Planet transit: బుధుడు, శుక్రుడు, కుజుడి సంచారంతో ఈ మూడు రాశుల వారికి కోరుకున్న ఫలితం లభిస్తుంది

Planet transit: జ్యోతిష్య శాస్త్రంలో గ్రహాల కదలికలో మార్పు చాలా ముఖ్యమైనది. మొత్తం 12 రాశిచక్ర గుర్తులు మారుతున్న గ్రహాల కదలికల ద్వారా ప్రభావితమవుతాయి. కొన్ని రాశుల వారికి శుభ ఫలితాలు, కొన్ని రాశుల వారికి అశుభ ఫలితాలు లభిస్తాయి.

రానున్న కొద్ది రోజుల్లో బుధ, శుక్ర, అంగారక గ్రహాల కదలికలు మారనున్నాయి. ఆగస్ట్ 5 నుంచి సింహ రాశిలో అస్తంగత్వ దశ, తిరోగమన దశలో ఉన్న బుధుడు ఆగస్టు 22న కర్కాటక రాశిలోకి ప్రవేశిస్తాడు. సంపద, ఆర్థిక శ్రేయస్సును ఇచ్చే శుక్రుడు ఆగస్ట్ 25న కన్యా రాశిలోకి ప్రవేశిస్తాడు. దీని తర్వాత వృషభ రాశిలో ఉన్న కుజుడు 45 రోజుల అనంతరం ఆగస్ట్ 26న మిథున రాశిలోకి ప్రవేశించబోతున్నాడు. బుధ, శుక్ర, అంగారక గ్రహాల గమనంలో మార్పు రావడం వల్ల కొన్ని రాశుల వారికి అదృష్టం ఖాయం. బుధ, శుక్ర, అంగారక గ్రహాల ఆశీస్సులు ఏ రాశుల వారికి లభించబోతున్నాయో తెలుసుకుందాం.

మేష రాశి

మూడు గ్రహాలు వేర్వేరు రాశుల్లోకి ప్రవేశించడం మేష రాశి వారికి అదృష్టాన్ని ఇస్తుంది. భూమి, ఆస్తి పనుల వల్ల ఆర్థిక లాభం ఉంటుంది. కొత్త ప్రణాళికలు రూపొందిస్తారు. ఈ వారం మీకు మంచిది. అధికారులతో సంబంధాలు మెరుగుపడతాయి. వ్యాపార పరంగా లాభాలు గడిస్తారు. మీరు పాత స్నేహితుడిని కలుసుకుని జ్ఞాపకాలు పంచుకుంటారు.

మిథున రాశి

మిథున రాశిలో కుజుడి ప్రవేశం జరగబోతుంది. దీని ప్రభావంతో ఈ రాశుల వారికి అనేక ఆందోళనల నుంచి ఉపశమనం లభిస్తుంది. మీ ఆర్థిక పరిస్థితిలో మార్పులు ఉండవచ్చు. విహారయాత్రకు వెళ్లవలసి రావచ్చు. కూడబెట్టిన సంపదలో తగ్గుదల ఉంటుంది. అధికారులతో సత్సంబంధాలు మెరుగవుతాయి. మీరు రియల్ ఎస్టేట్ వ్యాపారం చేస్తున్నట్టయితే మంచి ఒప్పందాలు చేసుకుంటారు. మీరు కొనుగోలు, అమ్మకంలో లాభాన్ని పొందుతారు.

సింహ రాశి

మూడు గ్రహాల సంచారం వల్ల సింహ రాశి వారికి శుభ ఫలితాలు కలుగుతాయి. ఆస్తి, వ్యాపారం మొదలైన వాటి నుండి లాభం ఉంటుంది. ఇది విజయాలను అందించేంసమయం. మీరు అనుకున్న పనిని పూర్తి చేసే అవకాశాలు ఉన్నాయి. మీరు మీ భాగస్వామి నుండి ప్రయోజనం పొందుతారు. రోజువారీ పనులు ప్రయోజనకరంగా ఉంటాయి. కుటుంబ సమస్యలను పరిష్కరించుకునే అవకాశం ఉంటుంది. గౌరవం పెరుగుతుంది. అనేక మార్గాల నుంచి ఆర్థిక లాభాలు పొందుతారు. అలాగే మీరు కొన్ని శుభవార్తలను అందుకుంటారు.

గమనిక: ఈ కథనంలో అందించిన సమాచారం పూర్తిగా నిజం మరియు ఖచ్చితమైనదని మేము క్లెయిమ్ చేయము. వివరణాత్మక మరియు మరింత సమాచారం కోసం, దయచేసి సంబంధిత రంగంలోని నిపుణుడిని సంప్రదించండి.