Train Accidents In India : గౌతమి ఎక్స్ప్రెస్ నుంచి కోరమండల్ వరకు.. మాటలకందని విషాదాలెన్నో!
03 June 2023, 7:09 IST
- Train Accidents In India : ఒడిశా రైలు ప్రమాదంతో దేశం ఉలిక్కిపడింది. అయితే గత దశాబ్ద కాలంలో అనేక రైలు ప్రమాదాలు దేశాన్ని దిగ్భ్రాంతికి గురి చేశాయి. మాటలకందని విషాదాన్ని మిగిల్చాయి.
ఒడిశా రైలు ప్రమాదం..
Biggest train Accidents In India : ఒడిశా రైలు ప్రమాదం ఘటన యావత్ దేశాన్ని షాక్కు గురిచేసింది. ఈ ఘటనలో మృతుల సంఖ్య అంతకంతకు పెరుగుతోంది. క్షతగాత్రుల సంఖ్య 900 దాటిపోయింది. ఈ స్థాయిలో ప్రమాదం జరగడం.. ఇటీవలి కాలంలో ఇదే తొలిసారి. దేశ చరిత్రలో అతి భయానక రైలు ప్రమాదాల్లో ఒకటిగా ఈ ఘటన నిలిచిపోతుంది. అయితే.. గత దశాబ్దంలో అనేక రైలు ప్రమాదాలు దేశాన్ని దిగ్భ్రాంతికి గురిచేశాయి. వీటిల్లో కొన్ని మాటలకందని విషాదాన్ని మిగిల్చాయి.
Rishi Sunak net worth : కింగ్ చార్లెస్ కన్నా.. రిషి సునక్- అక్షతా మూర్తులే ధనవంతులు!
Naturals Ice Cream : నేచురల్స్ ఐస్క్రీమ్ వ్యవస్థాపకుడు రఘునందన్ కామత్ కన్నుమూత..
Thief Lawyer: కి‘‘లేడీ లాయర్’’.. కోర్టులోనే దర్జాగా దొంగతనాలు; ఎట్టకేలకు అరెస్ట్
COVID-19: మళ్లీ కోవిడ్-19 కలకలం; సింగపూర్ లో వారం రోజుల్లో 25,900 కేసులు నమోదు
గౌతమి ఎక్స్ప్రెస్ నుంచి కోరమండల్ వరకు..
2008 జులై 31:- సికింద్రాబాద్ నుంచి కాకినాడ వెళుతున్న గౌతమి ఎక్స్ప్రెస్కు మంటలు అంటుకున్నాయి. కేసముద్రం- తాళ్లపూసపల్లి రైల్వే స్టేషన్లకు సమీపంలో ఈ ఘటన చోటుచేసుకుంది. నాలుగు బోగీలు పూర్తిగా దహనమైపోయాయి. 32మంది అగ్నికి ఆహుతయ్యారు.
2011 జులై 7:- ఉత్తర్ ప్రదేశ్ ఈటాహ్కు సమీపంలో ఛప్రా- మథురా ఎక్స్ప్రెస్ ఓ బస్సును ఢీకొట్టింది. ఈ ఘటనలో 69మంది ప్రాణాలు కోల్పోయారు. అనేకమంది గాయపడ్డారు. రైలు హైస్పీడ్లో వస్తున్న సమయంలోనే పట్టాలను దాటేందుకు బస్సు ప్రయాణించడంతో అర్ధరాత్రి 2 గంటల ప్రాంతంలో ఈ ఘటన చోటుచేసుకుంది. అరకిలోమీటర్ వరకు బస్సును ఈడ్చుకెళ్లింది రైలు.
Odisha train accident live : 2012:- భారతీయ రైల్వే చరిత్రలో 2012 ఏడాదిని అతి ఘోరమైన సంవత్సరంగా భావిస్తుంటారు. ఒక్క ఏడాదిలో 14కుపైగా ప్రమాదాలు జరిగాయి. రైళ్లు పట్టాలు తప్పడాలు, రైళ్లు పరస్పరం ఢీకొనడాలు తరచుగా వార్తలకెక్కేవి.
2012 జులై 30:- నెల్లూరుకు సమీపంలో ఢిల్లీ- చెన్నై తమిళనాడు ఎక్స్ప్రెస్కు మంటలు అంటుకున్నాయి. ఈ ఘటనలో 30మంది మరణించారు.
2014 మే 26:- ఉత్తర్ ప్రదేశ్ సంత్ కబీర్ నగర్ ప్రాంతంలోని ఖలలాబాద్ స్టేషన్లో ఆగి ఉన్న గూడ్స్ రైలును గోరఖ్పూర్ వెళుతున్న గోరఖ్ధామ్ ఎక్స్ప్రెస్ ఢీకొట్టింది. ఈ ఘటనలో 25మంది మరణించారు. 50మంది గాయపడ్డారు.
2015 మార్చ్ 20:- డెహ్రాడూన్ నుంచి వారణాసి వెళుతున్న జనతా ఎక్స్ప్రెస్.. ఉత్తర్ ప్రదేశ్ రాయ్బరేలీలోని బచ్రవాన్ రైల్వే స్టేషన్కు సమీపంలో పట్టాలు తప్పింది. ఇంజిన్తో పాటు రెండు బోగీలు పట్టాలు తప్పాయి. ఈ ఘటనలో 30మంది మరణించారు. 150మంది గాయపడ్డారు.
2016 నవంబర్ 20:- కాన్పూర్లోని పుఖ్రాయన్కు సమీపంలో ఇండోర్- పట్నా ఎక్స్ప్రెస్ పట్టాలు తప్పింది. ఈ ఘటనలో 150మంది ప్రయాణికులు ప్రాణాలు కోల్పోయారు. 150మంది గాయపడ్డారు.
Odisha train accident live updates : 2017 ఆగస్ట్ 19:- హరిద్వార్ నుంచి పూరి వెళుతున్న కలింగ ఉత్కల్ ఎక్స్ప్రెస్.. ఉత్తర్ ప్రదేశ్ ముజాఫర్నగర్లో ప్రమాదానికి గురైంది. 14 బోగీలు పట్టాలు తప్పాయి. 21మంది మరణించారు. 97మంది గాయపడ్డారు.
2017 ఆగస్ట్ 23:- ఉత్తర్ ప్రదేశ్ ఔరియాకు సమీపంలో కైఫియత్ ఎక్స్ప్రెస్ పట్టాలు తప్పింది. ఈ ఘటనలో 70మంది గాయపడ్డారు.
2022 జనవరి 13:- బికనీర్- గౌహత ఎక్స్ప్రెస్కు చెందిన 12 బోగీలు పట్టాలు తప్పాయి. పశ్చిమ్ బెంగాల్ అలీపుర్దౌర్కు సమీపంలో ఈ ఘటన జరిగింది. ఇందులో 9మంది మరణించారు. 36మంది గాయపడ్డారు.
2023 జూన్ 2:- ఒడిశాలో మూడు రైళ్లు ప్రమాదానికి గురయ్యాయి. ఈ ఘటనలో (జూన్ 3 ఉదయం 6 గంటల వరకు) మృతుల సంఖ్య 207కు చేరింది. పూర్తి వివరాల కోసం ఇక్కడ క్లిక్ చేయండి.
1981 నుంచి 2022 వరకు..
1981:- బిహార్‌లోని సహస్ర వద్ద జరిగిన ఘటనలో ఓ ప్యాసింజర్‌ రైలు పట్టాలు తప్పి భాగమతి నదిలో మునగడంతో 500 మంది మరణించారు.
1995:- ఉత్తర్ ప్రదేశ్‌లోని ఫిరోజాబాద్‌ వద్ద దిల్లీ వెళుతున్న పురుషోత్తమ్‌ ఎక్స్ప్రెస్.. కలిండ్‌ ఎక్స్ప్రెస్ రైలును ఢీకొట్టింది. ఈ ఘటనలో 358 మంది చనిపోయారు.
Odisha train accident death toll : 1999:- అసోంలోని గైసోల్‌ వద్ద జరిగిన రెండు ప్యాసింజర్‌ రైళ్లు ఢీకొన్న ఘటనలో 290 మంది మరణించారు. ప్రమాద తీవ్రతకు పేలుడు కూడా సంభవించడటం సంచలనంగా మారింది.
1998:- కోల్‌కతా వెళుతున్న జమ్ముతావి ఎక్స్ప్రెస్.. ఖన్నా-లుథియానా సెక్షన్‌లో పట్టాలు తప్పిన.. గోల్డెన్‌ టెంపుల్‌ ఎక్స్ప్రెస్ రైలు బోగీలను ఢీకొట్టింది. ఈ ఘటనలో 212 మంది ప్రాణాలు కోల్పోయారు.
2002:- హౌరా నుంచి దిల్లీ వెళుతున్న రాజధాని ఎక్స్ప్రెస్ పట్టాలు తప్పడంతో 140 మంది చనిపోయారు.