Gajakesari yogam: గురు, చంద్రులు కలిసి గజకేసరి యోగం- వ్యాపారంలో ఆర్థిక లాభాలు, కొత్త పెట్టుబడులు

ఈ సంవత్సరం కర్వా చౌత్ లేదా అట్లతద్ది పండుగను 20 అక్టోబర్ 2024, ఆదివారం జరుపుకోనున్నారు. కర్వా చౌత్ నాడు చంద్రుడికి ప్రత్యేక ప్రాముఖ్యత ఉంది. కర్వా చౌత్ ఉపవాసం చంద్రుడిని చూసిన తర్వాత మాత్రమే విరమిస్తారు.

జ్యోతిష్య శాస్త్రాల ప్రకారం, ఈ సంవత్సరం కర్వా చౌత్ నాడు చంద్రుని స్థానం చాలా శుభప్రదంగా ఉంటుంది. వృషభ రాశిలో చంద్రుడు, బృహస్పతి కలిసి ఉండటం వల్ల ప్రజలపై మంచి ప్రభావం ఉంటుంది. బృహస్పతి, చంద్రుడు కలిసి గజకేసరి యోగాన్ని సృష్టిస్తున్నారు. వృషభరాశిలో చంద్రుడు ఉన్నతంగా ఉంటాడు. దీని కారణంగా మంగళకరమైన మాంగలిక్ యోగం ఏర్పడుతోంది. చంద్రుడు 19 అక్టోబర్ 2024 సాయంత్రం వృషభ రాశిలోకి ప్రవేశిస్తాడు.

చంద్రుడు వృషభ రాశిలో ఉండటం వల్ల ప్రజలకు శుభం కలుగుతుందని జ్యోతిష్య నిపుణులు వెల్లడించారు. ఇది మానసికంగా ప్రయోజనకరంగా ఉంటుంది. అయితే, ఈ సమయంలో ప్రజలు కొంచెం భావోద్వేగానికి గురవుతారు. ఎందుకంటే ఇది సెంటిమెంట్‌ను పెంచుతుంది. కానీ ఉపవాస సమయంలో భావోద్వేగానికి గురికావడం మంచిదని భావిస్తారు. బృహస్పతి వృషభరాశిలో తిరోగమనంలో ఉండి, చంద్రునితో గజకేసరి యోగం ఏర్పడుతుంది. ఈ యోగం కూడా ప్రజలకు శుభ ఫలితాలను అందిస్తుంది. ఈ యోగం వల్ల ఏయే రాశుల వాళ్ళు లాభపడతారో చూద్దాం. 

వృషభ రాశి

వృషభ రాశిలోనే ఈ గజకేసరి యోగం ఏర్పడుతుంది. దీని ప్రభావంతో డబ్బు బాగా వస్తుంది. కష్టకాలంలో మీకు తోబుట్టువులు సహాయం చేస్తారు. వ్యాపారులు కొత్త ఒప్పందాలు చేసుకునేందుకు అనువైన సమయం. ఆర్థిక పరిస్థితి బలపడుతుంది. వ్యాపారం అభివృద్ధి చెందుతుంది. 

కన్యా రాశి

పెట్టుబడులు లాభసాటిగా ఉంటాయి. చికాకులు తొలగిపోయి మనసు ప్రశాంతంగా, సంతోషంగా ఉంటుంది. ప్రేమ సంబంధాల్లో మాధుర్యం ఏర్పడుతుంది. కొత్త వ్యక్తులు, ప్రముఖల పరిచయం మీకు భవిష్యత్ లో ఉపయోగపడుతుంది. వ్యాపారంలో పెద్ద మొత్తంలో లాభాలు గడిస్తారు. కుటుంబ వాతావరణం ఆనందంగా ఉంటుంది. 

వృశ్చిక రాశి 

నిరుద్యోగుల ఉద్యోగ ప్రయత్నాలు సఫలం అవుతాయి. విదేశాలకు వెళ్ళే ఆఫర్ లభిస్తుంది. జీవిత భాగస్వామితో ఉన్న పొరపొచ్చాలు తొలగిపోతాయి. వారితో బంధం మరింత బలపడుతుంది. ఉద్యోగం చేసే ప్రదేశంలో మీకు కొన్ని శుభవార్తలు అందుతాయి. మీ పనులు, నైపుణ్యాలతో ఉన్నతాధికారుల మెప్పు పొందుతారు. 

మకర రాశి 

మకర రాశి వారికి శుభ ఘడియలు ప్రారంభంఅవుతాయి. ఆర్థిక పరిస్థితి బలపడుతుంది. నిలిచిపోయిన డబ్బు చేతికి అందుతుంది. అదృష్టం అండగా నిలవడం వల్ల ఏ పని తలపెట్టినా అందులో విజయం సాధిస్తారు. జీవిత భాగస్వామితో ఏర్పడిన విభేదాలు మాట్లాడుకుని పరిష్కరించుకోవడం ఉత్తమం. 

ఈ కథనంలో అందించిన సమాచారం పూర్తిగా నిజం మరియు ఖచ్చితమైనది అని మేము క్లెయిమ్ చేయము. వీటిని అవలంబించే ముందు, ఖచ్చితంగా సంబంధిత రంగంలోని నిపుణుల సలహా తీసుకోండి.