Sun transit: మకర రాశిలో సూర్య సంచారం.. ఈ రాశుల వారి జీవితంలో ఒడిదుడుకులు

Sun transit: గ్రహాల రాజుగా పరిగణించే సూర్యుడు మకర రాశిలోకి ప్రవేశించాడు. సూర్యుని శుభ స్థానంలో ఉంటే ఆ వ్యక్తి అన్ని అదృష్టాలని పొందుతారు. అదే సూర్యుని స్థానం అశుభంగా ఉంటే మాత్రం సదరు వ్యక్తి కష్టాలు ఎదుర్కోవాల్సి వస్తుంది.

నెలకి ఒకసారి సూర్యుడు తన రాశి చక్రం మార్చుకుంటూ ఉంటాడు. ధనుస్సు రాశి నుంచి సూర్యుడు జనవరి 15 వ తేదీన మకర రాశిలోకి ప్రవేశించడం వల్ల కొన్ని రాశుల మీద శుభ ప్రభావం పడి అదృష్టం వరిస్తే మరికొంతమందికి ప్రతికూల ప్రభావాలు చవి చూస్తారు. మకర రాశిలో సూర్యుని సంచారం వల్ల ఏయే రాశుల వారికి ఇబ్బందులు ఎదురవుతాయో తెలుసుకుందాం.

కన్యా రాశి

మకర రాశిలోకి సూర్య సంచారం వల్ల కన్యా రాశి వారికి శుభప్రదంగా పరిగణించబడదు. ఈ రాశి వారి ఆర్థిక పరిస్థితిలో మార్పు వచ్చే అవకాశం ఉంది. ఆర్థిక పరంగా సమస్యలు వస్తాయి. ధన నష్టం జరిగే అవకాశం ఉంది. నెగటివ్ ఫీలింగ్ కలుగుతుంది. భాగస్వామితో విభేదాలు తలెత్తే పరిస్థితి ఏర్పడుతుంది. ఆరోగ్య పరంగా చిక్కులు ఉంటాయి. ఇంట్లో పెద్దవారి ఆరోగ్యం క్షీణిస్తుంది.

మిథున రాశి

సూర్య సంచారం మిథున రాశి వారికి అంత శుభ ప్రదంగా లేదు. ఆర్థిక పరిస్థితిలో ఒడిదుడుకులు ఏర్పడతాయి. మీరు జీవితంలో అనేక కఠినమైన సవాళ్ళని ఎదుర్కోవాల్సి వస్తుంది. తలపెట్టిన పనులు పూర్తి చేయడంతో ఆటంకాలు ఎదురవుతాయు. ఆరోగ్యం మీద తప్పనిసరిగా శ్రద్ధ వహించాలి. అనారోగ్య సమస్యలతో బాధపడే వాళ్ళు ఈ సమయంలో చాలా జాగ్రత్తగా ఉండాలి.

మకర రాశి

ప్రస్తుతం సూర్యుడు మకర రాశిలోనే సంచరిస్తున్నాడు. దీని వల్ల మకర రాశి వారికి అంతగా ప్రయోజనకరంగా లేదు. వృత్తిలో సహోద్యోగులతో ఏవైనా విషయం మీద చర్చలు, వాదోప వాదాలు జరిగే పరిస్థితి ఏర్పడుతుంది. మీరు ఆర్థిక పరంగా కూడా అనుకోని సమస్యలు ఎదుర్కోవాల్సి వస్తుంది. మితిమీరిన ఖర్చులు మిమ్మల్ని ఇబ్బంది పెట్టేస్తాయి. అనవసరమైన ఒత్తిడికి దూరంగా ఉండండి. ఆకస్మిక ధన నష్టం మీ మనసుని కలిచి వేస్తుంది.

మకర రాశిలో సూర్య సంచారం మేషం, వృషభం, సింహం, వృశ్చిక రాశుల వారికి లాభదాయకంగా ఉంటుంది. ఆర్థిక పరమైన సమస్యల నుంచి బయట పడతారు. కెరీర్ లో పురోగతి సాధిస్తారు.వ్యాపారస్థులకి ఈ సమయం అనుకూలంగా ఉంటుంది. లాభాలు పొందుతారు. ఆరోగ్యం మెరుగుపడుతుంది. విదేశాల్లో చదువుకోవాలని ఆశపడుతున్న వారి కోరిక నెరవేరే అవకాశం ఉంది. అదృష్టం ఈ రాశులకి అనుకూలంగా ఉంటుంది. చేపట్టిన పనులు విజయవంతంగా పూర్తి చేయగలుతారు. జీవిత భాగస్వామితో సంతోషమైన సమయం గడుపుతారు.