Rahul Gandhi : రాహుల్​ గాంధీపై అనర్హత వేటు ఖాయమేనా? నెక్స్ట్​ ఏంటి?

Rahul Gandhi defamation case live updates : పరువు నష్టం కేసులో కాంగ్రెస్​ సీనియర్​ నేత రాహుల్​ గాంధీకి గుజరాత్​లోని సూరత్​ కోర్టు.. రెండేళ్ల జైలు శిక్ష విధించడం వార్తల్లో నిలిచింది. కోర్టు తీర్పుతో కాంగ్రెస్​ సీనియర్​ నేత రాహుల్​ గాంధీపై పార్లమెంట్​లో అనర్హత వేటు పడే అవకాశం ఉందని పలువురు న్యాయ నిపుణులు అభిప్రాయం వ్యక్తం చేశారు. చట్టం ప్రకారం.. రాహుల్​ గాంధీ, తన వయనాడ్​ సీటును కోల్పోయే ప్రమాదం ఉందని చెబుతున్నారు.

రాహుల్​ గాంధీపై కేసు ఇది..

2019 లోక్​సభ ఎన్నికలకు ముందు కర్ణాటకలో పర్యటించారు రాహుల్​ గాంధీ. కోలర్​లో నిర్వహించిన ఓ బహిరంగ సభలో పాల్గొన్నారు. ఈ నేపథ్యంలో బీజేపీపై, మోదీపై తీవ్ర స్థాయిలో విమర్శలు చేశారు. "దొంగలందరికి.. మోదీ అనే ఇంటి పేరే ఎందుకు ఉంటోంది?" అని అన్నారు. దేశం నుంచి పారిపోయిన నీరవ్​ మోదీ, లలిత్​ మోదీలతో పాటు ప్రధాని నరేంద్ర మోదీకి కూడా ఈ ఇంటి పేరు ఉండటంతో.. రాహుల్​ వ్యాఖ్యలపై తీవ్ర దుమారం రేగింది. ఈ క్రమంలో.. 2019లో గుజరాత్​లోని సూరత్​ జిల్లా కోర్టులో రాహుల్​ గాంధీకి వ్యతిరేకంగా పిటిషన్​ దాఖలైంది.

Rahul Gandhi defamation case : ఈ వ్యవహారంపై విచారణ పూర్తి చేసిన అనంతరం గురువారం కీలక తీర్పును వెలువరించింది సూరత్​లోని జిల్లా కోర్టు. రాహుల్​ గాంధీని దోషిగా తేలుస్తూ.. రెండేళ్ల జైలు శిక్షను విధించింది. 30 రోజుల బెయిల్​తో పాటు తీర్పును సవాలు చేసేందుకు అవకాశాన్ని ఇచ్చింది.

రాహుల్​ గాంధీకి నెక్స్ట్​ ఏంటి?

రాహుల్​ గాంధీకి 30 రోజుల పాటు బెయిల్​ లభించినా.. సూరత్​ కోర్టు తీర్పుతో ఆయనపై అనర్హత వేటు పడే అవకాశం ఉందని న్యాయశాఖ నిపుణులు చెబుతున్నారు. 1951 రిప్రసెంటేటివ్​ ఆఫ్​ ది పీపుల్​ యాక్ట్​ సెక్షన్​ 8(3) ప్రకారం.. పార్లమెంట్​ సభ్యుడిని ఏదైనా కోర్టు దోషిగా తేలుస్తూ.. కనీసం 2ఏళ్ల జైలు శిక్ష విధించినట్టు అయితే, సంబంధిత ఎంపీపై అనర్హత వేటు పడాలి!

Rahul Gandhi Jail sentence : ఇక రాహుల్​ గాంధీ వేసిన సెక్షన్​ 499 (క్రిమినల్​ డిఫమేషన్​ కేసు).. చాలా అరుదైనదని న్యాయశాఖ నిపుణులు చెబుతున్నారు. ఇక సూరత్​ కోర్టు తీర్పుతో.. రాహుల్​ గాంధీపై అనర్హత వేటు వేసి, వయనాడ్​ సీటును ఖాళీగా ఉందని ప్రకటించే అధికారం లోక్​సభ సెక్రటేరియట్​కు ఉంది. సూరత్​ కోర్టు తీర్పుపై.. ఎగువ కోర్టులేవీ స్టే విధించకపోతే ఇదే జరుగుతుంది. ఈ తీర్పును ఎగువ కోర్టులు కొట్టివేయకపోతే.. మరో 8ఏళ్ల పాటు రాహుల్​ గాంధీ ఎలాంటి ఎన్నికల్లోనూ పోటీచేయలేరు కూడా!

Rahul Gandhi latest news : అయితే.. సూరత్​ కోర్టు తీర్పును ఎగువ కోర్టులో సవాలు చేసేందుకు రాహుల్​ గాంధీ న్యాయ బృందం సన్నద్ధమవుతున్నట్టు తెలుస్తోంది. సూరత్​ తీర్పును అక్కడ కొట్టివేయకపోతే.. రాహుల్​ బృందం సూప్రీంకోర్టుకు కూడా వెళ్లేందుకు సిద్ధంగా ఉందని సమాచారం.