Crime news : సహజీవనంలో ఉన్న వ్యక్తిని దారుణంగా చంపిన మహిళ!

Crime news : రాజస్థాన్​లో దారుణ ఘటన వెలుగులోకి వచ్చింది. రక్తపు మడుగులో ఉన్న ఓ వ్యక్తి మృతదేహాన్ని పోలీసులు స్వాధీనం చేసుకున్నారు. సహజీవనంలో ఉన్న మహిళే.. అతడిని చంపిందని అనుమానాలు వ్యక్తమవుతున్నాయి.

ఇదీ జరిగింది..

మధ్యప్రదేశ్​కు చెందిన 32ఏళ్ల తన్వర్​కు ముందే పెళ్లి జరిగింది. అతనికి ఇద్దరు పిల్లలు కూడా ఉన్నారు. కాగా.. కొంత కాలం క్రితం అతను ఓ మహిళకు కలిశాడు. అమెకు అప్పటికే పెళ్లి అయ్యింది. ఆమెకు కూడా ఇద్దరు పిల్లలు ఉన్నారు. వీరి మధ్య పరిచయం పెరిగింది. బంధం బలపడింది. ఇద్దరు కలిసి సహజీవనంలో ఉండాలని నిర్ణయించుకున్నటటు సమాచారం.

Woman kills live in partner : ఈ నేపథ్యంలో కోటాలోని గణేశ్​ కాలనీలో రోజువారీ కూలీలుగా పనిచేస్తూ.. వీరిద్దరు ఓ గదిని రెంట్​కు తీసుకుని సహజీవనంలో ఉండటం మొదలుపెట్టారు.

కాగా.. ఇంటి యజమాని, బుధవారం సాయంత్రం.. తన్వర్​ గదికి వెళ్లాడు. ఎంత సేపు డోర్​ కొట్టినా, ఎవరు స్పందిచకపోవడంతో ఆయనకు అనుమానం వచ్చింది. డోర్​ని బద్దలు కొట్టుకుని లోపలికి వెళ్లగా.. రక్తపుమడుగులో పడి ఉన్న తన్వర్​ మృతదేహాన్ని చూసి, ఆయన షాక్​ అయ్యాడు. వెంటనే పోలీసులకు సమాచారం అందించాడు. ఘటనాస్థలానికి వెళ్లి మృతదేహాన్ని స్వాధీనం చేసుకుని పోస్టుమార్టం కోసం ఆసుపత్రికి తరలించారు. కాగా.. ఘటన జరిగి గదిలో ఓ పెద్ద బండ రాయిని గుర్తించారు. ఆ రాయితోనే ఎవరో.. అతడి తల మీద బలంగా కొట్టి, కొట్టి చంపేశారని పోలీసులు అనుమానిస్తున్నారు. అదే సమయంలో.. తన్వర్​, ఓ మహిళతో లివ్​-ఇన్​ రిలేషన్​లో ఉన్నాడని తెలుసుకున్నారు. ఇంటిని వెతకగా.. ఆమె పోలీసులకు కనిపించలేదు.

Rajasthan crime news : మరోవైపు.. తన్వర్​ మరణ వార్తను అతని తండ్రికి చెప్పారు పోలీసులు. మృతదేహానికి పోస్టుమార్టం నిర్వహించిన అనంతరం.. అతని తండ్రికి అప్పగించారు.

కాగా.. తన కుమారుడి మరణానికి అతని లివ్​-ఇన్​ పార్టనర్​ కారణమని ఆరోపించారు తన్వర్​ తండ్రి. 'నా కుమారుడిని హత్య చేసి, ఆమె పారిపోయింది,' అని పోలీసులకు ఫిర్యాదు చేశారు.

Kota crime today news latest : ఘటనపై కేసు నమోదు చేసుకున్న పోలీసులు.. సంబంధిత మహిళను ఇంకా పట్టుకోలేదు. ఆమె కోసం ప్రస్తుతం గాలింపు చర్యలు చేపట్టినట్టు, త్వరలోనే ఆ మహిళను పట్టుకుంటామని అధికారులు చెబుతున్నారు. అసలు తన్వర్​ ఎలా చనిపోయాడు? ఎవరు చంపారు? అన్న విషయాలపై స్పష్టత రావాలంటే.. పోలీసులు ఆ మిస్టరీ మహిళను పట్టుకుని విచారించాల్సిందే!