Tractor stunt : ట్రాక్టర్​తో స్టంట్​కు ప్రయత్నించి.. 29ఏళ్ల వ్యక్తి మృతి- వీడియో వైరల్​!

Tractor stunt viral video : పంజాబ్​లో షాకింగ్​ ఘటన చోటుచేసుకుంది. ట్రాక్టర్​పై స్టంట్​కు ప్రయత్నిస్తూ.. ఓ వ్యక్తి ప్రాణాలు కోల్పోయాడు! ఈ ఘటనకు సంబంధించిన వీడియో ఒకటి సామాజిక మాధ్యమాల్లో వైరల్​గా మారింది.

ఇదీ జరిగింది..

పంజాబ్​లోని గుర్దాస్​పూర్​ జిల్లాలో శనివారం రాత్రి ఈ ఘటన జరిగింది. స్థానికంగా ఏర్పాటు చేసిన ఓ స్పోర్ట్స్​ ఈవెంట్​లో.. 29ఏళ్ల సుఖ్​మన్​దీప్​ సింగ్​ అనే వ్యక్తి పాల్గొన్నాడు.

Tractor stunt death : కాగా.. ఈవెంట్​లో భాగంగా.. ఓ ట్రాక్టర్​ స్టంట్​ చేసేందుకు సుఖ్​మన్​దీప్​ సింగ్​ సిద్ధమయ్యాడు. తొలుత ఇంజిన్​ ఆన్​లో పెట్టి, ట్రాక్టర్​ను ముందు రెండు చక్రాలను పైకి లేపారు. ఇంజిన్​ ఆన్​లోనే ఉండటంతో అది అటు, ఇటు రౌండ్స్​ కొట్టడం మొదలుపెట్టింది. అలా ప్రమాదకరంగా తిరుగుతున్న ట్రాక్టర్​పై ఎక్కేందుకు చాలా ఉత్సాహంగా ప్రయత్నించాడు సుఖ్​మన్​దీప్​ సింగ్​. ఒకసారి విఫలమై, కింద పడిపోయాడు. ఆ వెంటనే అతని మీద నుంచి ట్రాక్టర్​ వెళ్లింది. సుఖ్​మన్​దీప్​ సింగ్​ లేచేందుకు ప్రయత్నించినా.. ఫలితంగా దక్కలేదు. చివరికి ప్రాణాలు కోల్పోయాడు.

ముందు రెండు చక్రాలు పైకి లేచి ఉన్న ట్రాక్టర్​ ప్రమాదకరంగా తిరగుతుండటం, సుఖ్​మన్​దీప్​ సింగ్​ దాని మీద ఎక్కేందుకు ప్రయత్నించి కింద పడటం.. అతని మీద నుంచి ట్రాక్టర్​ వెళ్లడం.. ఈ మొత్తం ఘటనకు సంబంధించిన దృశ్యాలను అక్కడే ఉన్న స్థానికులు కెమెరాలో వీడియో తీశారు.

సుఖ్​మన్​దీప్​ సింగ్​ని స్థానికులు ఆసుపత్రికి తరలించినట్టు, కానీ గాయాలతో అతను ప్రాణాలు కోల్పోయినట్టు సమాచారం.

సోషల్​ మీడియాలో వైరల్​గా మారిన దృశ్యాలను ఇక్కడ చూడండి :

స్టంట్స్​ చాలా ప్రమాదకరం..

Punjab Tractor stunt viral video : స్టంట్స్​ చేస్తే థ్రిల్లింగ్​గా ఉండొచ్చు కానీ అవి చాలా ప్రమాదకరం. ఇలాంటి ప్రమాదకరమైన స్టంట్స్​ చేస్తూ.. ఇప్పటికే చాలా మంది ప్రాణాలు కోల్పోయారు. నిపుణుల పర్యవేక్షణలోనే స్టంట్స్​ చేయాలి.

సినిమాల్లో చేసే స్టంట్స్​ చూస్తే.. చాలా థ్రిలింగ్​గా ఉంటాయి. కానీ అవి నిజంగా ప్రాణాలకు ప్రమాదకరం అన్న విషయం గుర్తుపెట్టుకోవాలి.