Virat Kohli | స‌మంత పాట‌కు విరాట్ స్టెప్పులు...సోష‌ల్ మీడియాలో వైర‌ల్ అవుతున్న వీడియో

పుష్ప సినిమాలోని ఊ అంటావా మావ పాట దేశ‌వ్యాప్తంగా సంగీత‌ప్రియులను ఆక‌ట్టుకుంటోంది. ఈ పాట‌లో స‌మంత వేసిన స్టెప్పులు అంద‌రిని ఆక‌ట్టుకుంటున్నాయి. తాజాగా ఈ పాట‌కు విరాట్‌కోహ్లి స‌ర‌దాగా డ్యాన్స్ చేశారు. అత‌డి డ్యాన్స్ వీడియో సోష‌ల్ మీడియాలో ట్రెండ్ అవుతోంది.

 ఆర్‌సీబీ ప్లేయర్ గ్లెన్ మ్యాక్స్‌వెల్‌. వినీ రామన్ మార్చి 27న వివాహ బంధంతో ఒక్కటయ్యారు. వారి పెళ్లి జరిగి నెల రోజులు పూర్తయిన సందర్భంగా ఆర్‌సీబీ యాజమాన్యం స్పెషల్ పార్టీని అరెంజ్ చేసింది. బయోబబుల్ విధానాన్ని పాటిస్తూ ఏర్పాటు చేసిన ఈ పార్టీలో ట్రెడిషనల్ డ్రెస్సులలో ఆర్‌సీబీ క్రికెటర్లు సందడి చేశారు. విరాట్ కోహ్లి,అనుష్క శర్మ దంపతులు ఈ పార్టీకి స్పెషల్ అట్రాక్షన్ గా నిలిచారు. ఈ పార్టీలో పుష్ప సినిమాలోని సమంత నటించిన ఊ అంటావా పాటకు విరాట్ కోహ్లి సరదాగా డ్యాన్స్ చేశారు. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. 

ఈ పెళ్లి పార్టీ తాలూకు ఫొటోలను పలువురు క్రికెటర్లు తమ సోషల్ మీడియా ఖాతాల ద్వారా షేర్ చేశారు.మెల్‌బోర్న్‌లో ఫార్మసిస్ట్ గా పనిచేసే విని రామన్ తో చాలా కాలంగా ప్రేమలో ఉన్నారు గ్లెన్ మ్యాక్స్‌వెల్‌. మార్చి 18న క్రిస్టియన్ పద్ధతిలో అస్ట్రేలియాలో వీరు పెళ్లి చేసుకున్నారు. ఆ తర్వాత మార్చి 27న హిందు పద్ధతిలో చెన్నైలో మ్యాక్స్‌వెల్‌, విని రామన్ ల వివాహ వేడుక జరిగింది.