Aadi Swaroopa : వావ్​ అనిపిస్తున్న స్వరూప.. రెండు చేతులతో చకచకా రాసేస్తున్న బాలిక..!

Aadi Swaroopa writing : ప్రపంచంలో చాలా మందికి ఒక చేత్తో రాసే అలవాటు ఉంటుంది. కానీ కొందరికి మాత్రం రెండు చేతులతో రాసే సామర్థ్యం ఉంటుంది. ఇలా రెండు చేతులతో రాయగలిగే సామర్థ్యాన్ని "యాంబీడెక్స్​టరిటీ" అని అంటారు. ఇలాంటి వారు చాలా అరుదు. కర్ణాటక మంగళూరుకు చెందిన 17ఏళ్ల బాలిక ఆది స్వరూప కూడా ఇదే కోవకు చెందుతుంది! తన అరుదైన సామర్థ్యంతో స్థానికుల నుంచి ప్రశంసలు పొందుతోంది.

రెండు చేతులతో అద్భుతం..!

Aadi Swaroopa Mangalore : ఆది స్వరూప మెదడు రెండు భాగాలు ఒకేసారి పనిచేస్తాయి. అందుకే ఆమె రెండు చేతులతో రాయగలుగుతుంది. ఇలా లక్షల్లో ఒకరికి జరుగుతుంది. ఇక తన సామర్థ్యాలను పూర్తిగా తెలుసుకున్న స్వరూప.. 11 స్టైల్స్​లో రాయడం అలవాటు చేసుకుంది. అంతేకాకుండా.. కళ్లకు గంతలు కప్పుకుని కూడా రెండు చేతులతో రాయగలదు. ఇక అక్షరాలను వెనుక వరుసలోను రాసుకుంటూ వస్తుంది ఈ బాలిక.

రెండు చేతులతో రాస్తున్న ఆది స్వరూపకు సంబంధించిన వీడియో సామాజిక మాధ్యమాల్లో వైరల్​గా మారింది. ఈ విడియోను రవి కర్కారా అనే వ్యక్తి ట్విట్టర్​లో షేర్​ చేశాడు.

Aadi Swaroopa Ambidexterity : "ఈమె పేరు ఆది స్వరూప. మంగళూరులో ఉంటుంది. 11 స్టైల్స్​లో, రెండు చేతులతో రాయగలదు. ఈమె మెదడులోని రెండు భాగాలు ఒకేసారి పనిచేస్తాయి. ఇది చాలా అరుదు," అని రవి ట్విట్టర్​లో రాసుకొచ్చాడు.

నిమిషం వ్యవధిలో 45 పదాలను (ఇంగ్లీష్​, కన్నడ) ఎటువైపైనా రాయగలిగే సామర్థ్యం ఉన్న ఆది స్వరూపకు గుర్తింపు లభించింది. లతా ఫౌండేషన్​కు చెందిన ఎక్స్​క్లూజివ్​ వరల్డ్​ రికార్డ్​లో ఆమెకు చోటు దక్కింది. అంతేకాకుండా.. ఇండియా బుక్​ ఆఫ్​ రికార్డ్స్​లోనూ స్థానం సంపాదించుకుంది.

సామాజిక మాధ్యమాల్లో వైరల్​గా మారిన దృశ్యాలను ఇక్కడ చూడండి :

ఆది స్వరూపపై ప్రశంసల వర్షం..

Aadi Swaroopa writing with two hands : ఆది స్వరూపపై ప్రశంసల వర్షం కురుస్తోంది. రెండు చేతులతో ఆమె రాస్తుండటం చూసి నెటిజన్లు ఆశ్చర్యపోతున్నారు. ఆమెకు మరింత గుర్తింపు లభించాలని ఆకాంక్షిస్తున్నారు.