IMD rain alert : ఇంకొన్ని రోజుల వరకు ఈ రాష్ట్రాల్లో వానలే.. వానలు!

IMD rain alert : దేశవ్యాప్తంగా రానున్న కొన్ని రోజుల్లో భారీ నుంచి అతి భారీ వర్షాలు పడతాయని భారత వాతావరణశాఖ (ఐఎండీ) వెల్లడించింది. ముఖ్యం తూర్పు ఉత్తర్​ ప్రదేశ్​, ఉత్తరాఖండ్​, అరుణాచల్​ ప్రదేశ్​, అసోం, మేఘాలయ, నాగాలాండ్​, మణిపూర్​లో అతి భారీ వర్షాలు పడతాయని స్పష్టం చేసింది. ఉత్తరాఖండ్​, ఉత్తర్​ ప్రదేశ్​, హిమాచల్​ ప్రదేశ్​, పంజాబ్​, హరియాణ, ఛండీగఢ్​, దిల్లీ, తూర్పు రాజస్థాన్​, జమ్ము, మధ్యప్రదేశ్​లో సైతం వర్షాలు పడతాయని పేర్కొంది.

ఇక దేశ రాజధాని దిల్లీలో శనివారం తెల్లవారుజామున నుంచి వర్షం జోరుగా కురుస్తోంది. పలు ప్రాంతాలు ఇప్పటికే మునిగిపోయాయి. ట్రాఫిక్​కు తీవ్ర అంతరాయం ఏర్పడింది.

మహారాష్ట్రలోని ఉత్తర కోంకణ్​, దక్షిణ కోంకణ్​-గోవాలు శనివారం మోస్తరు వర్షాలు పడతాయి. ఉత్తర, మధ్య, దక్షిణ మహారాష్ట్రలో సైతం వానలు పడతాయని ఐఎండీ అంచనా వేసింది.

హిమాచల్​ ప్రదేశ్​లో..

Himachal Pradesh rains : హిమాచల్​ ప్రదేశ్​లో రానున్న 4-5 రోజుల పాటు మోస్తరు వానలు పడతాయి. ఆగస్ట్​ 6 తర్వాత నుంచి ఈ ప్రాంతంలో వానలు తగ్గుముఖం పడతాయి.

"సిర్మౌర్, సోలన్​, శిమ్లా జిల్లాల్లో కొండచరియలు విరిగిపడటంతో పాటు ఆకస్మిక వరదలు వచ్చే అవకాశం ఉంది. ఈ మేరకు అధికారులకు హెచ్చరికలు జారీ చేశాము," అని ఐఎండీ స్పష్టం చేసింది.

రుతుపవనాల కారణంగా హిమాచల్​ ప్రదేశ్​లో జూన్​ 24 నుంచి ఇప్పటివరకు 200మందికిపైగా ప్రజలు ప్రాణాలు కోల్పోయారు. మరో 238 మంది గాయపడ్డారు. 32మంది గల్లంతయ్యారు.

ఇతర ప్రాంతాల్లో ఇలా..

Telangana floods latest news : ఒడిశాలోనూ వరదల తీవ్రత ఎక్కువగా ఉంది. 21జిల్లాల్లోని 4లక్షల మందికిపైగా ప్రజలు ప్రభావితమయ్యారు. 2,329 ఇళ్లు ధ్వంసమయ్యాయి. లోతట్టు ప్రాంతాల్లోని 52వేల మందికిపైగా ప్రజలను సురక్షిత ప్రాంతానికి తరలించారు అధికారులు.

ఉత్తరాఖండ్​, ఉత్తర్​ ప్రదేశ్​లో ఈనెల 8 వరకు, హిమాచల్​ ప్రదేశ్​, పంజాబ్​, హరియాణ, ఛండీగఢ్​-దిల్లీలో ఈ నెల 6 వరకు, జమ్ముకశ్మీర్​లోని కొన్ని ప్రాంతాల్లో శనివారం నాడు అతి భారీ వర్షాలు కురుస్తాయి.

రానున్న 3,4 రోజుల పాటు దక్షిణ భారతంలోని అనేక ప్రాంతాల్లో విస్తారణంగా వర్షాలు కురుస్తాయి.

ఆగస్ట్​లో సాధారణం కన్నా తక్కువే..!

August rainfall 2023 : ఆగస్ట్ నెలలో సాధారణం కన్నా తక్కువ వర్షపాతం నమోదయ్యే అవకాశం ఉందని ప్రైవేటు వాతావరణ సంస్థ స్కైమెట్ వెల్లడించింది. ఆగస్ట్​లో సగటు వర్షపాతం 90శాతంగా ఉండవచ్చని పేర్కొంది. వర్షాకాలానికి సంబంధించినంత వరకు ఆగస్ట్ నెల చాలా కీలకం. ఈ నెలలో కురిసే వర్షాలు వ్యవసాయ పరిస్థితులను నిర్దేశిస్తాయి. అలాంటిది.. తక్కువ వర్షాలు పడతాయని వస్తున్న అంచనాలు ఆందోళనకు గురిచేస్తున్నాయి. పూర్తి వివరాల కోసం ఇక్కడ క్లిక్​ చేయండి.