Saturday remedies: 50 ఏళ్ల తర్వాత శని ప్రభావంతో రాజయోగం.. శనివారం ఇలా చేస్తే ఆర్థిక కష్టాలు తీరతాయ్

Saturday remedies: మనం చేసిన ఫలితాలు అనుసరించి శని దేవుడి దృష్టి మన మీద ఉంటుంది. శనిదేవుని అనుగ్రహం పొందటం కోసం శనివారం శమీ మొక్కకు పూజ చేయడం వల్ల మంచి జరుగుతుందని అందరూ నమ్ముతారు.

సంక్రాంతికి ముందు వచ్చే శనివారం(13.01.2024) రోజు ఆర్థిక సంక్షోభం నుంచి విముక్తి పొందటం కోసం కొన్ని పరిహారాలు పాటిస్తూ కొన్ని మంత్రాలు జపించడం వల్ల శని దేవుడి చల్లని చూపు పొందవచ్చని హిందూ జ్యోతిష్య శాస్త్రం చెబుతోంది. మీ రాశి ప్రకారం శని వారం రోజు ఈ మంత్రాలు పఠిస్తూ ఇలా చేస్తే శని దేవుని అనుగ్రహం పొందుతారు. ఆర్థికంగా బలపడతారు. సుమారు 50 ఏళ్ల తర్వాత శని దేవుని అనుగ్రహం వల్ల కొన్ని రాశుల వారికి రాజయోగం పట్టబోతుంది. ఆర్థిక కష్టాలు తీరిపోయి ఆదాయం పెరుగుతుంది. మీ రాశి ప్రకారం ఈ శని మంత్రాలు పఠించి పూజ చేస్తే మంచిదని హిందూ శాస్త్రం చెబుతోంది.

మేషం, వృశ్చికం

ఈ రెండు రాశులకి కుజుడు అధిపతిగా ఉంటున్నాడు. అందుకే ఈ రాశుల వాళ్ళు “ఓం హ్రీం నీలాంజనాసమాభాసం రవి పుత్రం యమగ్రజం. ఛాయా మార్తాండ సంభూతం తాన్ నమామి శనైశ్చరం” అనే మంత్రాన్ని 108 సార్లు జపించాలి. శివుడిని పూజించడం వల్ల మేలు జరుగుతుంది. ఈ రాశుల వాళ్ళు ఒక వెండి వస్తువులు ఏదైనా మీ దగ్గర పెట్టుకోవడం మంచిది. ఇలా చేయడం వల్ల ఆర్థికంగా పుంజుకుంటారు. పట్టిందల్లా బంగారం అవుతుంది.

వృషభం, తుల రాశులు

ఈ రెండు రాశులకి అధిపతి శుక్రుడు. శనివారం రోజున ఈ రెండు రాశుల వాళ్ళు ఓం శనైశ్చరాయ నమః అనే మంత్రాన్ని 108 సార్లు జపించడం వల్ల శని అనుగ్రహం పొందుతారు. శుక్రవారం రోజున మహా విష్ణువుణి పూజించాలి. నల్ల ఆవుకి ఆహారం పెడితే మంచిది. అలాగే తెల్ల చందం బొట్టు ప్రతిరోజూ ధరిస్తే అనుకూల ఫలితాలు పొందుతారు. ఈ పరిహారాలు పాటించడం వల్ల శని దేవుడి చెడు ప్రభావం నుంచి ఉపశమనం పొందుతారు.

మిథునం, కన్య రాశులు

ఈ రెండు రాశులకి గ్రహాల రారాజు బుధుడు అధిపతి. శని రోజు ఈ రాశుల వాళ్ళు భవ శని దేవాః చందనం దివ్యం గంధాదాయ సుమనోహరం. విలేపన్ ఛాయాత్మజ్ చందనం ప్రతి గృహయంత్రం అని 108 సార్లు జపించాలి. దుర్గాదేవిని పూజించాలి. బుధవారం రోజు చిన్న పిల్లలకి కిచిడి చేసి తినిపించడం మంచిది. అలాగే రావి చెట్టుకి నీరు పెట్టి దీపం వెలిగించాలి. ఇలా చేయడం వల్ల శని చెడు దృష్టి తక్కువగా ఉంటుంది.

కర్కాటక రాశి

ఈ రాశి వారికి చంద్రుడు అధిపతిగా ఉంటాడు. శనిదేవుడిని ప్రసన్నం చేసుకోవడానికి సీతవతోష్ణ సంత్రాణం లజ్జాయన్ రక్షణం పరం దేవాలంకరణం వస్త్ర భాతః శాంతి ప్రాయచ్చ మే అనే మంత్రాన్ని 108 సార్లు పఠించాలి. సోమవారం రోజు దేవాలయంలో గణేశుడికి పూజ చేయాలి. బాదం పప్పు దానంగా ఇస్తే మంచిది. ఇలా చేయడం వల్ల ఆరోగ్యంగా ఉంటారు.

సింహ రాశి

సింహ రాశి వారికి సూర్యుడు అధిపతి. శనివారం రోజు భో శని దేవ్ ఆవనూనె ఆధారిత నూనె. హేతు తుభ్యం ప్రతి గృహయంత్రమ్ అనే మంత్రాన్ని 108 సార్లు జపించాలి. ఆదివారం రోజు వినాయకుడిని పూజించడం మంచిది. నలుపు రంగు దుస్తులు ధరించకూడదు. ఈ పరిహారం పాటించడం వల్ల సింహ రాశి వారికి ధన ప్రవాహం పెరుగుతుంది.

ధనుస్సు, మీన రాశులు

ఈ రెండు రాశులకి దేవ గురువు బృహస్పతి అధిపతి. ఫలం సంయుక్తం గంధమాల్యక్షతై యుతం అనే మంత్రాన్ని 108 సార్లు పఠించాలి. గురువారం రోజు ఆలయంలో నెయ్యి, బెల్లం దానంగా ఇస్తే మంచిది. నీటిలో కొబ్బరి కాయని నానబెట్టి సూర్యుడిని పూజించాలి. ఇలా చేస్తే ప్రతి పనిలో విజయం వీరిదే అవుతుంది.

మకరం, కుంభ రాశులు

ఈ రెండు రాశులకి శని దేవుడు అధిపతి. ఓం ప్రాం ప్రీం సః శనై శ్చరాయ నమః అనే మంత్రం 108 సార్లు జపించాలి. శనివారం రోజు శివుడి ఆలయం వెళ్ళి పూజ చేయాలి. పసుపు వస్త్రాలు దానంగా ఇస్తే మంచిది. ఆర్థిక పరిస్థితి మెరుగుపడుతుంది.