AP POLYCET 2024 : విద్యార్థులకు అలర్ట్.. ఏపీ పాలిసెట్ దరఖాస్తుల గడువు పెంపు, ఎప్పటివరకంటే

AP POLYCET 2024 Registration : ఏపీ పాలిసెట్(Andhra Pradesh Polytechnic Common Entrance Test 2024) ఆన్ లైన్ దరఖాస్తులకు సంబంధించి కీలక అప్డేట్ ఇచ్చారు అధికారులు. ముందుగా ప్రకటించిన షెడ్యూల్ ప్రకారం…ఇవాళ్ఠి (ఏప్రిల్ 5)తో ఆన్ లైన్ దరఖాస్తుల ప్రక్రియ పూర్తి కావాలి. అయితే ఈ గడువును మరో ఐదురోజుల పాటు పొడిగించారు. ఫలితంగా ఏప్రిల్ 10వ తేదీ వరకు విద్యార్థులు… ఏపీ పాలిసెట్ కు(AP POLYCET 2024) అప్లయ్ చేసుకునే వీలు ఉంటుంది. ఈ ఎంట్రెన్స్ ఎగ్జామ్ ద్వారా… ప్రభుత్వ, ప్రైవేట్‌ పాలిటెక్నిక్‌ కాలేజీల్లో వివిధ డిప్లొమా కోర్సుల్లో ప్రవేశాలను కల్పిస్తారు. ఇందుకు సంబంధించిన ఎగ్జామ్ ఏప్రిల్ 27వ తేదీన నిర్వహించనున్నారు. https://polycetap.nic.in/ వెబ్ సైట్ లోకి వెళ్లి అప్లికేషన్ ప్రాసెస్ ను పూర్తి చేయవచ్చు.

AP Polycet Application Fee: ఏపీ పాలిసెట్ కు దరఖాస్తు చేసుకునే ఓసీ, బీసీ అభ్యర్థులు రూ. 400 చెల్లించాలి. ఎస్సీ, ఎస్టీ అభ్యర్థులు రూ. 100 చెల్లించాలి.

అర్హతలు - పదో తరగతిలో ఉత్తీర్ణత సాధించి ఉండాలి. మార్చి, ఏప్రిల్ లో పరీక్షలు రాసిన విద్యార్థులు కూడా అప్లయ్ చేసుకోవచ్చు.

ఇలా దరఖాస్తు చేసుకోండి…

• ఏపీ పాలిసెట్ కు దరఖాస్తు చేసుకునే విద్యార్థులు https://polycetap.nic.in/Default.aspx వెబ్ సైట్ లోకి వెళ్లాలి.
• AP POLYCET 2024 registration link పై క్లిక్ చేయాలి.
• ముందుగా దరఖాస్తు రుసుం ప్రక్రియను పూర్తి చేయాలి. ఆ తర్వాతే… అప్లికేషన్ ప్రాసెస్ ముందుకు వెళ్తోంది.
• మీ ఫొటో, సంతకాన్ని అప్ లోడ్ చేయాల్సి ఉంటుంది. తప్పులు దొర్లకుండా సరైన వివరాలను ఎంట్రీ చేయాలి.
• చివరగా సబ్మిట్ బటన్ నొక్కితే అప్లికేషన్ ప్రాసెస్ పూర్తి అవుతుంది.
• రిజిస్ట్రేషన్ నెంబర్ జనరేట్ అవుతుంది. దరఖాస్తు పూర్తి చేసిన ఫారమ్ ను ప్రింట్ పొందవచ్చు.

ముఖ్య వివరాలు:

• ప్రవేశ పరీక్ష - ఏపీ పాలిసెట్ 2024.
• 2024- 25 విద్యా సంవత్సరానికి పాలిటెక్నిక్ కాలేజీల్లోని డిప్లోమా కోర్సుల్లో ప్రవేశాలు కల్పిస్తారు.
• దరఖాస్తు రుసుం - ఓబీసీలకు రూ. 400, ఎస్సీ, ఎస్టీ అభ్యర్థులకు రూ. 100
• ఏపీ పాలిసెట్ దరఖాస్తులు ప్రారంభం - 20, ఫిబ్రవరి 2024.
• ఆన్ లైన్ దరఖాస్తులకు చివరి తేదీ - 10, ఏప్రిల్, 2024.
• పాలిసెట్ పరీక్ష తేదీ - 27, ఏప్రిల్, 2024.
• వెబ్ సైట్ - https://polycetap.nic.in/

మరోవైపు రాష్ట్రవ్యాప్తంగా ఉన్న ప్రభుత్వ పాలిటెక్నిక్ కాలేజీల్లో ఉచితంగా కోచింగ్(AP Polycet Free Coaching) ఇస్తున్నారు.  ఈ తరగతులు ఏప్రిల్ 1వ తేదీ నుంచే ప్రారంభమయ్యాయి. . అన్ని ప్రభుత్వ పాలిటెక్నిక్ లలో ఏప్రిల్ 25 వరకు నిరవధికంగా క్లాసులు జరుగుతాయని ఏపీ సాంకేతిక విద్యాశాఖ ప్రకటించిన సంగతి తెలిసిందే. 87 ప్రభుత్వ పాలిటెక్నిక్స్, 182 ప్రైవేటు పాలిటెక్నిక్స్‌లలో ఈ క్లాసులు జరుగుతున్నాయి.  తెలుగు, ఇంగ్లీషు మాధ్యమాలలో సిద్దం చేసిన ఉచిత పాలిసెట్ కోచింగ్ మాటీరియల్‌ను హాజరయ్యే ప్రతి ఒక్క విద్యార్దికి అందిస్తున్నారు.