CBSE practical exams : నేటి నుంచే సీబీఎస్​ఈ 10, 12 ప్రాక్టికల్​ పరీక్షలు

CBSE practical exams begin today : సీబీఎస్​ఈ (సెంట్రల్​ బోర్డ్​ ఆఫ్​ సెకండరీ ఎడ్జ్యూకేషన్​) ప్రాక్టికల్ పరీక్షలు నేడు ప్రారంభంకానున్నాయి. 10, 12 తరగతుల విద్యార్థులకు ఫిబ్రవరి నెల 14 వరకు ప్రాక్టికల్​ ఎగ్జామ్స్​ జరగనున్నాయి. ప్రాక్టికల్​ పరీక్షలు, ప్రాజెక్ట్​, ఇంటర్నల్​ అసెస్​మెంట్​కు సంబంధించిన వివరాలను విద్యార్థులు.. సీబీఎస్​ఈ అధికారిక వెబ్​సైట్​ www.cbse.gov.in లో తెలుసుకోవచ్చు.

విద్యార్థుల మార్కులు, గ్రేడ్స్​ను సోమవారం నుంచి ఫిబ్రవరి 14వ తేదీ మధ్యలో అప్లోడ్​ చేస్తుంది సీబీఎస్​ఈ. 2022-23 ప్రాక్టికల్​ ఎగ్జామ్స్​ను రాయని విద్యార్థులను సిస్టెమ్​లో 'ఆబ్సెంట్​'గా మార్క్​ చేస్తామని సీబీఎస్​ఈ వెల్లడించింది. కొన్ని ప్రత్యేక సందర్భాల్లో మాత్రం 'రిషెడ్యూల్డ్​' అని మార్క్​ చేస్తామని స్పష్టం చేసింది.

CBSE class 10th practical exams : "పరీక్ష రాసిన కొన్ని రోజుల్లోనే ప్రాక్టికల్స్​, ప్రాజెక్ట్​, ఇంటర్నల్​ అసెస్​మెంట్​ ఫలితాలను వెబ్​సైట్​లో అప్లోడ్​ చేస్తాము. ఫిబ్రవరి 14వ తేదీలోగా మార్కుల అప్లోడింగ్​ ప్రక్రియ పూర్తవుతుంది. పరీక్షల తేదీలను పొడగించే ఉద్దేశం బోర్డుకు లేదు," అని ఓ అధికారిక నోటిఫికేషన్​ను జారీ చేసింది సీబీఎస్​ఈ.

2023 10,12 తరగతుల పరీక్షలకు సంబంధించిన డేట్​ షీట్​ను ఇప్పటికే విడుదల చేసింది సీబీఎస్​ఈ. పరీక్షలు ఫిబ్రవరి 15న మొదలవుతాయి. జేఈఈ మెయిన్స్​ వంటి పోటీ పరీక్షలను దృష్టిలో పెట్టుకుని డేట్​ షీట్​ను రూపొందించింది సీబీఎస్​ఈ.

CBSE class 12 practical exams : షెడ్యూల్​ ప్రకారం.. సీబీఎస్​ఈ క్లాస్​ 10 పరీక్షలు ఫిబ్రవరి 15న మొదలై.. మార్చ్​ 21వరకు జరుగుతాయి. ఇక ఇంటర్​ పరీక్షలు ఫిబ్రవరి 15న మొదలై.. ఏప్రిల్​ 5 వరకు సాగుతాయి.

10వ తరగతి పరీక్షలు- ఉదయం 10:30- మధ్యాహ్నం 12:30 వరకు జరుగుతాయి. విద్యార్థులు.. నిర్ణిత సమయాని కన్నా 15 నిమిషాల ముందే ఎగ్జామ్​ సెంటర్​కు వెళ్లాలి. క్వశ్చన్​ పేపర్​ను 15 నిమిషాల ముందే ఇచ్చే వెసులుబాటును కల్పించింది సీబీఎస్​ఈ.

​