Criminal charges against Trump : డొనాల్డ్​ ట్రంప్​పై క్రిమినల్​ కేసుకు రంగం సిద్ధం!

criminal charges against Trump : అమెరికా మాజీ అధ్యక్షుడు డొనాల్డ్​ ట్రంప్​పై క్రిమినల్​ కేసు పడే సూచనలు కనిపిస్తున్నాయి. 2021 యూఎస్​ క్యాపిటల్​ హింసాకాండపై దర్యాప్తు చేపట్టిన ఓ కమిటీ.. ట్రంప్​ చేసిన తప్పులను, ఆయన ఉల్లంఘించిన చట్టాలను లేవనెత్తుతూ, ఆయనపై క్రిమినల్​ ఛార్జీలు వేయాలని సిఫార్సు చేయడమే ఇందుకు కారణం.

తిరుగుబాటు, అధికార కార్యకలాపాల అడ్డగింత, అమెరికా ప్రభుత్వానికి వ్యతిరేకంగా కుట్ర పన్నడం, తప్పుడు ఆరోపణలు చేయడం వంటి నేరాల కింద.. డొనాల్డ్​ ట్రంప్​పై క్రిమినల్​ కేసులు వేయాలని న్యాయశాఖకు అభ్యర్థించింది హౌజ్​ ప్యానెల్​. క్రిమినల్​ కేసులు వేసేందుకు బలమైన ఆధారాలు ఉన్నట్టు, రాజ్యంగం పరంగా ప్రశాంతంగా జరగాల్సిన అధికార మార్పిడిని అడ్డుకునేందుకు.. ట్రంప్​ తన సాయశక్తులా ప్రయత్నించారని ఆరోపించింది.

Donald trump latest news : ఈ ప్యానెల్​ రూపొందించిన నివేదికను.. అటార్నీ జనరెల్​ మారిక్​ గార్లాండ్​ నియమించే స్పెషల్​ కౌన్సిల్​ పరిశీలిస్తుంది. ఆ తర్వాత ట్రంప్​పై కేసు వేసే విషయాన్ని నిర్ణయిస్తుంది.

అవన్ని తప్పుడు ఆరోపణలు..

ప్యానెల్​ నివేదికపై డొనాల్డ్​ ట్రంప్​ మండిపడ్డారు. అవన్నీ తప్పుడు ఆరోపణలని పేర్కొన్నారు. వచ్చే అధ్యక్ష ఎన్నికల్లో తనను పోటీ చేయనివ్వకుండా అడ్డుకునేందుకే చట్టసభ్యులు ఈ తరహా ఆరోపణలు చేస్తున్నారని అన్నారు.

Donald Trump criminal case : "ఈ పూర్తి ప్రక్రియ అంతా అభిశంసనలాగానే ఉంది. నన్ను పక్కకు తప్పించడానికి, రిపబ్లిక్​ పార్టీని పక్కకు నెట్టడానికి ఇలాంటివి చేస్తున్నారు," అని డొనాల్డ్​ ట్రంప్​ అన్నారు.

యూఎస్​ క్యాపిటల్​ హింసాకాండ..

US Capitol riots : 2020 అమెరికా అధ్యక్ష ఎన్నికల్లో జో బైడెన్​ విజయం సాధించారు. 2021 జనవరి 6న ఆయన ప్రభుత్వ కొలువుదీరింది. ఈ సమయంలోనే అమెరికా వ్యాప్తంగా నిరసనలు చెలరేగాయి. డొనాల్డ్​ ట్రంప్​ మద్దతుదారులు.. అమెరికా కాంగ్రెస్​ భవనమైన క్యాపిటల్​లోకి దూసుకెళ్లి విధ్వంసం సృష్టించారు. అమెరికా చరిత్రలో ఇదొక చీకటి రోజుగా మిగిలిపోయింది. ప్రజలను ట్రంప్​ రెచ్చగొట్టారని, ఆయన చర్యల వల్లే తీవ్రస్థాయిలో విధ్వంసం జరిగిందని ఆరోపణలు ఉన్నాయి.