Army man rapes woman : మహిళపై జవాను అత్యాచారం.. వీడియోలు తీసి!

Army man rapes woman : 22ఏళ్ల మహిళపై ఓ జవాను అత్యాచారానికి పాల్పడిన ఘటన మధ్యప్రదేశ్​లో వెలుగులోకి వచ్చింది. సంబంధిత వ్యక్తిపై పోలీసులు కేసు నమోదు చేసుకున్నారు.

ఇదీ జరిగింది..

బాధిత మహిళ.. మధ్యప్రదేశ్​లోని గ్వాలియర్​లో ఉన్న​ గోలా కా మందిర్​ ప్రాంతంలో నివాసముంటోంది. కాగా.. ఆమెకు 2019లో ఓ వ్యక్తితో పరిచయమైంది. అతను ఆ మహిళకు దూరపు బంధువు కూడా! ఇద్దరు ఒకటే ప్రాంతంలో నివాసముంటున్నారు. ఆ వ్యక్తి ఆర్మీలో జవానుగా పనిచేస్తున్నాడు.

Madhya Pradesh crime news : గత నెలలో.. మహిళకు అతను ఫోన్​ చేశాడు. తనని కలవాలని ఓ హోటల్​ పేరు చెప్పాడు. మహిళ అక్కడికి వెళ్లింది. ఆమెతో అతను అసభ్యకరంగా ప్రవర్తించాడు! ఆమె ప్రతిఘటించగా.. పెళ్లి చేసుకుంటానని చెప్పాడు. ఆమెతో శారీరక బంధాన్ని ఏర్పరచుకున్నాడు. అనంతరం ఆమెను ఫొటోలు, వీడియోలు తీశాడు.

కొన్ని రోజుల తర్వాత అతను మళ్లీ హోటల్​కు రమ్మంటే మహిళ వెళ్లింది. పెళ్లి గురించి ఆమె ప్రస్తావించగా.. అతను నిరాకరించాడు. తనతో శారీరక బంధాన్ని ఏర్పరచుకోవాలని లేకపోతే ఫొటోలు, వీడియోలను వైరల్​ చేస్తానని బెదిరించాడు.

Madhya Pradesh rape case : కొన్ని రోజుల తర్వాత ఈ విషయాన్ని మహిళ తన కుటుంబసభ్యులతో చెప్పుకుని విలపించింది. కుటుంబసభ్యులు పోలీసులను ఆశ్రయించారు. తమ బిడ్డపై అత్యాచారం జరిగిందని ఫిర్యాదు చేశారు. ఘటనపై కేసు నమోదు చేసుకున్న పోలీసులు దర్యాప్తు చేపట్టారు. నిందితుడిని ఇంకా పట్టుకోలేదని సమాచారం. కాగా.. అతడిని అరెస్ట్​ చేసేందుకు అధికారులు చర్యలు చేపట్టినట్టు తెలుస్తోంది.

ఝార్ఖండ్​లో..

దేశంలో అత్యాచార ఘటనలు రోజురోజుకు పెరిగిపోతున్నాయి. ఓ మహిళపై తన పొరుగింటి వ్యక్తి అత్యాచారానికి పాల్పడిన ఘటన తాజాగా ఝార్ఖండ్​లో వెలుగులోకి వచ్చింది. రేప్​ చేస్తుండగా.. మహిళ భర్తకు దొరికిపోయాడు. కానీ అతను ఆ గ్రామ పెద్ద బంధువు కావడంతో.. పంచాయతీ సైతం అతడిని రక్షించే ప్రయత్నం చేసింది! పూర్తి వివరాల కోసం ఇక్కడ క్లిక్​ చేయండి.