నేటి రాశి ఫలాలు.. ఈ రాశి జాతకులకు కుటుంబంలో వివాదాలు, ఒత్తిళ్లు

నేటి రాశి ఫలాలు (దిన ఫలాలు) 04.02.2024

వారం: ఆదివారం, తిథి : నవమి,

నక్షత్రం : విశాఖ, మాసం : పుష్యం,

సంవత్సరం: శోభకృత్‌ నామ, అయనం: ఉత్తరాయణం

మేష రాశి

మేష రాశి వారికి ఈ రోజు మీకు మధ్యస్తముగా ఉంది. ఇతరులతో వాదనలు కలసిరాకపోగా మానసిక ఉద్రిక్తతలకు దారితీసే అవకాశం ఉటుంది. సద్గుణాలను పెంచుకుని ఆధ్యాత్మికంగా సాగటం వలన ప్రయోజనం ఉంటుంది. ప్రయాణాలు కలసి వస్తాయి. ఆకస్మిక ధనలాభంతో ఆర్థిక పరిస్థితి మెరుగవుతుంది. మరింత శుభఫలితాలు పొందాలనుకుంటే ఆదివారం రోజు సూర్యాష్టకం పఠించడం, మహా విష్ణువును పూజించడం వల్ల మరింత శుభ ఫలితాలు కలుగుతాయి.

వృషభ రాశి

వృషభ రాశి వారికి ఈ రోజు మీకు అనుకూలంగా లేదు. దూర ప్రయాణాలు వాయిదా వేయుట మంచిది. కుటుంబ సభ్యులతో గడపడం వలన మనశ్శాంతి. ఉద్యోగం ఆశించేవారికి తక్షణమే అనుకూలం. ఆరోగ్య సమస్యలు మానసిక ఒత్తిళ్ళు, కుటుంబ సమస్యలు వేధించును. సుబ్రహ్మణ్య ఆరాధన వల్ల అష్ట కుజ ప్రభావం నుండి బయటపడవచ్చు. వృషభ రాశి వారు ఈరోజు క్రిష్టాష్టకం పఠించడం వల్ల శుభఫలితాలు కలుగుతాయి.

మిథున రాశి

మిథున రాశి వారికి ఈ రోజు మీకు అంత అనుకూలంగా లేదు. అనారోగ్య సమస్యలు. వైద్య సలహాలు తీసుకోవాలి. మీ సామాజిక స్థితి పెరుగుతుంది. విలాసవంతమైన జీవితం కలిగి తెలివైన నిర్ణయాలు తీసుకుంటారు. చట్టపరమైన ఇబ్బందులు కలుగును. మిథున రాశి వారు మరింత శుభఫలితాలు పొందాలనుకుంటే ఆదివారం రోజు సూర్యాష్టకం పఠించడం, మహా విష్ణువును పూజించడం వల్ల మరింత శుభ ఫలితాలు కలుగుతాయి.

కర్కాటక రాశి

కర్కాటక రాశి వారికి ఈ రోజు మీకు అంత అనుకూలంగా లేదు. ఆరోగ్యము సామాన్యముగా ఉండును. పిల్లలతో సమస్యలు వస్తాయి. కుటుంబ సభ్యులతో వాదోప వాదాలు కలసిరావు. చెడు సహవాసాలకు దూరం. తోటి ఉద్యోగులతో వివాదాలు. విద్యార్థులు కష్టపడవలసినటువంటి సమయం. కర్కాటక రాశివారు మరింత శుభఫలితాలు పొందాలనుకుంటే నవగ్రహ పీడాహర స్తోత్రం పఠించాలి.

సింహ రాశి

సింహరాశి వారికి ఈరోజు మీకు అనుకూలంగా ఉంది. పిల్లల విషయంలో సంతోషం. ఆనందకరమైన జీవితాన్ని గడుపుతారు. పరీక్షలలో విజయం సాధిస్తారు. కుటుంబ సౌఖ్యం, ఆరోగ్యం కలుగును. స్త్రీలు రాజకీయాలకు దూరంగా ఉండాలని సూచన. సింహ రాశి వారికి మరింత శుభఫలితాలు పొందాలనుకుంటే ఆదిత్య హృదయాన్ని పారాయణ చేయాలి. నవగ్రహ పీడాహర స్తోత్రం పఠించడం మంచిది.

కన్యా రాశి

కన్యా రాశి వారికి ఈ రోజు మీకు అనుకూలంగా ఉంది. స్నేహితుల నుండి లాభదాయకం. వ్యాపార వృద్ధి శత్రు జయం. శుభవార్తలు వింటారు. కుటుంబ సభ్యులతో అనందముగా గడుపుతారు. అధికార యోగం వస్తుంది. మరింత శుభ ఫలితాలు పొందడం కోసం విష్ణు సహస్ర నామ పారాయణ చేయడం, ఆదిత్య హృదయం పారాయణ చేయడం మంచిది.

తులా రాశి

తులా రాశి వారికి ఈ రోజు మీకు అనుకూలంగా ఉంది. వ్యాపార వృద్ధి. శుభవార్త, ప్రభుత్వం ఉండి సహాయం కలుగుతుంది. మీ తోబుట్టువులతో ఆనందముగా గడుపుతారు. తులా రాశివారు మరింత శుభ ఫలితాలు పొందాలనుకుంటే ఆదివారం రోజు నవగ్రహ పీడాహర స్తోత్రం పఠించడం మంచిది. ఆదిత్య హృదయం పారాయణ చేయడం వలన శుభఫలితాలు కలుగుతాయి.

వృశ్చిక రాశి

వృశ్చిక రాశి వారికి ఈ రోజు మీకు అనుకూలంగా ఉంది. ఆరోగ్య విషయాలు, కుటుంబ వ్యవహరాల్లో జాగ్రత్త వహించాలి. వివాహ అవకాశాలు. సంపద వృద్ధి. విద్యలో విజయం. ఆనందముగా గడుపుతారు. వృశ్చిక రాశి వారు మరింత శుభ ఫలితాలు పొందాలనుకుంటే ఆదిత్య హృదయాన్ని పఠించడం, నవగ్రహా ఆలయాల్లో పూజలు వంటివి చేయడం వలన మరింత శుభఫలితాలు కలుగుతాయి.

ధనూ రాశి

ధనూ రాశి వారికి ఈరోజు మీకు అనుకూలంగా ఉంది. మీ ప్రయత్నాలు సానుకూల ఫలితాలను అందిస్తాయి. మీ బంధువులు, కుటుంబ సభ్యులు, స్నేహితులు మీకు విలువ గౌరవం ఇస్తారు. ధైర్యంగా ముందడుగు వేస్తారు. ధనలాభము, వస్తులాభము, సౌఖ్యం కలుగును. ధనూ రాశి వారు మరింత శుభఫలితాలు పొందాలనుకుంటే సూర్యష్ట్రకాన్ని పఠించాలి. నవధాన్యాలను దానం ఇవ్వడం మంచిది. క్షీరాన్నాన్ని ఆలయాల్లో ప్రసాదంగా పంచడం మంచిది.

మకర రాశి

మకర రాశి వారికి ఈ రోజు అనుకూలంగా ఉంది. వివాహ అవకాశాలు, వినోదం, వ్యాపారంలో వృద్ధి. మంచి ఫలితాలను పొందుతారు. సంపద కలుగును. ఆనందంగా గడుపుతారు. మకర రాశి వారు మరింత శుభఫలితాలు పొందాలనుకుంటే నవగ్రహ శాంతి చేసుకోవడం మంచిది. ఈ రోజు నవగ్రహ ఆలయాలను దర్శించడం మంచిది. సూర్యాష్టకాన్ని పఠించండి.

కుంభ రాశి

కుంభ రాశి వారికి ఈ రోజు మీకు అనుకూలంగా ఉంది. భూమి లేక గృహం స్థిరాస్తులను పొందుతారు. వ్యవహార జయం. మీరు సాధించే ప్రతి పనిలోను మీ స్నేహితుల ప్రమేయం ఉంటుంది. మరింత శుభఫలితాలు పొందాలనుకుంటే ఆదిత్య హృదయాన్ని పారాయణ చేయాలి. నవగ్రహ పీడాహర స్తోత్రాన్ని పఠించండి. నువ్వులతో చేసిన ప్రసాదాన్ని ఆలయాల్లో పంచి పెట్టండి.

మీన రాశి

మీన రాశి వారికి ఈ రోజు మీకు అనుకూలంగా ఉంది. అధిక లాభాలు ఆర్జిస్తారు. అనేక మార్గాల నుండి ఆదాయం పెరుగుతుంది. విందు వినోదాలకు శుభకార్యాలకు వెళతారు. సమస్త ఐశ్వర్యాభివృద్ధి ప్రాప్తి. ఆవేశపూరిత నిర్ణయాలకు, గొడవలకు దూరంగా ఉండాలని సూచన. నవగ్రహ స్తోత్రం పారాయణ చేయండి. విష్ణు సహస్ర నామ పారాయణ చేయడం వలన శుభఫలితాలు కలుగును.

బ్రహ్మశ్రీ చిలకమర్తి ప్రభాకర చక్రవర్తి శర్మ

మొబైల్‌ : 9494981000