IBPS RRB Clerk Mains: వెబ్ సైట్ లో ఐబీపీఎస్ ఆర్ఆర్బీ క్లర్క్ మెయిన్స్ అడ్మిట్ కార్డ్స్; ఇలా డౌన్ లోడ్ చేసుకోండి

IBPS RRB Clerk Mains Admit Card 2024: ఐబీపీఎస్ ఆర్ఆర్బీ క్లర్క్ మెయిన్స్ 2024 అడ్మిట్ కార్డును ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ ఆదివారం అధికారిక వెబ్ సైట్ లో విడుదల చేసింది. ఆన్లైన్ మెయిన్ పరీక్షకు హాజరు కావాలనుకునే అభ్యర్థులు ఐబీపీఎస్ అధికారిక వెబ్సైట్ ibps.in ద్వారా ఆఫీస్ అసిస్టెంట్ మల్టీపర్పస్ కాల్ లెటర్ ను డౌన్లోడ్ చేసుకోవచ్చు. ఈ కాల్ లెటర్ 2024 అక్టోబర్ 6 వరకు అధికారిక వెబ్సైట్లో అందుబాటులో ఉంటుంది.

అక్టోబర్ 6న పరీక్ష

ఐబీపీఎస్ ఆర్ఆర్బీ క్లర్క్2024 ప్రిలిమ్స్ పరీక్షలో ఉత్తీర్ణులైన అభ్యర్థులు మాత్రమే మెయిన్ పరీక్షకు హాజరు కావడానికి అర్హులు. ఐబీపీఎస్ ఆర్ఆర్బీ ఆఫీస్ అసిస్టెంట్ మెయిన్ పరీక్ష అక్టోబర్ 6, 2024న జరగనుంది. ఆన్లైన్ మెయిన్ పరీక్షలో ఆబ్జెక్టివ్ తరహా మల్టిపుల్ చాయిస్ ప్రశ్నలు ఉంటాయి. ప్రశ్నపత్రంలో రీజనింగ్, కంప్యూటర్ నాలెడ్జ్, జనరల్ అవేర్నెస్, ఇంగ్లిష్, హిందీపై 200 ప్రశ్నలు ఉంటాయి. గరిష్ట మార్కులు 200.

ఇలా డౌన్ లోడ్ చేసుకోవచ్చు..

ఐబీపీఎస్ ఆర్ఆర్బీ క్లర్క్ మెయిన్స్ అడ్మిట్ కార్డ్ 2024 (IBPS RRB Clerk Mains Admit Card) డౌన్లోడ్ చేసుకోవడానికి అభ్యర్థులు ఈ క్రింది స్టెప్స్ ఫాలో అవ్వాలి.

• ఐబీపీఎస్ అధికారిక వెబ్సైట్ ibps.in ను ఓపెన్ చేయాలి.
• హోమ్ పేజీలో ఉన్న ఐబీపీఎస్ ఆర్ఆర్బీ క్లర్క్ మెయిన్స్ అడ్మిట్ కార్డ్ 2024 లింక్ పై క్లిక్ చేయండి.
• అభ్యర్థులు లాగిన్ వివరాలను నమోదు చేయాల్సిన కొత్త పేజీ ఓపెన్ అవుతుంది.
• అక్కడ లాగిన్ వివరాలు నమోదు చేసి సబ్మిట్పై క్లిక్ చేయాలి.
• మీ అడ్మిట్ కార్డు స్క్రీన్ పై కనిపిస్తుంది.
• అడ్మిట్ కార్డు చెక్ చేసుకుని పేజీని డౌన్లోడ్ చేసుకోవాలి.
• తదుపరి అవసరాల కోసం దాని హార్డ్ కాపీని ఉంచండి.

ఈ డాక్యుమెంట్స్ ముఖ్యం

మెయిన్ పరీక్షకు హాజరయ్యే అభ్యర్థులు ప్రిలిమినరీ పరీక్ష కాల్ లెటర్ తో పాటు మెయిన్ ఎగ్జామ్ కాల్ లెటర్, ఇతర అవసరమైన డాక్యుమెంట్లను ఎగ్జామ్ హాల్ కు తీసుకువెళ్లాలి. ఆబ్జెక్టివ్ టెస్టుల్లో తప్పు సమాధానాలకు పెనాల్టీ ఉంటుంది. అభ్యర్థి తప్పు సమాధానం ఇచ్చిన ప్రతి ప్రశ్నకు ఆ ప్రశ్నకు కేటాయించిన మార్కుల్లో నాలుగింట ఒక వంతు లేదా 0.25 మార్కులను పెనాల్టీగా తీసివేస్తారు.