US elections: అమెరికా తదుపరి అధ్యక్షుడు ఎవరో తేల్చేది స్వతంత్ర ఓటర్లే

US President elections: నవంబర్ 5న అమెరికా ఓటర్లు తమ తదుపరి అధ్యక్షుడిని ఎన్నుకోనున్నారు. రిపబ్లికన్ అభ్యర్థి ట్రంప్, డెమొక్రాటిక్ పార్టీ అభ్యర్థి కమల హ్యారిస్ ల ప్రచారం జోరుగా సాగుతోంది. వీరిద్దరిలో లేటెస్ట్ గా హ్యారిస్ ను అధిగమించి, ట్రంప్ ఆధిక్యంలోకి వచ్చినట్లు ఇటీవలి ట్రెండ్స్ తెలియజేస్తున్నాయి. అయితే, అమెరికా తదుపరి అధ్యక్షుడు ఎవరో తేల్చేది స్వతంత్ర ఓటర్లేనని తెలుస్తోంది. ముఖ్యంగా స్వింగ్ స్టేట్స్ లోని స్వతంత్ర ఓటర్ల ప్రభావం ఈ ఎన్నికలపై బలంగా ఉంది.

2020 లోనూ ఇవే కీలకం

స్వింగ్ రాష్ట్రాల్లోని కొన్ని లక్షల మంది ఓటర్లు అంతిమంగా యునైటెడ్ స్టేట్స్ (USA) 47 వ అధ్యక్షుడు ఎవరు అవుతారో నిర్ణయించే అవకాశం ఉంది. 2020లో మాదిరిగానే, ఈ ఎన్నికలు అదే ఏడు స్వింగ్ రాష్ట్రాలపై ఆధారపడి ఉండనున్నాయి. అరిజోనా, జార్జియా, మిచిగాన్, నెవాడా, పెన్సిల్వేనియా, విస్కాన్సిన్. ఈ 6 స్వింగ్ రాష్ట్రాలు 2020 లో డెమొక్రాటిక్ అభ్యర్థి జో బైడెన్ వైపు మొగ్గు చూపాయి. నార్త్ కరోలినా మాత్రం డొనాల్డ్ ట్రంప్ కు మద్ధతుగా నిలిచింది.

స్వింగ్ స్టేట్స్ లోని ఇండిపెండెంట్ ఓటర్లు

అధ్యక్ష ఎన్నికల్లో (us presidential elections 2024)అత్యంత కీలకమైన ఈ స్వింగ్ రాష్ట్రాల్లో ప్రస్తుతం ట్రంప్ ఆధిక్యంలో ఉన్నట్లు వరుస సర్వేలు చెబుతున్నాయి. దాంతో, ఈ రాష్ట్రాల్లోని స్వతంత్ర ఓటర్లపై రెండు పార్టీల అభ్యర్థులు దృష్టి పెట్టారు. ఫలితాలను ప్రభావితం చేయడానికి అవసరమైన ఓటరు మార్జిన్లు చాలా తక్కువగా ఉన్నందున, ప్రతి రాష్ట్రంలోనూ కమలా హారిస్, ట్రంప్ లు ప్రచారం నిర్వహించారు. ఓటర్లను గెలుచుకునే లక్ష్యంతో విస్తృతంగా పర్యటించారు.

43% వారే..

ఇండిపెండెంట్లు ఇప్పుడు అమెరికాలో అతిపెద్ద ఓటింగ్ కూటమిగా ఉన్నారు. గాలప్ పోల్ ప్రకారం, యుఎస్ ఓటర్లలో సగటున 43% మంది 2023 లో తమను తాము స్వతంత్ర ఓటర్లుగా తమను తాము గుర్తించారు. ఇది అమెరికా చరిత్రలోనే గరిష్టం. అదే సర్వేలో 27 శాతం మంది రిపబ్లికన్లు, 27 శాతం మంది డెమొక్రాట్లుగా గుర్తించారు. పెన్సిల్వేనియాలో 19 ఎలక్టోరల్ ఓట్లు ఉన్నాయి. ఇక్కడ దాదాపు తొమ్మిది మిలియన్ల రిజిస్టర్డ్ ఓటర్లలో, సుమారు 1.4 మిలియన్ల మంది స్వతంత్రులు ఉన్నారు.

పేరుకే ఇండిపెండెంట్ ఓటర్

అయితే, ఇంత భారీగా, గణనీయమైన సంఖ్యలో అమెరికన్లు స్వతంత్రులుగా ఉన్నప్పటికీ, వారిలో చాలా మంది డెమొక్రటిక్ లేదా రిపబ్లికన్ పార్టీ వైపు స్థిరమైన మొగ్గు చూపుతారు. ఏప్రిల్ 2024 లో ప్యూ రీసెర్చ్ సెంటర్ పోల్ ప్రకారం, నమోదైన ఓటర్లలో, 49% మంది డెమొక్రాట్లు లేదా లీన్ డెమోక్రాట్లు, 48% మంది రిపబ్లికన్లు లేదా లీన్ రిపబ్లికన్లుగా ఉన్నారు. పక్షపాత ప్రాధాన్యత లేకుండా కేవలం 3% మంది మాత్రమే నిజమైన స్వతంత్రులు అని ఇది సూచిస్తుంది. ముఖ్యంగా స్వింగ్ రాష్ట్రాల్లో ఎన్నికల ఫలితాన్ని నిర్ణయించే ఓటర్ల సమూహం ఇది.

పోలింగ్ శాతం కూడా ముఖ్యమే..

ఇండిపెండెంట్ ఓటర్లతో పాటు, ఎన్నికల ఫలితాలను ప్రభావితం చేసే మరో అంశం పోలింగ్ శాతం, ముఖ్యంగా మహిళలు, మైనారిటీ వర్గాల్లో. కమలా హారిస్ (kamala harris) పట్ల మొగ్గు కనిపిస్తోంది. అయితే ట్రంప్ (donald trump) ప్రచారం ఎక్కువగా కన్సర్వేటివ్ అమెరికన్లు కేంద్రంగా కొనసాగుతోంది. అక్టోబర్ 31 గురువారం మధ్యాహ్నం నాటికి, దాదాపు 63 మిలియన్ల అమెరికన్లు ఓటు వేశారు. వాటిలో దాదాపు 30 మిలియన్ల మెయిల్-ఇన్ బ్యాలెట్లు ఉన్నాయి.