Mars transit: కుజ సంచారం.. ఏలిన నాటి శని ప్రభావం నుంచి ఈ రాశులకి విముక్తి

Mars transit: జ్యోతిష్య శాస్త్రంలో కుజుడికి ప్రత్యేక స్థానం ఉంది. అన్ని గ్రహాలకు అంగారకుడు అధిపతి అని అంటారు. శక్తి, ధైర్యం, పరాక్రమం, వంటి వాటికి కుజుడు కారకుడిగా భావిస్తారు. మేషం, వృశ్చిక రాశులు కుజుడు గ్రహానికి చెందినవి. మకర రాశిలో ఎక్కువగా ఉంటుంది.

ఫిబ్రవరిలో కుజుడు మకర రాశిలోకి ప్రవేశిస్తాడు. దీని వల్ల కొన్ని రాశుల వారికి అదృష్టం వరించనుంది. మరికొన్ని రాశుల వాళ్ళు మాత్రం జాగ్రత్తగా ఉండాలి. ఈ సమయంలో మకర రాశిలో ఏలిన నాటి శని ఏర్పడుతుంది. అంగారక గ్రహం ప్రవేశం వల్ల మకర రాశి వారితో పాటు మరికొన్ని రాశులకి ఏలిన నాటి శని బాధల నుంచి ఉపశమనం లభిస్తుంది. కుజ గ్రహ సంచారం వల్ల మకర రాశితో పాటు ఏయే రాశుల వారికి మేలు జరుగుతుందో చూద్దాం.

వృషభ రాశి

మకర రాశిలో అంగారకుడి సంచారం వల్ల ఈ రాశి వాళ్ళు పూర్తి ఆత్మవిశ్వాసంతో ఉంటారు. పూర్వీకుల ఆస్తిని పొందే అవకాశం ఉంది. ఉన్నత విద్యలో విజయం సాధిస్తారు. ఏదైనా ఆస్తి నుంచి డబ్బు సంపాదించే అవకాశం ఉంది. ఉద్యోగం చేసే వారికి ట్రాన్సఫర్ అయ్యే అవకాశం ఉంది. వాహన సుఖం పెరుగుతుంది. వ్యాపారంలో లాభాలు పొందుతారు. అవసరం ఉన్న సమయంలో తోబుట్టువుల సహాయం మీకు లభిస్తుంది. స్నేహితుడి సహాయంతో ధనం పొందే అవకాశాలు ఉన్నాయి. ఉద్యోగంలో అదనపు బాధ్యతలు పొందుతారు. ఆదాయం పెరుగుతుంది. సంతానం వైపు నుంచి శుభవార్తలు అందుకుంటారు.

మిథున రాశి

కుజుడు సంచారం వల్ల మిథున రాశి వాళ్ళు శుభప్రయోజనాలు పొందుతారు. జీవిత భాగస్వామి ఆరోగ్యం మెరుగుపడుతుంది. కొత్త వాహనం కొనుగోలు చేసే అవకాశాలు ఉన్నాయి. వ్యాపార పరిస్థితి బలపడుతుంది. తండ్రి మద్దతు మీకు లభిస్తుంది. ఆదాయం పెరుగుతుంది ఖర్చులు తగ్గుతాయి. ఉద్యోగంలో స్నేహితుడి సహాయంతో మార్పుకి అవకాశం ఉంది. ధార్మిక కార్యక్రమాల్లో పాల్గొనే అవకాశం ఉంది. విద్యార్థులు పరీక్షల్లో విజయం సాధిస్తారు. మీకు గతంలో నిలిచిపోయిన ధనం అందుకుంటారు.

సింహ రాశి

మనసు సంతోషంగా ఉంటుంది. పని ప్రాంతంలో పరిస్థితి మెరుగుపడుతుంది. ఉద్యోగ మార్పునకి అవకాశాలు ఉన్నాయి. ఖర్చులు, కుటుంబంలోని సమస్యలు తగ్గిపోతాయి. విద్యాపరమైన పనులు మెరుగుపడతాయి. ఆదాయం వృద్ధి చెందుతుంది. పరిశోధన పనుల కోసం చేసే విదేశీ ప్రయాణాలు అనుకూలిస్తాయి. ప్రయాణాలు లాభదాయకంగా ఉంటాయి. ఉద్యోగంలో పదోన్నతికి అవకాశాలు ఉన్నాయి. వాహనం సౌఖ్యం ఉంటుంది.

మకర రాశి

జీవిత భాగస్వామి ఆరోగ్యం కుదుటపడుతుంది. వ్యాపార పరిస్థితి మెరుగుపడుతుంది. లాభాలు పొందే అవకాశాలు ఉంటాయి. ఉద్యోగంలో పదోన్నతికి మార్గం సుగమం అవుతుంది. ధార్మిక కార్యక్రమాల్లో పాల్గొంటారు. డబ్బు వచ్చే అవకాశాలు ఉన్నాయి. విద్య, మేధోపరమైన పనులు ఆహ్లాదకరమైన ఫలితాలు పొందుతారు. సంతానం నుంచి శుభవార్తలు అందుకుంటారు. పాత మిత్రులని కలుసుకుంటారు. ఆదాయాభివృద్దికి నూతన మార్గాలు ఏర్పడతాయి.