఆరోపించారు.&nbsp;</li></ul>

Telangana Crop Loans : ప్రచారంలో పదే పదే ప్రకటన - రుణమాఫీపై రైతుల్లో పెరుగుతున్న ఆశలు, కీలకంగా కటాఫ్ తేదీ..!

CM Revanth announcements on crop loan waiver are raising hopes among farmers in telangana

<ul><li>Crop Loan Waiver in Telangana: ఎన్నికల ప్రచారంలో తెలంగాణ కాంగ్రెస్ … రైతు రుణమాఫీని ప్రచార అస్త్రంగా వాడుతోంది. స్వయంగా సీఎం రేవంత్ పదే పదే ప్రకటనలు చేస్తుండటంతో రైతుల్లో ఆశలు పెరుగుతున్నాయి.</li></ul>

PM Modi : వైసీపీ ప్రభుత్వానికి కౌంట్ డౌన్ స్టార్ట్, రౌడీ పాలనకు ట్రీట్మెంట్ ఇస్తాం- ప్రధాని మోదీ

<ul><li>PM Modi : ఏపీలో వైసీపీ ప్రభుత్వానికి కౌంట్ డౌన్ మొదలైందని ప్రధాని మోదీ అన్నారు. రాష్ట్రంలో వైసీపీ రౌడీ రాజ్య పాలన చేస్తుందని, ఎన్డీఏ ప్రభుత్వంలో రౌడీ రాజ్యాన్ని తరిమికొడతామన్నారు.</li></ul>

<ul><li>MLA Candidates Assets: పార్టీలు ఏవైనా రెండోసారి పోటీ చేస్తున్న అభ్యర్థుల ఆస్తుల్లో మాత్రం భారీగా పెరుగుదల నమోదైంది. తెలంగాణలో అన్ని పార్టీల నుంచి రెండోసారి పోటీ చేస్తున్న 103మంది ఎమ్మెల్యేల ఆస్తుల విలువలో గణనీయంగా పెరుగదల నమోదైనట్లు ఏడిఆర్‌ నివేదిక పేర్కొంది.&nbsp;</li></ul>

Jagan On CBN: ప్రజల్ని మోసం చేయడానికే చంద్రబాబు పవన్ పొత్తులన్న జగన్

Jagan On CBN:ఎన్నికలు దగ్గరకొస్తున్నాయని, ఒకరు చెబితే నమ్మరని, చంద్రబాబు ఇంకొకరిని కలుపుకుని కేజీ బంగారం ఇస్తాము, బెంజి కారు ఇస్తాము అంటూ ఐదు హామీలు ఒకరు, మరో ఆరు హామీలు దత్తపుత్రుడు కలిపి 11హామీలిస్తున్నారని సిఎం జగన్ ఎద్దేవా చేశారు.

2014లో దత్తపుత్రుడు… చంద్రబాబు ఇచ్చిన మ్యానిఫెస్టోకు తాను పూచీ అని చెప్పి, వీరిద్దరు అయితే సరిపోరని, మోదీని కూడా కలుపుకుని ప్రజల్ని దారుణంగా మోసం చేశారని ఆరోపించారు. అలాంటి గత చరిత్ర ఉన్న వారు ఐదు హామీలు, ఆరు హామీలతో ఇంకొకరు అంటున్నారని, వాళ్లు మనుషులేనా, సిగ్గుందా అని ప్రశ్నించారు.

ఏపీలో అధికారంలోకి వచ్చిన వెంటనే వరుసగా రెండేళ్లు కోవిడ్ సమస్యలు వచ్చాయని, కోవిడ్ వచ్చినా.. చంద్రబాబు చేసిన అప్పులు ఇబ్బంది పెట్టినా ఎవరి మీద నేరం మోపకుండా, సాకులు చెప్పకుండా, ప్రజల అవసరాలు, ఖర్చులు రాష్ట్ర ప్రభుత్వ ఖర్చుల కంటే ఎక్కువగా భావించి చెల్లించినట్టు చెప్పారు. ఎలాంటి కష్టకాలంలో కూడా సంక్షేమాన్ని, అభివృద్ధి ఆపలేదన్నారు.

ప్రతిపక్షం, చంద్రబాబు గత పాలనలను ప్రజలు గమనించాలన్నారు. రాబోయే మహా సంగ్రామంలో ప్రతి ఒక్కరు ఆలోచించాలని, గత పాలన ఎలా జరిగింది, ఆ పాలనలో ఆ పాలకులు ఎలా పనిచేశారు, మంచి చేశారో లేదో ఆలోచన చేయాలన్నారు. గత పాలనకు, తన పాలనకు మధ్య బేరీజు వేయాల్సిన సమయం వచ్చిందన్నారు. అవ్వాతాతలకు, పిల్లలకు, సామాజిక వర్గాలకు మంచి చేస్తూ అమలు చేసిన పథకాలు ఏమైనా ఉన్నాయా అన్నారు.

<h2>చంద్రబాబుది మోసాల చరిత్ర…</h2>గతంలో చంద్రబాబు పాలనలో మోసాల చరిత్ర, వెన్నుపోటు చరిత్ర, అబద్దాల చరిత్రను మాత్రమే చూశామన్నారు. చంద్రబాబు 14ఏళ్లు సిఎంగా ఉన్నా కనీసం ఒక మంచి చేశామని, ఒక మంచి స్కీము తీసుకొచ్చామని, ఒక్క మంచి కార్యక్రమాన్ని అమలు చేశామని చెప్పలేదన్నారు.

ఎన్నికలు రాగానే మాయ మాటలతో ఓట్లు అడిగే కార్యక్రమం చేస్తారన్నారు. మీ ఇంట్లో మంచి జరిగితే మాత్రమే ఓటు వేయాలని తాను కోరుతున్నానని, 14ఏళ్లు సిఎంగా ఉండి ఫలానా మంచి చేశాను కాబట్టి ఓట్లు అడగకుండా, మోసం చేయడానికి, ప్రజల్ని వెన్నుపోటు పొడవడానికి కేజీ బంగారం ఇస్తాను, బెంజి కారు కొనిస్తానని మోసం చేస్తాడని ఎద్దేవా చేశారు.

చంద్రబాబు సొంత నియోజక వర్గం కుప్పంలో కూడా నీరు ఇచ్చిన చరిత్ర లేదని, కుప్పానికే నీరు ఇవ్వలేని చంద్రబాబు మిగతా ప్రాంతాలకు ఏమి చేస్తాడన్నారు. కన్నతల్లికి అన్నం పెట్టలేని వాడు పినతల్లికి బంగారం కొనిస్తాను అన్నట్టు చంద్రబాబు వ్యవహారం ఉందన్నారు.

సొంత కుటుంబంలో సొంత కూతురిని ఇచ్చిన మామను వెన్నుపోటు పొడిచిన వాడు రాష్ట్రంలో కోటి 50లక్షల కుటుంబాలకు వెన్నుపోటు పొడవకుండా ఉంటాడా అని జగన్ ప్రశ్నించారు. భవిష్యత్తులో మారాను అని చెబితే నమ్మగలమా అన్నారు. ఎన్టీరామారావు పరిస్థితి అదే అయితే మనలాంటి వారి పరిస్థితి ఏమిటని సిఎం జగన్ ప్రశ్నించారు.

ఎస్సీ కులాల్లో ఎవరైనా పుట్టాలి అనుకుంటారా, బీసీల తోకలు కత్తిరిస్తామంటాడు, ముస్లింలకు ఓ మంత్రి పదవి కూడా ఇవ్వని వ్యక్తి సమాజంలో ఏ వర్గానికైనా న్యాయం చేశారా అని నిలదీశారు. భవిష్యత్తులో నేను మారాను అంటే నమ్మగలమా అన్నారు.

<h2>వాళ్ల పిల్లలకే ఇంగ్లీష్ మీడియమా…</h2>చంద్రబాబు కొడుకు, మనుమడు కూడా ఇంగ్లీష్ మీడియంకు వెళ్తారిని, బాబు కొడుక్కి కనీసం తెలుగు మాట్లాడటం రాదని, ఇంగ్లీష్‌ కూడా రాదని, తన కొడుకు మనుమడిని మాత్రం ఇంగ్లీష్ మీడియంలో చదివిస్తాడని, వారిని ఇంగ్లీష్ మీడియంలో చదివించాలనుకునే పెత్తందారి మనస్తత్వం అన్నారు.

గవర్నమెంట్ బడుల్లో పేద పిల్లలు, ఎస్సీ, ఎస్టీ, మైనార్టీ, నిరుపేదలు చదివే బడుల్లో మాత్రం తెలుగు మీడియం మాత్రమే ఉండాలని, ఇంగ్లీష్ మీడియంకు మారితే తెలుగు ఏమవుతుందని బాధపడతాడని, అలాంటి పెద్ద మనిషి హయంలో ఏ పేదవాడికైనా, సామాన్యుడికైనా భవిష్యత్తు మారుతుందనే నమ్మకం ఉందా అని ప్రశ్నించారు.

చంద్రబాబు భవిష్యత్తులో మీ దగ్గరకు వచ్చి మారానని చెబితే ఎలా నమ్మగలం అన్నారు. ప్రతి ఇంటికి ఉద్యోగం, ఉద్యోగం లేకపోతే రెండు వేల నిరుద్యోగ భృతి, జాబురావాలంటే బాబు రావాలి అని మోసం చేసిన పెద్ద మనిషి అని ఆరోపించారు.

వైసీపీ ప్రభుత్వం వచ్చే వరకు నాలుగు లక్షల ఉద్యోగాలు ఉంటే, దానికి మరో రెండు లక్షల 7వేల ఉద్యోగాలను కొత్తగా కల్పించామన్నారు. ఇన్ని కొత్త ఉద్యోగాలను చంద్రబాబును నమ్ముకుంటే ఇవ్వగలరా అని ప్రశ్నించారు. భవిష్యత్తులో బాబు మారాను అని చెబితే ఎవరైనా నమ్మగలరా అన్నారు.

చంద్రబాబుకు గద్దె దిగకపోతే ప్రభుత్వ రంగంలో ఏ కంపెనీ ఉండేది కాదని, అన్ని అమ్మెసే వాడన్నారు. ఆర్టీసీ, ఆస్పత్రులు, విద్యుత్ సంస్థలు మిగిలేవి కాదన్నారు. చంద్రబాబు దిగిపోవడం వల్ల హాస్పటల్స్ రూపురేఖలు మారాయని, ఆర్టీసీ రూపురేఖలు మారిపోయాయని చెప్పారు.

<h2>హైదరాబాద్‌లో చికిత్స…</h2>చంద్రబాబుకు ఏ చిన్న ఆరోగ్య సమస్య వచ్చినా హైదరాబాద్‌ వెళ్లి వైద్యం చేయించుకుంటున్నాడని, వైద్య ఆరోగ్య రంగంలో ఏపీ ప్రభుత్వం విప్లవాన్ని తీసుకురావాలని ఎప్పుడైనా అడుగులు వేశాడా అని ప్రశ్నించారు. పేదల ఆరోగ్యం మీద శ్రద్ధ చూపుతాడని ఎప్పుడైనా భరోసా ఇచ్చాడా అని జగన్ ప్రశ్నించారు.

రైతులకు ఉచిత విద్యుత్ ఇస్తే ఆ తీగల మీద బట్టలు ఆరేసుకోవాలని చెప్పాడని, విద్యుత్ కోసం ధర్నాలు చేస్తే రైతుల గుండెల మీద కాల్చాడని ఆరోపించారు. రైతులకు ఇచ్చిన హామీలను ఏనాడైనా నిలబెట్టుకున్నాడా అని ప్రశ్నించారు.

రైతుల్ని మోసం చేసిన బాబు రైతులకు హామీలిస్తున్నారని, రైతులకు 87వేల కోట్ల రుణమాఫీ చేస్తానని ప్రకటించి అధికారంలోకి వచ్చాక అడ్డగోలుగా మోసం చేశాడన్నారు.

మోసం చేసిన వారిని సమర్ధించేందుకు ఓ వర్గం ఉందని, చంద్రబాబును సమర్ధించేందుకు ఓ వర్గం, మీడియా, దొంగల ముఠా తోడుగా ఉందని, వీరంతా పెద్ద లాబీ, బాబు దోపిడీలపై విచారణ జరగకుండా వ్యవస్థల్ని మ్యానేజ్ చేయడానికి మనుషులు ఉన్నారని, అనేక పార్టీలో కోవర్టులు ఉన్నారని, వీళ్లంతా మన కళ్లెదుట కనిపిస్తారని, ఇలాంటి వారిని చూసినపుడు వీరంతా ఎవరి కోసం రాజకీయాలు చేస్తున్నారని, ఏ పేదల కోసం రాజకీయాలు చేస్తున్నారని, వీళ్లు రాజకీయాలు చేసేది ప్రజల్ని దోచుకోవడానికి, దోచుకునేది పంచుకోవడం కోసమే దొంగల ముఠాగా రాజకీయాలు చేస్తున్నారని మండిపడ్డారు.

<h2>పొత్తుల రాజకీయాలు చేతకాదు…</h2>ఇలాంటి రాజకీయాలు, పొత్తులు తమకు చేతకాదని, వైఎస్సార్‌, జగన్‌లకు ప్రజల్లో నడవడం, ప్రజల గుండె చప్పుడు వినడం మాత్రమే తెలుసన్నారు. నేను ఉన్నాను, నేను విన్నాను అని మాత్రమే జగన్ చెబుతాడని, అధికారంలోకి వచ్చాక చెప్పిన మాటను బైబిల్, భగవద్గీత, ఖురాన్‌గా భావించి ప్రజల జీవితాల్లో మార్పు తీసుకు వచ్చేందుకు ప్రతిక్షణం తపిస్తూ అడుగులు వేస్తున్నట్లు చెప్పారు. పొత్తులు నమ్ముకోలేదని, ఎవరు అండగా లేకున్నా ప్రజల ఆశీస్సులు, దేవుడిని మాత్రమే నమ్ముకున్నానని దళారులు అవసరం లేదన్నారు. చేసిన మంచిని మాత్రమే నమ్ముతానని చెప్పారు.

నేరుగా ప్రజలకు పంచిన రూ.2.40లక్షల కోట్ల రుపాయలు తన ధైర్యమన్నారు. ఎన్నికల మ్యానిఫెస్టో, ఎన్నికల ప్రణాళిక, 99శాతం అమలు చేసి ప్రతి ఇంటికి వెళ్లి, చెప్పిన ప్రతి హామీని నెరవేర్చినట్టు నిజాయితీగా చెప్పే చిత్తశుద్ధి, ధైర్యం తమకు ఉందన్నారు. మాచర్లలో 100పడకల కమ్యూనిటీ హెల్త్ సెంటర్‌గా మాచర్ల ఆస్పత్రిగా మారుస్తున్నట్లు చెప్పారు. మిగిలిన చిన్నా చితక పనులు స్థానిక ఎమ్మెల్యేతో చర్చించి ఖచ్చితంగా పూర్తి చేస్తామన్నారు.

<ul><li>Jagan On CBN: ప్రజల్ని వెన్నుపోటు పొడవడానికే చంద్రబాబు, పవన్ కళ్యాణ్‌ మళ్లీ పొత్తులు పెట్టుకుంటున్నారని, 2014లో బాబు హామీలకు పూచీ అని చెప్పిన పవన్ తర్వాత ఎక్కడకు పోయాడని జగన్ ప్రశ్నించారు.&nbsp;</li></ul>

ECI Ban on Ads: ఎన్నికల ప్రకటనలపై ఈసీ కొరడా..

ECI Ban on Ads: నిబంధనలు ఉల్లంఘించిన పలు రాజకీయ పార్టీల వీడియో ప్రకటనలకు జారీ చేసిన అనుమతులు రద్దు చేస్తున్నట్లు ఎన్నికల సంఘం ప్రకటించింది.

అనుమతులు రద్దు చేసిన ప్రకటనల్లో కాంగ్రెస్‌ పార్టీకి చెందిన 6 వీడియోలు, బీజేపీ రూపొందించిన 5 వీడియోలు, బీఆర్‌ఎస్‌ తయారు చేసిన 4 వీడియోలను మీడియా సర్టిఫికేషన్‌ అండ్‌ మానిటరింగ్‌ కమిటీ (ఎంసీఎంసీ) నిబంధనలకు విరుద్ధంగా రూపొందించారని, అనుమతులు రాకముందే సోషల్ మీడియాలో ప్రచారం చేశారని గుర్తించారు.

కాంగ్రెస్‌ పార్టీ రూపొందించిన పలు ప్రకటనలపై బిఆర్‌ఎస్‌ ఎన్నికల సంఘానికి ఫిర్యాదు చేసింది. దీంతో ప్రచారంలో ఉన్న ప్రకటనలను కమిటీ మరోసారి పరిశీలించి అభ్యంతరకరంగా ఉన్న ప్రకటనలకు జారీ చేసిన అనుమతులు రద్దు చేశారు. తక్షణమే టెలికాస్టింగ్ నిలిపివేయాలని సీఈవో వికాస్‌రాజ్‌ ఆదేశించారు.

ఈసీ నిషేధించిన ప్రకటనలను ఆయా చానెళ్లు వెంటనే నిలిపివేయాలని ఆదేశించారు. సీఎం కేసీఆర్‌పై, బీఆర్‌ఎస్‌పై అభ్యంతరకరంగా ప్రకటనలు రూపొదించారంటూ బీఆర్‌ఎస్‌ పార్టీ ఎన్నికల సంఘానికి సోమవారం ఫిర్యాదు చేసింది. దీంతో ప్రకటనలు పరిశీలించిన ఎన్నికల సంఘం వాటిని రద్దు చేస్తూ నిర్ణయం తీసుకుంది.

కాంగ్రెస్‌ పార్టీ రూపొందించిన ఎన్నికల ప్రకటనల వీడియోలపై అభ్యంతరం చెబుతూ బీఆర్‌ఎస్‌ ప్రధానకార్యదర్శి భరత్‌కుమార్‌ నేతృత్వంలో పార్టీ లీగల్‌సెల్‌ బృందం సోమవారం సీఈవో వికాస్‌రాజ్‌ను కలిసి వినతిపత్రం సమర్పించారు. మీడియా సర్టిఫికేషన్‌ అండ్‌ మానిటరింగ్‌ కమిటీ (ఎంసీఎంసీ) నిబంధనలకు విరుద్ధంగా కాంగ్రెస్‌ పార్టీ రూపొందించిన ఎన్నికల ప్రకటనలను టీవీ చానళ్లలో ప్రసారం చేస్తున్నారని ఫిర్యాదు చేశారు.

ఎంసీఎంసీకి ఒకటి చూపించి, టీవీలలో ప్రసారం అయ్యేవి వేరొకటి అని ఆరోపించారు. గతంలో ఫిర్యాదు చేసినప్పుడు సదరు ప్రకటనలను నిలిపివేయాలని ఎన్నికల సంఘం ఆదేశాలు ఇచ్చిందని, అవి అమలు కావడవంలేదని తెలిపింది. టీవీ చానళ్లలో ఇంకా కొనసాగుతున్నాయని ఫిర్యాదు చేయడంతో ఈసీ అన్ని రాజకీయ ప్రకటనలను మరోమారు సమీక్షించింది. ప్రధాన రాజకీయ పార్టీలు ప్రచారం చేస్తున్న ప్రకటనల్ని నిషేధిస్తూ ఆదేశాలు జారీ చేశారు.

అసెంబ్లీ ఎన్నికల ప్రకటన తర్వాత అమలులోకి వచ్చిన నిబంధనల ప్రకారం ఆయా రాజకీయ పార్టీలు ప్రచారం చేసుకోవడానికి రాష్ట్ర స్థాయి మీడియా సర్టిఫికేషన్‌ అండ్‌ మానిటరింగ్‌ కమిటీ అనుమతి మంజూరు చేస్తుందని, వాటిని యథాతథంగా ఉపయోగించుకోవాల్సి ఉంటుందని పేర్కొన్నారు.

అయితే రాజకీయ పార్టీలు అనుమతి పొందని ప్రకటనలను యూట్యూబ్‌తో పాటు ఇతర వేదికలలో కూడా ప్రచారం చేస్తున్నట్లు ఎన్నికల సంఘం దృష్టికి వచ్చిందని తెలిపారు. వీటిపై ఎన్నికల సంఘం ఈనెల 8, 9, 10 తేదీల్లో వివిధ రాజకీయ పార్టీలతో మూడు సమావేశాలు నిర్వహించిందని, ఈ సమావేశాల్లో ప్రచార, ప్రచార అనుమతి (ధ్రువీకరణ/ సర్టిఫికేషన్‌) పొందడానికి మార్గదర్శకాలను క్షుణ్ణంగా వివరించామన్నారు.

అనుమతుల్లేని ప్రకటనల ద్వారా తలెత్తే సమస్యలను కూడా తెలిపామన్నారు. ఎన్నికల సంఘం సూచనలను, మార్గదర్శకాలను అనుసరిస్తామని అన్ని రాజకీయ పార్టీల ప్రతినిధులు హామీ ఇచ్చారని గుర్తు చేశారు.రాజకీయ పార్టీలు విడుదల చేసే ప్రకటనలను ప్రసారం చేయడానికి ముందు అనుమతి పొందిన ప్రకటనలేనా కాదా అనేది మీడియా సరిచూసుకోవాలని సీఈఓ సూచించారు.

ఎన్నికల నియమావళి ప్రకారం అనుమతి పొందని అంశాల ప్రసారాలను నిబంధనల ఉల్లంఘనగా పరిగణిస్తామని వికాస్‌రాజ్‌ తెలిపారు. రాజకీయ పార్టీలు విడుదల చేసే ప్రకటనలకు అనుమతి ధ్రువీకరణ ఇవ్వడం అనేది నిరంతర ప్రక్రియని వివరించారు. ఏ రాజకీయ పార్టీ అయినా, అభ్యర్థి అయినా రాష్ట్ర, జిల్లా స్థాయిలో అనుమతి ధ్రువీకరణ కోసం మీడియా సర్టిఫికేషన్, మానిటరింగ్‌ కమిటీకి ప్రకటనలను పంపుకోవచ్చునని ఎన్నికల సంఘం స్పష్టం చేసింది.

ఈసీ అనుమతి నిరాకరించిన ప్రకటనల్లో బీజేపీ డబుల్‌ బెడ్రూం, దొంగ చేతికి తాళం, రైతు, నేతి బీరకాయ, పేనుకు పెత్తనం వంటి ప్రకటనలు ఉన్నాయి. బీఆర్‌ఎస్‌ పార్టీ రూపొందించిన దేఖ్‌ లేంగే (తెలుగు పాట), మొదటి ఓటు ఎవరికి (వీడియో ప్రకటన), రైతుల అండదండ- కేసీఆర్‌ (వీడియో ప్రకటన), కల్యాణలక్ష్మి ప్రకటనలు ఉన్నాయి. కాంగ్రెస్‌ పార్టీ ప్రచారం చేస్తున్న పలు ప్రకటనలపై ఆంక్షలు విధించారు.

<ul><li>ECI Ban on Ads: తెలంగాణ అసెంబ్లీ ఎన్నికల్లో నిబంధనలు ఉల్లంఘించిన &nbsp;రాజకీయ పార్టీల ఎలక్ట్రానిక్ మీడియా ప్రకటనలపై ఎన్నికల సంఘం కొరడా జుళిపించింది. పలు పార్టీల ప్రకటనలకు ఇచ్చిన అనుమతులు రద్దు చేసింది.&nbsp;</li></ul>

Visakha Infosys Opening: విశాఖలో ఇన్ఫోసిస్ కేంద్రాన్ని ప్రారంభించిన సిఎం జగన్

Visakha Infosys Opening: విశాఖలో ఇన్ఫోసిస్‌ నూతనంగా నిర్మించిన డెవలప్‌మెంట్‌ సెంటర్‌ను ప్రారంభించారు. ఈ కార్యక్రమంలో ఇన్ఫోసిస్ ప్రతినిధులతో పాటు పలువురు మంత్రులు పాల్గొన్నారు.

ఇన్ఫోసిస్‌ విశాఖపట్నంలో రూ. 35 కోట్ల పెట్టుబడితో ఏర్పాటుచేసిన ఈ కేంద్రాన్ని భవిష్యత్‌లో మరింతగా విస్తరించనున్నారు. సాప్ట్‌వేర్‌ డెవలప్‌మెంట్‌ సెంటర్‌గా పనిచేస్తుంది. దీని ఇంటీరియర్‌ డిజైన్‌ భవిష్యత్‌ అవసరాలకు అనుగుణంగా హైబ్రీడ్‌ వర్క్‌ప్లేస్‌గా రూపొందించారు.

దాదాపు 1000 మంది ఉద్యోగులు ఈ సెంటర్‌ నుంచి పనిచేయనున్నారు. గ్రీన్‌ బిల్డింగ్‌ ప్రమాణాలకు అనుగుణంగా ఈ కార్యాలయాన్ని నిర్మించారు. అత్యంత అధునాతన సదుపాయాలతో విశాలమైన ఆడియో, వీడియో కాన్ఫరెన్స్‌ హాల్స్, అధునాతన కెఫ్‌టేరియా, విశాలమైన పార్కింగ్‌ సౌకర్యాలతో తీర్చిదిద్దారు. ఇన్ఫోసిస్ కేంద్రంలో ఏర్పాటు చేసిన సదుపాయాలను సిఎం సంస్థ ప్రతినిధులను అడిగి తెలుసుకున్నారు.

విశాఖలో ఇన్ఫోసిస్ కేంద్రాన్ని ప్రారంభిస్తున్నందుకు సిఎం సంతోషం వ్యక్తం చేశారు. విశాఖకు అన్ని అనుకూలతలు ఉన్నాయని, హైదరాబాద్‌, చెన్నై, బెంగుళూరు స్థాయిలో అభివృద్ధి చెందడానికి విశాఖక అవకాశాలు ఉన్నాయని, రాష్ట్ర విభజన తర్వాత అన్ని అనుకూలతలు ఉన్న నగరం ఇదొక్కటే అన్నారు. హైదరాబాద్‌ వంటి నగరం నగరం ఇప్పటి వరకు ఆంధ్రాకు లేకుండా పోయిందని చెప్పారు. ఈ తరహా పరిశ్రమలు రావడం వల్ల విశాఖ కూడా త్వరగా ఎదుగుతుందని చెప్పారు.

<h2>డిసెంబర్‌ నుంచి విశాఖలో పాలన</h2>రాష్ట్ర విభజన తర్వాత రాష్ట్రంలో అతిపెద్ద నగరంగా ఉన్న విశాఖకు అన్ని అనుకూలతలు ఉన్నాయని సిఎం పునరుద్ఘాటించారు. విశాఖలో ప్రతిష్టాత్మక సంస్థాలు ఉన్నాయని, మెడికల్, ఇంజనీరింగ్, డిగ్రీ కాలేజీలతో 12-15వేల మంది ఏటా ఇంజనీర్లు విశాఖ నుంచి వస్తున్నారని చెప్పారు. ఐఐఎం వంటి ప్రతిష్టాత్మక సంస్థలు విశాఖలో ఉన్నందున వేగంగా అభివృద్ధి చెందొచ్చన్నారు. ఐఓసి, ఈస్ట్రర్న్‌ నావల్ కమాండ్‌లో 20వేల మంది పనిచేస్తున్నారని, పోర్ట్ ఆధారిత మౌలిక సదుపాయాలు విశాఖపట్నంలో అందుబాటులో ఉన్నాయని చెప్పారు. అన్ని సదుపాయలు ఇప్పటికే ఉన్నాయని, రెండేళ్లలో ఇంటర్నేషనల్ ఎయిర్‌ పోర్ట్ అందుబాటులో వస్తుందన్నారు.

తాను విశాఖపట్నం రావడానికి అనువైన కార్యాలయం వెదకాలని ఇప్పటికే సూచించినట్లు చెప్పారు. సిఎంఓ అధికారులు కూడా కార్యాలయాల ఏర్పాటులో నిమగ్నం అయ్యారని,అక్టోబర్‌ నాటికి కొలిక్కి వస్తుందనుకున్నాని వివరించారు. డిసెంబర్‌ నాటికి ఖచ్చితంగా విశాఖలోనే ఉంటానని చెప్పారు. విశాఖలో ఇన్ఫోసిస్ ఏర్పాటుతో ముందడుగు పడుతుందన్నారు. సిఎం తరలి వచ్చిన తర్వాత ఇక్కడ పరిస్థితి పూర్తిగా మారిపోతుందని చెప్పారు. అక్టోబర్‌ నాటికి రావాలనుకున్నానని డిసెంబర్ కావొచ్చన్నారు. తాను ఇకపై విశాఖలోనే ఉంటానని సిఎం స్పష్టం చేశారు.

విశాఖలో అదానీ డేటా సెంటర్‌ ఏర్పాటవుతోందని సింగపూర్‌ నుంచి మెరైన్ డేటా కేబుల్ విశాఖకు ఏర్పాటవుతోందని చెప్పారు. ఐటీ ఆధారిత పరిశ్రమలకు అనువైన వాతావరణం విశాఖలో ఉంటుందని చెప్పారు. విశాఖ ఇన్ఫోసిస్ కేంద్రం అద్భుతాలు చేస్తుందని చెప్పారు. విశాఖ ఇన్ఫోసిస్ అత్యుత్తమ కేంద్రంగా ఎదుగుతుందని ఆశాభావం వ్యక్తం చేశారు. రాష్ట్ర ప్రభుత్వం ఎల్లవేళలా అండగా ఉంటుందని చెప్పారు.ఇన్ఫోసిస్‌‌కు ఏ అవసరం వచ్చినా ఫోన్‌కాల్‌ దూరంలో సిఎంఓ అందుబాటులో ఉంటుందని హామీ ఇచ్చారు.

<ul><li>Visakha Infosys Opening: విశాఖపట్నంలో ఇన్ఫోసిస్ సంస్థ నూతనంగా నిర్మించిన కేంద్రాన్ని సిఎం జగన్ ప్రారంభించారు. విశాఖ, అనకాపల్లి జిల్లాల్లో జరిగే పలు కార్యక్రమాల్లో సిఎం పాల్గొంటున్నారు.&nbsp;</li></ul>

Bezawada Dasara Day02: గాయత్రీదేవిగా భక్తులకు కనువిందు చేస్తోన్న కనకదుర్గమ్మ

<ul><li>Bezawada Dasara Day02: శరన్నవరాత్రి మహోత్సవములలో శ్రీ కనకదుర్గమ్మవారు శ్రీ గాయత్రీ దేవి గా దర్శనమిస్తారు. సకల మంత్రాలకీ మూలమైన శక్తిగా, వేదమాతగా ప్రసిద్ధిపొంది ముక్తా, విద్రుమ, హేమనీల, దవళవర్ణాలతో ప్రకాశించు పంచముఖాలతో దర్శనమిచ్చే సంధ్యా వందన దేవత గాయత్రీ దేవిగా భక్తులకు దర్శనం ఇస్తోంది.&nbsp;</li></ul>

KTR Questions PM: మూడు హామీల సంగతేంటి? మోదీకి కేటీఆర్‌ ప్రశ్నలు..

KTR Questions PM: ప్రధాని నరేంద్ర మోదీకి తెలంగాణ మంత్రి కేటీఆర్‌ ట్విట్టర్‌లో పలు ప్రశ్నలు సంధించారు. మా మూడు ప్రధాన హామీల సంగతేంటని నిలదీశారు.

1. మా కాజీపేట కోచ్ ఫ్యాక్టరీకి ప్రాణం పోసేదెప్పుడు ?

2. మా బయ్యారం ఉక్కు కర్మాగారం నిర్మించేదెప్పుడు ?

3. మా పాలమూరు ప్రాజెక్టుకు జాతీయహోదా దక్కేదెప్పుడు ? అంటూ ప్రశ్నించారు. మూడురోజుల వ్యవధిలో రెండోసారి వస్తున్నారని.. ఆ మూడు విభజన హక్కులకు దిక్కేదని ప్రశ్నించారు.

పదేళ్ల నుంచి పాతరేసి.. ఎంతకాలం ఈ అబద్ధాల జాతర అని కేటీఆర్‌ పేర్కొన్నారు. తెలంగాణపై మీ మనసు కరిగేదెప్పుడు.. తెలంగాణ గోస తీరేదెప్పుడన్నారు. గుండెల్లో గుజరాత్ ను పెట్టుకుని తెలంగాణ గుండెల్లో గునపాలా అని పేర్కొన్నారు. కోచ్ ఫ్యాక్టరీ, ఉక్కు కర్మాగారం ఉపిరి తీశారని కేటీఆర్ ఆరోపించారరు.

లక్షల ఉద్యోగాలిచ్చే ఐ.టీ.ఐ.ఆర్ ను ఆగం చేశారని, మా ప్రాజెక్టుకు జాతీయ హోదా హామీని తుంగలో తొక్కారన్నారు. దశాబ్దాలపాటు దగాపడ్డ పాలమూరుకు ద్రోహంచేసి వెళ్లిపోయారని ఆరోపించారు.

పదేళ్ల పాలనలో..4 కోట్ల తెలంగాణ ప్రజల్నే కాదు..140 కోట్ల భారతీయులను మోసం చేశారన్నారు. 2022 కల్లా రైతుల ఆదాయం డబుల్ అన్నారని, దేశంలో ప్రతి ఒక్కరికి సొంత ఇళ్లు అన్నారని, ఏటా రెండు కోట్ల ఉద్యోగాలిస్తాం అన్నారని,పెట్రోల్ ధరలు నియంత్రిస్తాం అన్నారని, మీ దోస్తుకు ఇచ్చిన హామీలు తప్ప.. దేశ ప్రజలకిచ్చిన ఒక్క మాటను నెరవేర్చరా అని కేటీఆర్ ప్రశ్నించారు.

పసుపు బోర్డు ప్రకటన కూడా.. మహిళా రిజర్వేషన్ మాదిరిగానే ఉందని ఎద్దేవా చేశారు. ఎన్నికల వేళ హంగామా అని, అది అమలు అయ్యేది ఎప్పుడోనన్నారు. ప్రధానిగా మీ పదేళ్ల పాలనలో… అదానికి తప్ప.. ఆమ్ ఆద్మీకి దక్కిందేంటన్నారు.

మా మూడు ప్రధాన హామీలు నెరవేర్చకపోతే.. వచ్చే ఎన్నికల్లో బీజేపీ గూడు చెదరడం పక్కా అన్నారు. మళ్లీ వంద స్థానాల్లో మీ డిపాజిట్లు గల్లంతవడం గ్యారెంటీ అని ట్వీట్‌ చేశారు.

<blockquote class="twitter-tweet">ప్రధాని <a href="https://twitter.com/narendramodi?ref_src=twsrc%5Etfw">@narendramodi</a> గారు... మా మూడు ప్రధాన హామీల సంగతేంటి...??? 1. మా కాజీపేట కోచ్ ఫ్యాక్టరీకి ప్రాణం పోసేదెప్పుడు ? 2. మా బయ్యారం ఉక్కు కర్మాగారం నిర్మించేదెప్పుడు ? 3. మా పాలమూరు ప్రాజెక్టుకు జాతీయహోదా దక్కేదెప్పుడు ? మూడురోజుల వ్యవధిలో రెండోసారి వస్తున్నరు…..మరి.. ఆ…&mdash; KTR (@KTRBRS) <a href="https://twitter.com/KTRBRS/status/1709067969081303352?ref_src=twsrc%5Etfw">October 3, 2023</a></blockquote> <script async src="https://platform.twitter.com/widgets.js" charset="utf-8"></script>

Karimnagar News : రైతులకు నష్టం జరగనివ్వం, తడిసిన ధాన్యాన్ని కొనుగోలు చేస్తాం- పౌరసరఫరాల శాఖ కమిషనర్

<ul><li>Karimnagar News : అకాల వర్షాలతో తడిసిన ధాన్యాన్ని చూసి అన్నదాతలు ఆవేదన చెందుతున్నారు. దీంతో రైతులకు భరోసా కల్పించేందుకు పౌరసరఫరాల శాఖ కమిషనర్ డీఎస్ చౌహాన్ క్షేత్రస్థాయిలో పర్యటిస్తూ రైతులకు భరోసా కల్పించారు. తడిసిన ధాన్యాన్ని మద్దతు ధరకు కొనుగోలు చేస్తామని తెలిపారు.</li></ul>

Wines Shops Close : మందుబాబులకు బ్యాడ్ న్యూస్, మూడ్రోజుల పాటు వైన్ షాపులు బంద్

<ul><li>Wines Shops Close : లోక్ సభ ఎన్నికల వేళ మందుబాబుకు ఈసీ షాక్ ఇచ్చింది. మూడ్రోజుల పాటు మద్యం షాపులు మూసివేయాలని ఆదేశించింది. మే 11వ సాయంత్రం ఆరు గంటల నుంచి 48 గంటల పాటు, అలాగే జూన్ 4న వైన్ షాపులు బంద్ కానున్నాయి.</li></ul>

TS Inter Admissions 2024-25 :తెలంగాణ ఇంటర్ అడ్మిషన్ల షెడ్యూల్ విడుదల, రేపట్నుంచి అప్లికేషన్లు జారీ

<ul><li>TS Inter Admissions 2024-25 : తెలంగాణలోని జూనియర్ కాలేజీల్లో ఇంటర్మీడియట్ అడ్మిషన్ల ప్రక్రియ రేపట్నుంచి ప్రారంభం కానుంది. విద్యార్థులు జూనియర్ కాలేజీల్లో అప్లికేషన్లు పొందవచ్చు.</li></ul>

Tirumala Tour : ఒకే ఒక్క రోజులో తిరుమల ట్రిప్, ఫ్రీగా శ్రీవారి శీఘ్రదర్శనం - తెలంగాణ టూరిజం నుంచి అదిరిపోయే ప్యాకేజీ

Telangana Tourism operate TIRUPATI - TIRUMALA TOUR package from hyderabad 2024

<ul><li>Telangana Tourism Tirumala Tour : తిరుమల వెళ్లే వారికి తెలంగాణ టూరిజం అదిరిపోయే టూర్‌ ప్యాకేజీని తీసుకొచ్చింది. కేవలం ఒక్కరోజు వ్యవధిర</li></ul>

<ul><li>KTR Questions PM: మూడ్రోజుల వ్యవధిలో రెండోసారి తెలంగాణలో పర్యటనకు వస్తున్న ప్రధాని నరేంద్ర మోదీని మంత్రి కేటీఆర్‌ ట్విట్టర్‌లో ప్రశ్నించారు. &nbsp;తెలంగాణకు ఇచ్చిన మూడు ప్రధాన హామీల సంగతేమిటని ప్రశ్నించారు.&nbsp;</li></ul>

CM Jagan In Vahanmithra: ఏపీ ప్రజలు ఎన్నికల కురుక్షేత్రంలో అండగా నిలవాలన్న జగన్

CM Jagan In Vahanmithra: వచ్చే ఎన్నికల్లో పైసా అవినీతి, లంచం, వివక్ష లేకుండా రూ.2.35లక్షల కోట్ల రుపాయలను డిబిటి ద్వారా పేదలకు పంపినీ చేసిన ప్రభుత్వానికి, ఫైబర్‌ గ్రిడ్, స్కిల్‌ డెవలప్‌మెంట్‌, ఇన్నర్‌ రింగ్‌ రోడ్డు, అసైన్డ్‌ భూముల స్కాం, అమరావతి పేరుతో చేసిన దగా, నీరు చెట్టు దోపిడి, రైతులకు చేసిన మోసాలు, అక్కచెల్లెళ్లకు చేసిన వంచించి అన్ని వర్గాలను మోసం చేసిన వారికి మధ్య యుద్ధం జరుగుతుందన్నారు.

దేవుడి దయతో వైఎస్సార్‌ వాహన మిత్ర వంటి మంచి కార్యక్రమానికి శ్రీకారం చుట్టినట్టు చెప్పారు. బ్రతుకు బండి లాగడానికి ఇబ్బంది పడే ఆటో, టాక్సీ డ్రైవర్లకు, వారి కుటుంబాలకు బాసటగా నిలుస్తూ వైఎస్సార్ వాహన మిత్ర కార్యక్రమం అమలు చేస్తున్నట్లు చెప్పారు. లబ్దిదారుల ఖాతాలకు నేరుగా డబ్బులు పంపుతున్నట్లు చెప్పారు.

సొంతంగా ఆటో, టాక్సీల డ్రైవర్లకు ఇన్సూరెన్స్‌, ఫిట్‌నెస్‌ సర్టిఫికెట్లు తెచ్చుకోడానికి ఇబ్బంది పడకూడదనే ఉద్దేశంతో పథకం ప్రవేశపెట్టినట్టు చెప్పారు. ఏటా పదివేలను ఆర్ధిక సాయంగా అందించాలని వైఎస్సార్ వాహన మిత్రకు శ్రీకారం చుట్టినట్టు చెప్పారు. వరుసగా ఐదో ఏడాది ప్రతి డ్రైవర్‌‌కు మంచి చేస్తున్నట్లు చెప్పారు. 2,75,931 మంది డ్రైవర్లకు 275 కోట్లను వారి ఖాతాలకు బదిలీ చేయనున్నట్లు చెప్పారు. ఐదు పర్యాయాలు ఒక్కొక్కరికి రూ.50వేల రుపాయలు ప్రతి ఏటా చెల్లించినట్టు చెప్పారు.

వాహ‍నమిత్ర పథకానికి దాదాపు రూ.1300కోట్లరుపాయలు ఖర్చు చేశామన్నారు. లబ్దిదారుల కుటుంబాలకు నేరుగా పంపిణీ చేశామని, ఆటోలు, టాక్సీలు నడుపుతూస్వయం ఉపాధి కల్పించుకుంటూ నిత్యం లక్షల మందికిసేవలు అందిస్తున్నారని, పదివేల రుపాయల డబ్బుతో ఏటా కావాల్సిన పనులు చేసుకోగలుగుతారన్నారు.

<h2>వెల్లువలా సంక్షేమం…</h2>ఇళ్లు లేని వారికి ఇళ్ల నిర్మాణం, రేషన్‌ కార్డులు మొదలుకుని ఇంటి వద్దకే పెన్షన్లు, ఇంటి దగ్గరే బర్త్‌, కాస్ట్, ఇన్‌కమ్ సర్టిఫికెట్లును తమ ప్రభుత్వం అందిస్తున్నట్లు తెలిపారు. ఇంటంటికి నవరత్నాల్లో సంక్షేమ కార్యక్రమాలను గడప వద్దకే చేరుస్తున్నట్లు చెప్పారు. ఇంగ్లీష్ మీడియం చదువులు పేద అక్కచెల్లెమ్మల పిల్లలకు అందుబాటులోకి తెచ్చామని, గ్రామం, వార్డుకు లంచాలు, వివక్ష లేని పారదర్శక వాలంటీర్ వ్యవస్థను తీసుకొచ్చామని, ప్రతి గ్రామం, వార్డుకు సచివాలయం తీసుకొచ్చినట్లు చెప్పారు. గ్రామాల్లో విలేజీ క్లినిక్స్‌ అందుబాటులోకి తీసుకు రావడం, ఫ్యామిలీ డాక్టర్ కాన్సెప్ట్‌ తీసుకొచ్చి, జగనన్న ఆరోగ్య సురక్ష కార్యక్రమం ద్వారా ప్రతి ఇంట్లో బీపీ, షుగర్‌ వంటి వ్యాధులు ఉన్నా చికిత్సలు అందిస్తున్నట్లు చెప్పారు.

గ్రామ, వార్డు స్థాయిలోనే మహిళా పోలీసుల్ని నియమించి, ప్రతి మహిళ ఫోన్లో దిశా యాప్‌ ఉండేలా చూస్తున్నామన్నారు. రైతులకు అండగా ఉండేలా ఆర్బీకేల ఏర్పాటు వంటి ఎవరో చెబితే చేయలేదని, 3653 కిలోమీటర్ల పాదయాత్రలో ప్రజల సమస్యలను కళ్లారా చూసి సమస్యలకు పరిష్కారం వెదుకుతూ చేసినవేనన్నారు. ఆ బాధ్యత నుంచి ఈ మార్పులన్నీ పుట్టుకొచ్చాయన్నారు.

<h2>పేదల గొంతుకై నిలుస్తూ పాలన…</h2>ఏ పేదవాడైతే, తమ కష్టాన్ని చెప్పుకోలేని స్థితిలో ఉన్న వారి గొంతుగా, వారి తరపున నిలబడుతున్న ప్రభుత్వం తమదన్నారు. అట్టడుగున ఉన్న పేదవాడు సైతం బాగుంటేనే రాష్ట్రం బాగుంటుందని నమ్మి అడుగులు వేస్తున్నట్లు చెప్పారు.

రైతుల కష్టాలు తెలిసిన మనిషిగా.. రాష్ట్రంలో 62శాతం ఉన్న రైతులకు రూ. 30,980కోట్లను వైఎస్సార్ రైతు భరోసా పథకం ద్వారా ఖర్చు చేసినట్లు చెప్పారు. పంటల వేసే సమయానికి పెట్టుబడిగా ఈ డబ్బుు అందిస్తున్నట్లు చెప్పారు. ఇలా మేలు చేసిన ప్రభుత్వం రాష్ట్ర చరిత్రలో మరొకటి ఉందా అని ప్రశ్నించారు. గొంతు వినిపించలేదని 2.43లక్షల మత్స్యకార కుటుంబాలకు మత్స్యకార భరోసా ద్వారా రూ.538కోట్ల రుపాయలను వారి చేతుల్లో పెట్టామన్నారు.

మగ్గం కదిలితే తప్ప బ్రతుకు బండి నడవని 82వేల చేనేత కార్మికులకు నేతన్న నేస్తం ద్వారా రూ.982కోట్లను అందించినట్లు చెప్పారు. రోడ్లపై వ్యాపారాలు చేసుకునే చిరు వ్యాపారాలు చేసుకునే 17.55లక్షల మందికి వడ్డీలేని రుణాలుగా రూ.2956కోట్లను అందించినట్లు చెప్పారు. జగనన్న చేదోడుగా రజకులు, నాయిబ్రహ్మణులు, టైలర్లు వంటి 3.32లక్షల మందికి 927కోట్లను అందించినట్లు చెప్పారు.

రాష్ట్రంలో మహిళసాధికారత కోసం ఉద్యమం చేపట్టామని అందులో భాగంగానే అమ్మఒడి పథకాన్ని తీసుకొచ్చినట్లు చెప్పారు. గతంలో పేదలు ఎలా బ్రతుకుతున్నారో ఎవరు ఆలోచించలేదని 52నెలల 42.44లక్షల మందికి రూ.26వేల కోట్లను విడుదల చేసినట్లు చెప్పారు. విద్యాదీవెన కింద 26.99లక్షల మంది తల్లులకు రూ.11,317కోట్లను చెల్లించినట్లు చెప్పారు.వసతి మందికి 25.17లక్షల మందికి రూ.4275కోట్లు ఖర్చు చేసినట్లు చెప్పారు.

పొదుపు సంఘాల మహిళల్ని చంద్రబాబు మోసం చేశారని, మహిళలు బ్రతకలేని స్థితిలో ఉన్నందున వారి కోసం 80లక్షల మంది అక్క చెల్లెమ్మలకు 80లక్షల మంది మహిళలకు 19,178కోట్లను చెల్లించినట్లు వివరించారు. కోటిమంది మహిళలకు వైఎస్సార్ సున్నా వడ్డీ పథకం ద్వారా రూ.5వేల కోట్ల రుపాయలు అందించి తోడుగా నిలిచినట్లు చెప్పారు. 45-60 మధ్య వయసులో మహిళల చేతిలో డబ్బులు పెడితే కుటుంబాలు బాగు పడతాయనే ఉద్దేశంతో 26.40లక్షల మంది మహిళలకు రూ. 14,129 కోట్లను వైఎస్సార్ చేయూత ద్వారా అందించినట్లు చెప్పారు.

రూ. 2029 కోట్లను కాపు నేస్తం ద్వారా అందించామని చెప్పారు. 30.76లక్షల మందికి ఇళ్ల స‌్థలాలు ఇస్తే 21.30లక్షల ఇళ్లు వేగంగా జరుగుతున్నాయని చెప్పారు. ఇంతగా మహిళలకు మేలు చేసిన ప్రభుత్వం మరొకటి లేదన్నారు. ఎవరో అడిగితే , ఉద్యమాలు చేస్తే ఈ పథకాలు అమలు చేయలేదని జగన్ చెప్పారు.

<h2>ఎన్నికల్లో అండగా నిలవండి….</h2>కష్టాలు, సుఖాలు తెలిసిన వాడిగా సంక్షేమం అందిస్తున్నట్లు చెప్పారు. తమది మనసున్న ప్రభుత్వం అన్నారు. రానున్న ఎన్నికల్లో రేపు కురుక్షేత యుద్ధం జరుగుతుందని, మనసున్న పాలకులకు, నిరుపేదల తరపున నిలబడిన వారికి, మనసులేని వారికి, నిరుపేదల్ని వంచించిన గత ప్రభుత్వానికి మధ్య యుద్ధం జరుగుతుందని, వచ్చే ఎన్నికల్లో నీతివంతంగా అన్ని సామాజిక వర్గాలకు ప్రాంతాలకు అండగా సంక్షేమం అందిస్తున్న వారికి దోపిడీ దారులకు మధ్య పోరాటం జరుగుతుందన్నారు.

సామాజిక అన్యాయాలు, ప్రాంతాలకు అన్యాయాలు చేయడమే చరిత్రగా ఉన్నవారికి, అన్ని వర్గాలను సమదృష్టితో చూస్తున్న తమ ప్రభుత్వానికి మధ్య యుద్ధం జరుగుతుందన్నారు. మ్యానిఫెస్టోను ఖురాన్‌ బైబిల్, భగవద్గీత భావించి 99శాతం పూర్తి చేసిన ప్రభుత్వాని… ఎన్నికల్లో ప్రజల్ని మోసం చేయడానికి మాత్రమే తీసుకురావాలి, తర్వాత చెత్త బుట్టలో వేయాలనుకునే వారికి మధ్య యుద్ధం జరుగుతుందన్నారు.

వచ్చే ఎన్నికల్లో 80ఎస్సీ, ఎస్టీ,బీసీ,మైనార్టీలకు డిబిటి ద్వారా సంక్షేమం అందించి , 83శాతం ప్ర‎భుత్వం ఉద్యోగాలు కల్పించిన వారికి, ఎస్సీల్లో ఎవరైనా పుట్టాలని కోరుకుంటారా అనే అహంకారానికి మధ్య యుద్ధం జరుగనుందన్నారు. వచ్చే ఎన్నికల గురించి ప్రతి ఒక్కరు ఆలోచన చేయాలని, గతంలో కూడా ఇదే రాష్ట్రం, ఇదే బడ్జెట్‌ ఉందని, ముఖ్యమంత్రి మాత్రమే మారిందని, అప్పులు కూడా గతంలో పోలిస్తే తక్కువేనని ఇప్పుడు బటన్‌ ఎందుకు నొక్కగలుగుతున్నాడు, నేరుగా డబ్బు ఎలా ఖాతాలకు వెళుతోందన్నారు.

ఈ డబ్బంతా గతంలో ఎవరి జేబుల్లోకి పోయిందని జగన్ ప్రశ్నించారు. అధికారం కావాల్సింది పేదలకు మంచి చేయడం కోసం కాదని, వారికి అధికారం కావాల్సింది దోచుకోడానికి, దోచుకున్నది పంచుకోడానికి ఆ తర్వాత తినడానికి అధికారం కావాలన్నారు. తనకు గజ దొంగల ముఠా తోడుగా లేదని , మీడియా దత్తపుత్రుడి అండదండలు తనకు లేవని, దోచుకుని, పంచుకుని తినడం తన విధానం కాదన, భగవంతుడు, ప్రజల్ని మాత్రమే నమ్ముకున్నానని చెప్పారు.

రాష్ట్ర అబద్దాలు నమ్మోద్దని, రానున్న రోజుల్లో ఒక్కో ఇంటికి కేజీ బంగారం, బెంజి కార్ ఇస్తామని చెబుతారని, వాటిని నమ్మొద్దన్నారు.ప్రతి ఇంట్లో మంచి జరిగితే తనకు సైనికుల్లా నిలవాలన్నారు. యుద్ధం పెత్తందారులకు పేదలకు మధ్య జరుగుతోందన్నారు. పెత్తందారి ప్రభుత్వం రాకుండా అడుగులు వేయాలన్నారు. యుద్ధంలో కులాలు, మతాలు లేవని,పేదలు ఒకవైపు పెత్తందారులు మరోవైపు ఉన్నారన్నారు. ఇలాంటి వారితో యుద్ధం జరుగుతోందని అంతా గుర్తుంచుకోవాలన్నారు.

<ul><li>CM Jagan In Vahanmithra: రానున్న ఎన్నికల కురుక్షేత్ర యుద్ధంలో ప్రజలు తనకు అండగా నిలవాలని ఏపీ సిఎం జగన్మోహన్ రెడ్డి కోరారు. విజయవాడలో నిర్వహించిన వైఎస్సార్ వాహనమిత్ర నిధుల విడుదల కార్యక్రమంలో పాల్గొన్న ఎవరు అడగకున్నా, ఉద్యమించకపోయిన సంక్షేమం అందిస్తున్నట్లు చెప్పారు.&nbsp;</li></ul>

Chandrababu Political Struggle: రాజకీయంగా నిస్సహాయ స్థితిలో చంద్రబాబు

Chandrababu Political Struggle:టీడీపీ అధ్యక్షుడు చంద్రబాబు నాయుడు రాజకీయంగా అత్యంత నిస్సహాయ స్థితిని ఎదుర్కొంటున్నారు. దేశ రాజకీయాల్లో చక్రం తిప్పిన చంద్రబాబుకు ఇప్పుడు కాలు కదలని స్థితిలో ఉన్నారు. ఒకప్పుడు ఒంటి చేత్తో జాతీయ రాజకీయాలను, కూటముల్ని నిర్దేశించిన బాబుకు ఇప్పుడు బాసటగా నిలిచే పార్టీ కూడా లేకుండా పోయింది.

టీడీపీ అధ్యక్షుడు చంద్రబాబు నాయుడు రాజకీయంగా అత్యంత క్లిష్టమైన పరిస్థితుల్ని ఎదుర్కొంటున్నట్టు కనిపిస్తోంది. ఒకప్పుడు కూటముల ఏర్పాటులో, ప్రధాన మంత్రలు, రాష్ట్రపతుల నియామకంలో కూడా ప్రభావం చూపించిన మనిషి ఇప్పుడు రాజమండ్రి జైల్లో రోజులు వెళ్లదీస్తున్నారు. ఆంధ్రప్రదేశ్‌ రాజకీయాల్లో గత మూడు దశాబ్దాలుగా చంద్రబాబుకు విస్మరించలేని పాత్ర ఉంది.

రాజకీయంగా నాలుగున్నర దశాబ్దాల చరిత్ర ఉన్నా ముఖ్యమంత్రిగా బాధ్యతలు చేపట్టిన తర్వాత ఆయనకు వచ్చిన గుర్తింపు వేరే.రాజకీయ నాయకుడిగా కంటే తనను తాను సీఈఓగా అభివర్ణించుకోవడానికే మొగ్గు చూపించే విజనరీ బాబు, కల్లో కూడా ఈ కష్టాలను ఊహించి ఉండరు.

చంద్రబాబు విజన్‌ ఎప్పుడూ రెండు దశాబ్దాలు ముందుటుందని విస్తృత ప్రచారం ఉంది. ఎవరు వినని రోజుల్లో ఆయన 2020 నినాదాన్ని ఎత్తుకుని ఊదరగొట్టాడు. 2020 నాటికి ఆయన అధికారంలో లేకుండా పోయారు. దీంతో 2047 నినాదం ప్రారంభించారు. భవిష్యత్తులో ఆ నినాదం తమదే అని కాంపెయిన్ చేసుకోడానికి టీడీపీ ఓ అవకాశం కల్పించారు. బాబు విజన్‌కు అద్దం పట్టే ట్రిక్కులు చాలానే ఉన్నాయి.

స్కిల్ డెవలప్‌మెంట్‌ కేసులో చంద్రబాబుకు కష్టాలు మొదలై 20 రోజులు కావొస్తుంది. అక్టోబర్ 3వరకు కేసును విచారించే పరిస్థితి లేదు. ఎదురు చూడటం తప్ప ఊరట ఎప్పుడు లభిస్తుందో తెలియని పరిస్థితిలో టీడీపీ ఉంది. చంద్రబాబు రాజకీయంగా ఎదుర్కొంటున్న కష్టాలకు కారణం ఏమిటనే దానిపై సర్వత్రా చర్చ జరుగుతోంది.

చంద్రబాబు అరెస్ట్, కక్ష సాధింపు అంటూ బాబు వర్గీయుల నుంచి నిత్యం విమర్శలు ఎదురవుతున్నాయి. ఈ క్రమంలో ఓ సంగతిని ప్రధానంగా గుర్తించాలి. టీడీపీ విమర్శలు, ఆరోపణలు, దూషణలు మొత్తం వైసీపీనే టార్గెట్‌గా చేసుకుని సాగుతున్నాయి.నిజానికి జగన్మోహన్‌ రెడ్డి.. తన రాజకీయ ప్రత్యర్థులకు తనంతట తానుగా ఈ స్థాయి షాక్‌ ఇచ్చేంతటి అనువైన వాతావరణం ఉండదనే అనుమానాలు కూడా ఉన్నాయి. టీడీపీ అధినేత మీద పట్టు బిగించాలని జగన్మోహన్‌ రెడ్డికి ఉన్నా అందుకు చాలా శక్తియుక్తులు అవసరం.

<h2>కావాలనే విస్మరించారా…</h2>చంద్రబాబును బంధించి జైల్లో పెట్టడానికి కావాల్సిన శక్తి ఎక్కడి నుంచి వచ్చిందనే విషయాన్ని టీడీపీ పూర్తిగా విస్మరించింది. టీడీపీ విస్మరించింది అనుకోవడం కంటే దాని జోలికి వెళ్లడం మరిన్ని కష్టాలను తెచ్చిపెడుతుందనే భయం వారిలో కనిపిస్తోంది. అందుకే జగన్మోహన్‌ రెడ్డి మాత్రమే టార్గెట్‌ చేసుకున్నారు. జగన్‌ వెనక రాజకీయంగా అండగా నిలిచిన వారిని విమర్శించే సాహసం కూడా చేయలేకపోతున్నారు.

చంద్రబాబు రాజకీయంగా ఎదుర్కొంటున్న సంక్లిష్ట పరిస్థితులకు జగన్మోహన్ రెడ్డిని మాత్రమే దోషిగా చూపేందుకు టీడీపీ ప్రయత్నిస్తోంది. జగన్‌కు అవసరమైన బలం ఎక్కడి నుంచి వస్తుందో వారికి తెలిసినా, అందులో తప్పొప్పులను ఎత్తి చూపే సాహసం కూడా టీడీపీ చేయలేకపోతోంది.

జగన్మోహన్ రెడ్డి ప్రస్తుతం కేంద్రంలో ఏ కూటమిలోను భాగంగా లేరు. కానీ ఆయన ఆలోచనలు,ప్రణాలికలకు సమయానికి అనుగుణంగా కావాల్సిన మద్దతు మాత్రం లభిస్తోంది.ఏ అదృశ్య శక్తుల నుంచి జగన్‌కు ఇంతటి బలమైన శక్తి లభిస్తుందనే దానిపై ఎవరికి స్పష్టత లేదు. ప్రస్తుతం చంద్రబాబును కట్టడి చేసే విషయంలో కూడా ఏవో అదృశ్య శక్తుల సహకారం మాత్రం పుష్కలంగా లభిస్తుందని తాజా పరిస్థితులు రుజువు చేస్తున్నాయి.

చంద్రబాబు రాజకీయంగా చేసిన తప్పులు, నిలకడ లేని రాజకీయాలు, అవకాశవాద ప్రకటనలతో పాటు ప్రత్యర్థులు పన్నిన వ్యూహాల్లో అమాయకంగా చిక్కుకోవడమే ప్రస్తుత పరిస్థితులకు కారణంగా కనిపిస్తుంది. అటు ఇండియా కూటమితో పాటు ఇటు బీజేపీకి కూడా బాబు దగ్గర కాలేకపోయారు. ఎవరికి విశ‌్వసనీయ భాగస్వామిగా మిగలక పోవడంతోనే రాజకీయంగా అత్యంత క్లిష్ట పరిస్థితిని ఎదుర్కొంటున్నారు.

<ul><li>Chandrababu Political Struggle: టీడీపీ అధ్యక్షుడు చంద్రబాబు నాయుడు రాజకీయంగా అత్యంత నిస్సహాయ స్థితిని ఎదుర్కొంటున్నారు. దేశ రాజకీయాల్లో చక్రం తిప్పిన చంద్రబాబుకు ఇప్పుడు కాలు కదలని స్థితిలో ఉన్నారు.</li></ul>

AP Congress: ఏపీ కాంగ్రెస్‌లో ఉత్సాహం నింపేందుకు ప్రయత్నాలు ప్రారంభం

AP Congress: ఏపీలో దాదాపుగా కనుమరుగైన కాంగ్రెస్‌ పార్టీలో కొత్త ఉత్సాహాన్ని నింపే ప్రయత్నాలు ప్రారంభం అయ్యాయి. ఏపీసీసీ ఆధ్వర్యంలో విజయవాడలో నిర్వహించిన మౌన సత్యాగ్రహం కార్యక్రమం విజయవంతం కావడం కాంగ్రెస్ శ్రేణుల్లో నూతన ఉత్సాహాన్ని నింపింది. విభజన తరువాత ఆంధ్రప్రదేశ్ లో పూర్తిగా తుడిచి పెట్టుకు పోయిన కాంగ్రెస్ పార్టీకి సత్యాగ్రహ కార్యక్రమం ఒక విధంగా ఊపిరి అందించింది.

2024 జరిగే సార్వత్రిక ఎన్నికలకు ఐదు రాష్ట్రాల అసెంబ్లీ ఎన్నికల్ని సెమీ ఫైనల్స్‌గా ఆపార్టీ భావిస్తోంది. కర్ణాటక గెలుపుతో అన్ని రాష్ట్రాల్లో కాంగ్రెస్‌ పార్టీని బలోపేతం చేయాలని ఆ పార్టీ నాయకత్వం ఆదేశించింది. రాష్ట్రాల అసెంబ్లీ ఎన్నికల ఫలితాలు కూడా ఆంధ్ర ప్రదేశ్ కాంగ్రెస్ పార్టీపై ప్రభావం చూపుతాయని ఆ పార్టీ నేతలు భావిస్తున్నారు. కర్ణాటక ఇచ్చిన విజయంతో మిగిలిన రాష్ట్రాలలో కూడా విజయం సాధించాలని కాంగ్రెస్ అధిష్టానం ప్రణాళికలు రచిస్తోంది.

నాలుగు రాష్ట్రాల్లో ఓటర్లు కాంగ్రెస్ పక్షాన ఉంటే మాత్రం 2024 ఎన్నికల్లో కాంగ్రెస్ పార్టీనే బీజేపీకి ప్రధాన ప్రత్యర్థి అవుతుందని అంచనా వేస్తున్నారు. యూపీఏ భాగస్వామ్య పక్షాలు కూడా కాంగ్రెస్ నేతృత్వంలో పని చేయడానికి ఎటువంటి అభ్యంతరాలు వ్యక్తం చేసే అవకాశం ఉండదని ఆ పార్టీ నేతలు చెబుతున్నారు.

రాబోయే ఐదు రాష్ట్రాల అసెంబ్లీ ఎన్నికల్లో విజయంతోనే రాహుల్ గాంధీకి కూడా బీజేపీని వ్యతిరేకించే రాజకీయాల పక్షాలకు నాయకత్వం వహించే అవకాశాలు దక్కుతాయని భావిస్తున్నారు.ఈ అంశాలు అన్నీ ఆంధ్రప్రదేశ్ కాంగ్రెస్ భవిష్యత్తుపై ప్రభావం చూపుతాయని ఆ పార్టీ నాయకులు అంచనా వేస్తున్నారు. ఈ నేపధ్యంలోనే అసెంబ్లీ ఎన్నికలు జరిగే రాష్ట్రాల్లో ో విజయం సాధించడానికి కాంగ్రెస్ అధిష్టానం తన సర్వ శక్తులూ ఒడ్డి పోరాడుతోంది.

కాంగ్రెస్‌కు సంబంధించి ఆంధ్రప్రదేశ్ లో ఇప్పటికిప్పుడు పూర్తి స్థాయిలో పార్టీ బలోపేతం అయ్యే పరిస్థితులు కనబడకపోయినా.. అధ్యక్షులుగా గిడుగు రుద్రరాజు బాధ్యతలు స్వీకరించిన, ఏపీ ప్రధాన కార్యాలయంలో సందడి మొదలైంది. వారంలో నాలుగు రోజులు ఆంధ్రరత్న భవన్ లోనే ఉంటూ కార్యకర్తలకు అందుబాటులో ఉంటున్నారు. ఎప్పుడూ సమావేశాలు, సమీక్షలూ నిర్వహిస్తూ శ్రేణుల్లో ఉత్సాహం నింపుతున్నారు. మరో మూడు రోజులు రాష్ట్ర పర్యటనల్లో భాగంగా జిల్లాల్లో పర్యటిస్తున్నారుు.ఏపీలో కాంగ్రెస్ పార్టీకి పూర్వ వైభవం తేవాలని ప్రయత్నిస్తున్నారు.

2014 రాష్ట్ర విభజన తరువాత దేశవ్యాప్తంగా కూడా కాంగ్రెస్ కు ఎదురుగాలి వీచింది. అప్ఫటి వరకు కాంగ్రెస్ కు కంచుకోటగా ఉన్న ఆంధ్రప్రదేశ్ లో కనీసం కార్పొరేటర్ సీటు గెలవడం కూడా కష్టంగా మారింది. కార్యకర్తలు లేక, నేతలు రాక కొన్ని సంవత్సరాలు ఆంధ్రరత్న భవన్ వెలవెల బోయింది. ఈ నేపధ్యంలో రాష్ట్ర కాంగ్రెస్ అధ్యక్షులుగా గిడుగు రుద్రరాజు బాధ్యతలు స్వీకరించిన తరువాత రాష్ట్ర కాంగ్రెస్ ను గాడిన పెట్టే ప్రయత్నాలు ప్రారంభించారు. తన అనుభవంతో గ్రూపు రాజకీయాలను సమన్వయం చేసుకుంటూ పార్టీలో జవ సత్వాలు నింపేందుకు ప్రయత్నిస్తున్నారు. ఆంధ్రరత్న భవన్ లోనే మకాం వేసి కార్యకర్తలకు తాను అండగా ఉంటానని సంకేతాలు పంపుతున్నారు.

విజయవాడ కేంద్రంగా రాష్ట్ర కాంగ్రెస్‌కు శస్త్ర చికిత్స చేసి మరలా పునర్వైభవం తీసుకొచ్చేందుకు ప్రయత్నిస్తున్నారు. గతంలో కాంగ్రెస్ లో ఉండే ప్రత్యేక సంస్కృతి భిన్నంగా గ్రూపుల్ని కట్టడి చేయడంలో అధిష్టానం కూడా గిడుగు రుద్రరాజుకు భరోసా ఇచ్చింది. పార్టీ కార్యక్రమాల నిర్వహణకు సహాయ, సహకారాలు అందిస్తోంది. ఒకప్పుడు రాష్ట్రంలో కాంగ్రెస్ పార్టీకి బలమైన ఓటు బ్యాంకుగా ఉంటూ ప్రస్తుతానికి కొంత దూరమైన మైనార్టీలు, ఎస్సీలు, బీసీలపైనా ప్రత్యేకంగా దృష్టి సారించారు.

బీజేపీ యూనిఫాం సివిల్ కోడ్ తీసుకురావాలని భావిస్తున్న నేపథ్యంలో ఢిల్లీ నుంచి వచ్చిన కాంగ్రెస్ పెద్దల ఆధ్వర్యంలో 13 జిల్లాల మైనార్టీ నేతలతో సమావేశాలు నిర్వహించారు.యూసీసీలో అభ్యంతరకరమైన అన్ని అంశాలపై చర్చించారు. ఎస్సీ, బీసీ నేతలతో కూడా నిరంతరం మంతనాలు జరుపుతూ పాత కేడర్ ను మరలా సొంత గూటికి తెచ్చేందుకు ప్రయత్నిస్తున్నారు. అందరినీ కలుపుకుపోవడం ద్వారా 2024 సార్వత్రిక ఎన్నికల్లో ఆంధ్రప్రదేశ్‌లో బోణీ కొట్టాలని భావిస్తున్నారు.

<ul><li>AP Congress: ఏపీలో ఉనికి కోల్పోయిన కాంగ్రెస్ పార్టీ పూర్వ వైభవం తెచ్చేందుకు ఆ పార్టీ నాయకత్వం ప్రయత్నాలు ప్రారంభించింది. రాష్ట్ర విభజన తర్వాత అధ్యక్షులు మారినా పార్టీ పరిస్థితి మాత్రం మెరుగు పడలేదు. కర్ణాటకలో గెలుపుతో ఏపీలో కూడా శక్తి పుంజుకోడానికి &nbsp;ఆ పార్టీ ప్రయత్నాలు ప్రారంభించింది.&nbsp;</li></ul>

Sarath Chandra