Rahul Gandhi disqualification : ఒక్క ఎంపీ సీటు పోతే.. ఇన్ని 'ప్రయోజనాలు' కట్!
25 March 2023, 10:23 IST
Rahul Gandhi defamation case : ఎంపీ సీటు కోల్పోవడంతో కాంగ్రెస్ సీనియర్ నేత అనేక ప్రయోజనాలను సైతం వదులుకోవాల్సి వస్తోంది. అధికారిక బంగ్లా, జీతంతో పాటు అనేక ప్రయోజనాలకు రాహుల్ గాంధీ దూరంకానున్నారు.
రాహుల్ గాంధీ
Rahul Gandhi defamation case : రాహుల్ గాంధీపై అనర్హత వేటు వ్యవహారం దేశవ్యాప్తంగా సంచలనం సృష్టించింది. ఈ అంశంపై విపక్షాలు భారీ ఎత్తున్న నిరసనలు చేస్తున్నాయి. ప్రధాని మోదీ పాలనపై తీవ్రస్థాయిలో మండిపడుతున్నాయి. అయితే.. అనర్హత వేటుతో రాహుల్ గాంధీ వయనాడ్ సీటు చెయ్యి జారిపోయింది. అంతేకాదు.. ఎంపీ సీటుతో పాటు వచ్చే అనేక ప్రయోజనాలను సైతం రాహుల్ గాంధీ కోల్పోయారు.
ఎంపీ సీటు పోతే.. ఇన్ని ప్రయోజనాలు కట్..!
అనర్హత వేటు కారణంగా రాహుల్ గాంధీ ముందుగా కోల్పోయేది ప్రభుత్వం ఇచ్చే బంగ్లా. ఢిల్లీ 12 తుగ్లక్ రోడ్డులోని అధికార నివాసాన్ని రాహుల్ గాంధీ నెల రోజుల వ్యవధిలో ఖాళీ చేయాల్సి ఉంటుందని అధికారులు చెబుతున్నారు.
Rahul Gandhi disqualified from Lok Sabha : బంగ్లాతో పాటు ఎంపీకి వచ్చే నెలవారీ జీతం రూ. 1లక్ష కూడా రాహుల్ గాంధీ కోల్పోనున్నారు. జీతంతో పాటు వచ్చే నియోజకవర్గ భత్యం (నెలకు రూ. 70వేలు), కార్యాలయ నిర్వహణ భత్యం (నెలకు రూ. 60వేలు), సెక్రటేరియల్ అసిస్టెన్స్ (నెలకు రూ. 40వేలు) వంటి వాటివి కూడా ఇప్పుడు రాహుల్కు అందవు.
ఫ్రీ నాన్- ట్రాన్స్ఫరెబుల్ ఫస్ట్ క్లాస్ ఏసీ లేదా ఎగ్జిక్యూటివ్ క్లాస్ పాస్, 1 ఫస్ట్ క్లాస్, 1 సెకండ్ క్లాస్ ఫేర్, రోడ్డు ప్రయాణంలో లభించే భత్యం (కి.మీకి రూ. 16) వంటి ట్రావెలింగ్ ఆలొవెన్స్ వంటిని ఇకపై రాహుల్ గాంధీ మర్చిపోవాల్సి ఉంటుంది.
Rahul gandhi modi surname : భార్య/ భర్త లేదా ఇతరులతో కలిసి ఏడాదిలో 34 సింగిల్ ఎయిర్ జర్నీస్ చేసే వెసులుబాటు ఓ ఎంపీకి ఉంటుంది. ఇంకా చెప్పాలంటే.. ఎంపీ లేకపోయినా.. భార్య/ భర్త ఒక్కరే ఏడాదిలో 8సార్లు విమాన ప్రయాణాలు చేయవచ్చు. ఎంపీలకు అకామడేషన్ కూడా ఫ్రీగా ఉంటుంది. ఇవేవీ ఇకపై రాహుల్ గాంధీకి లభించవు!
ఎంపీగా ఎన్నికైన వ్యక్తికి 3 టెలిఫోన్ కనెక్షన్లు ఇస్తారు. ఈ మూడింట్లో కలిపి ఏడాదికి 1,50,000 కాల్స్ ఫ్రీగా చేసుకోవచ్చు. అంతేకాకుండా.. ఎంపీలకు 4వేల కిలోలీటర్ల నీరు, 50వేల విద్యుత్ యూనిట్లు ఫ్రీ. వైద్య అవసరాల కోసం అత్యవసరంగా తీసుకునే డబ్బును.. ఎంపీలు 60 ఈఎంఐలలో చెల్లించుకునే వెసులుబాటు ఉంటుంది. వీటన్నింటినీ కూడా రాహుల్ గాంధీ కోల్పోనున్నారు.
అనర్హత వేటు కారణమైన తీర్పు ఇదే..
Rahul Gandhi Surat court : 2019 లోక్సభ ఎన్నికలకు ముందు కర్ణాటకలో పర్యటించారు రాహుల్ గాంధీ. కోలర్లో నిర్వహించిన ఓ బహిరంగ సభలో పాల్గొన్నారు. ఈ నేపథ్యంలో బీజేపీపై, మోదీపై తీవ్ర స్థాయిలో విమర్శలు చేశారు. "దొంగలందరికి.. మోదీ అనే ఇంటి పేరే ఎందుకు ఉంటోంది?" అని అన్నారు. దేశం నుంచి పారిపోయిన నీరవ్ మోదీ, లలిత్ మోదీలతో పాటు ప్రధాని నరేంద్ర మోదీకి కూడా ఈ ఇంటి పేరు ఉండటంతో.. రాహుల్ వ్యాఖ్యలపై తీవ్ర దుమారం రేగింది. ఈ క్రమంలో.. 2019లో గుజరాత్లోని సూరత్ జిల్లా కోర్టులో రాహుల్ గాంధీకి వ్యతిరేకంగా పిటిషన్ దాఖలైంది.
Rahul Gandhi MP status : ఈ వ్యవహారంపై విచారణ పూర్తి చేసిన అనంతరం గురువారం కీలక తీర్పును వెలువరించింది సూరత్లోని జిల్లా కోర్టు. రాహుల్ గాంధీని దోషిగా తేలుస్తూ.. రెండేళ్ల జైలు శిక్షను విధించింది. 30 రోజుల బెయిల్తో పాటు తీర్పును సవాలు చేసేందుకు అవకాశాన్ని ఇచ్చింది.