India vs West Indies T20 Series: ఇండియా, వెస్టిండీస్ మధ్య తొలి టీ20 రేపే: టైమ్, టీవీ ఛానెల్, లైవ్ స్ట్రీమింగ్ వివరాలివే

India vs West Indies T20 Series: వెస్టిండీస్ పర్యటనలో టెస్టు, వన్డే సిరీస్‍లను చేజిక్కించుకున్న టీమిండియా టీ20 సమరానికి సిద్ధమైంది. మంగళవారం జరిగిన మూడో వన్డేలో భారత జట్టు ఏకంగా 200 పరుగుల తేడాతో వెస్టిండీస్‍ను చిత్తు చేసింది. సిరీస్‍ను 2-1తో కైవసం చేసుకుంది. ఇప్పుడు విండీస్ టూర్‌లో చివరిదైన టీ20 సిరీస్‍కు టీమిండియా రెడీ అయింది. ఐదు టీ20ల సిరీస్‍లో భాగంగా భారత్, వెస్టిండీస్ మధ్య రేపు (ఆగస్టు 3) తొలి టీ20 మ్యాచ్ జరగనుంది. ఈ మ్యాచ్ టైమ్, లైవ్ ఎక్కడ చూడవచ్చో ఇక్కడ తెలుసుకోండి.

వేదిక, టైమ్

భారత్, వెస్టిండీస్ మధ్య తొలి టీ20 రేపు ట్రినిడాడ్‍లోని బ్రియాన్ లారా క్రికెట్ అకాడమీలో జరగనుంది. రేపు (ఆగస్టు 3) రాత్రి 8 గంటలకు (భారత కాలమానం ప్రకారం) ఈ మ్యాచ్ మొదలవుతుంది.

లైవ్ స్ట్రీమింగ్ వివరాలు

భారత్, వెస్టిండీస్ మధ్య టీ20 సిరీస్.. టీవీలో దూరదర్శన్ స్పోర్ట్స్ (డీడీ స్పోర్ట్స్) ఛానెల్‍లో లైవ్ వస్తుంది. డిజిటల్ విషయానికి వస్తే.. జియో సినిమా ఓటీటీతో పాటు ఫ్యాన్ కోడ్ యాప్‍లోనూ ఈ టీ20లు లైవ్ స్ట్రీమ్ అవుతాయి.

ఈ సిరీస్‍లో వెస్టిండీస్‍తో టీమిండియా ఐదు టీ20లు ఆడనుంది. చివరి రెండు టీ20లు అమెరికాలోని ఫ్లోరిడాలో జరుగుతాయి. తొలి టీ20 ఆగస్టు 3న, రెండో టీ20 ఆగస్టు 6న, మూడో టీ20 ఆగస్టు 8న, నాలుగో టీ20 ఆగస్టు 12న, ఐదో టీ20 ఆగస్టు 13వ తేదీన జరగనున్నాయి. ఈ టీ20 సిరీస్‍తో వెస్టిండీస్‍లో టీమిండియా టూర్ ముగుస్తుంది.

వెస్టిండీస్‍తో టీ20లకు భారత జట్టు: ఇషాన్ కిషన్ (వికెట్ కీపర్), శుభ్‍మన్ గిల్, యశస్వి జైస్వాల్, తిలక్ వర్మ, సూర్య కుమార్ యాదవ్ (వైస్ కెప్టెన్), సంజూ శాంసన్, హార్దిక్ పాండ్యా (కెప్టెన్), అక్షర్ పటేల్, యజ్వేంద్ర చాహల్, కుల్దీప్ యాదవ్, రవి బిష్ణోయ్, అర్షదీప్ సింగ్, ఉమ్రాన్ మాలిక్, అవేశ్ ఖాన్, ముకేశ్ కుమార్