UGC NET Notification : యూజీసీ నెట్​ 2024 డిసెంబర్.. త్వరలోనే​ నోటిఫికేషన్​!

యూజీసీ నెట్​ 2024 డిసెంబర్ నోటిఫికేషన్ త్వరలో బయటకు వచ్చే అవకాశం ఉంది. యూజీసీ నెట్​ 2024 డిసెంబర్​ నోటిఫికేషన్​, పరీక్ష తేదీలు వంటి వివరాలను అభ్యర్థులు యూజీసీ అధికారిక వెబ్​సైట్​ ugcnet.nta.ac.in లో తెలుసుకోవచ్చు. డిసెంబర్ నుంచి ఈ పరీక్షకు అదనపు సబ్జెక్ట్‌గా “ఆయుర్వేద జీవశాస్త్రం” కూడా ఉండనుంది. వివరణాత్మక సిలబస్ సంబంధిత అధికారిక వెబ్​సైట్​లో అందుబాటులో ఉంటుంది.

విశ్వవిద్యాలయాలు, కళాశాలల్లో అసిస్టెంట్ ప్రొఫెసర్ లేదా జూనియర్ రీసెర్చ్ ఫెలోషిప్, అసిస్టెంట్ ప్రొఫెసర్ అభ్యర్థుల అర్హతను నిర్ణయించడానికి యూజీసీ నెట్​ రెండు సెషన్లలో నిర్వహించడం జరుగుతుంది.

యూజీసీ నెట్​ 2024 డిసెంబర్ నోటిఫికేషన్‌ని ఇలా డౌన్‌లోడ్ చేసుకోండి..

UGC NET 2024 డిసెంబర్ నోటిఫికేషన్‌ని డౌన్‌లోడ్ చేయడానికి అభ్యర్థులు ఈ స్టెప్స్​ని ఫాలో అవ్వొచ్చు..

స్టెప్​ 1:- అధికారిక వెబ్‌సైట్‌ను సందర్శించండి; ugcnet.nta.ac.in

స్టెప్​ 2:- యూజీసీ నెట్​ డిసెంబర్ సెషన్ నోటిఫికేషన్ లింక్‌పై క్లిక్ చేయండి

స్టెప్​ 3:- నోటిఫికేషన్ స్క్రీన్‌పై కనిపిస్తుంది.

స్టెప్​ 4:- యూజీసీ నెట్​ డిసెంబర్ నోటిఫికేషన్ పీడీఎఫ్​ని డౌన్‌లోడ్ చేసి, తర్వాత ఉపయోగం కోసం సేవ్ చేసుకోండి.

అప్లికేషన్​ ఫీజు..

యూజీసీ నెట్​ పరీక్ష కోసం దరఖాస్తు రుసుము కేటగిరీ, హాజరయ్యే పేపర్ల సంఖ్యపై ఆధారపడి ఉంటుంది.

• జనరల్​- రూ. 1150
• ఈడబ్ల్యూఎస్​, ఓబీసీ ఎన్​సీఎల్​- రూ. 600
• ఎస్​సీ, ఎస్​టీ, పీడబ్ల్యూడీ, ట్రాన్స్​జెండర్​- రూ. 375

వయస్సు..

ఏ) జూనియర్ రీసెర్చ్ ఫెలోషిప్ కోసం గరిష్టంగా జనవరి 1 నాటికి 31 సంవత్సరాలు ఉండాలి. అయితే, భారత ప్రభుత్వ నిబంధనల ప్రకారం, రిజర్వ్‌డ్ కేటగిరీ అభ్యర్థులకు వయోపరిమితిలో కొన్ని సడలింపులు ఉంటాయి.

బీ) అసిస్టెంట్ ప్రొఫెసర్ పోస్టుకు దరఖాస్తు చేసుకునే అభ్యర్థులకు గరిష్ట వయోపరిమితి లేదు.

అయితే యూజీసీ నెట్​ పరీక్షకు వయోపరిమితి ఎప్పటికప్పుడు మారవచ్చని గమనించడం ముఖ్యం. ఖచ్చితమైన వయోపరిమితి, ఇతర అర్హత ప్రమాణాలను తెలుసుకోవడానికి అభ్యర్థులు నేషనల్ టెస్టింగ్ ఏజెన్సీ విడుదల చేసే అధికారిక యూజీసీ నెట్​ 2024 డిసెంబర్​ నోటిఫికేషన్‌ను జాగ్రత్తగా చదవాల్సి ఉంటుంది.

యూజీసీ నెట్​ 2024 జూన్​ పరీక్షకు 11,21,225 మంది అభ్యర్థులు నమోదు చేసుకోగా.. 6,84,224 మంది ఎగ్జామ్​ రాశారు. పేపర్​ లీక్​ కారణంగా ఈసారి పరీక్ష ఆలస్యంగా జరిగింది. అనంతరం అక్టోబర్​లో ఫలితాలు వెలువడ్డాయి.