Salman Khan death threat : 'సల్మాన్​ ఖాన్​ను కచ్చితంగా చంపేస్తాము..'- గోల్డీ బ్రార్​!

Salman Khan death threat : ప్రముఖ బాలీవుడ్​ నటుడు సల్మాన్​ ఖాన్​కు గత కొంతకాలంగా బెదిరింపులు వస్తున్న విషయం తెలిసిందే. ఈ నేపథ్యంలో కెనడా ఆధారిత గ్యాంగ్​స్టర్​ గోల్డీ బ్రార్​.. సల్మాన్​ ఖాన్​కు తీవ్రస్థాయిలో హెచ్చరికలు పంపించాడు. సల్మాన్​ ఖాన్​ను కచ్చితంగా చంపేస్తామని అన్నాడు.

"మా నెక్స్ట్​ టార్గెట్​ సల్మాన్​ ఖాన్​. మా టాప్​ 10 కిల్​ టార్గెట్​లో సల్మాన్​ ఖాన్​ ఉన్నాడు. అతడిని కచ్చితంగా చంపేస్తాము. మేము బతికున్నంత కాలం.. మా శత్రువులను తొలగించేందుకు ప్రయత్నిస్తూనే ఉంటాము. మేము కచ్చితంగా విజయం సాధిస్తాము. అది అందరికి తెలుసు," అని ఓ జాతీయ మీడియాకు ఇచ్చిన ఎక్స్​క్లూజివ్​ ఇంటర్వ్యూలో గోల్డీ బ్రార్​ అన్నాడు.

1998లో కృష్ణ జింకలను వెంటాడినట్టు సల్మాన్​ ఖాన్​పై ఆరోపణలు ఉన్నాయి. బిష్ణోయ్​ తెగకు ఈ కృష్ణ జింకలు అత్యంత పవిత్రమైనవి. అందుకే గోల్డీ బ్రార్​, లారెన్స్​ బిష్ణోయ్​ వంటి క్రిమినల్స్​.. సల్మాన్​పై పగబట్టారు.

ఇద్దరు క్రిమినిల్స్​ కూడా గత కొంతకాలంగా సల్మాన్​ ఖాన్​కు బెదిరింపులు పంపిస్తున్నారు.

"మీ బాస్​ సల్మాన్​ ఖాన్​తో మాట్లాడాలని గోల్డీ బ్రార్​ అనుకుంటున్నాడు. బిష్ణోయ్​ ఇచ్చిన ఇంటర్వ్యూని ఆయన చూసే ఉంటాడు. మాటర్​ ఇక్కడితో ముగించాలి అని అనుకుంటే గోల్డీ బ్రార్​తో మాట్లాడాల్సిందే అని చెప్పు. ఫేస్​ టు ఫేస్​ మాట్లాడాలని అనుకుంటే చెప్పు. ఈసారి మాటల్లో చెబుతున్నాము. నెక్స్ట్​ మాత్రం షాక్​కు గురవుతావు," అని బాలీవుడ్​ నటుడికి సన్నిహితుడైన ప్రశాంత్​ గుంజాల్కర్​కు గోల్డీ బ్రార్​ బృందం నుంచి గత నెలలో ఒక మెయిల్​ అందింది.

'మూసేవాలాను మేమే చంపేశాము..'

గతేడాది మేలో దారుణ హత్యకు గురైన సిద్ధు మూసేవాలాపైనా గోల్డ్​ బ్రార్​ స్పందించాడు.

"అవును సిద్ధును మేమే చంపేశాము. అతను చాలా ఈగో ఉన్న వ్యక్తి. గుణపాఠం నేర్పించాలని నిర్ణయించుకున్నాము. నేర్పించాము," అని ఎక్స్​క్లూజివ్​ ఇంటర్వ్యూలో గోల్డ్​ బ్రార్​ చెప్పాడు.

క్రిమినల్​, గ్యాంగ్​స్టర్​ గోల్డ్​ బ్రార్​ కెనడాలో ఉన్నట్టు తెలుస్తోంది. కెనడా టాప్​ 25 క్రిమినల్స్​ లిస్ట్​లో గోల్డ్​ బ్రార్​ ఉన్నాడు. ఈ మోస్ట్​ వాంటెట్​ క్రిమినల్​పై పోలీసులు దర్యాప్తు చేపట్టారు.