Aditya L1 launch : 'ఆదిత్య ఎల్​-1' లాంచ్​ డేట్​ ఫిక్స్​.. ఇస్రో మరో ప్రతిష్ఠాత్మక మిషన్​!

Aditya L1 launch date and time ISRO: చంద్రయాన్​-3 సక్సెస్​ తర్వాత ప్రపంచం దృష్టి మన ఇస్రో (భారత అంతరిక్ష పరిశోధన సంస్థ)పై పడింది. ఇస్రో తదుపరి ప్రాజెక్ట్స్​పై సర్వత్రా ఆసక్తి నెలకొంది. వీటి మధ్య.. ఓ కీలక అప్డేట్​ ఇచ్చింది ఇస్రో. సూర్యుడిని అధ్యయనం చేసేందుకు.. సంస్థ ప్రయోగించనున్న "ఆదిత్య- ఎల్​1" లాంచ్​ డేట్​ను తాజాగా వెల్లడించింది. ఈ ఏడాది సెప్టెంబర్​ 2న.. ఆంధ్రప్రదేశ్​లోని శ్రీహరికోట నుంచి ఉదయం 11:50 గంటలకు.. ఆదిత్య ఎల్​1 మిషన్​ నింగిలోకి ఎగురుతుందని స్పష్టం చేసింది.

మిషన్​ లక్ష్యం ఇదే..

ఈ ఆదిత్య- ఎల్​1 మిషన్​ కోసం పీఎస్​ఎల్​వీ ఎక్స్​ఎల్​ రాకెట్​ను ఉపయోగించనుంది ఇస్రో. దీనిని లైవ్​ స్ట్రీమింగ్​ ద్వారా చూడొచ్చు. ఈ ఆదిత్య- ఎల్​1.. భూమి నుంచి సుమారు 1.5 మిలియన్​ కి.మీలు ప్రయాణించి సూర్యుడికి వీలైనంత సమీపానికి చేరుకుంటుంది. అనంతరం.. అంతరిక్ష వాతావరణంపై సూర్యుడి ప్రభావంతో పాటు ఇతర అంశాలపై పరిశోధనలు నిర్వహిస్తుంది. రియల్​-టైమ్​ మానిటరింగ్​ చేస్తుంది.

ఈ మిషన్​ ప్రధాన లక్ష్యాలను ఇస్రో తాజాగా ప్రకటించింది. కొరొనల్​ హీటింగ్​, సౌర మంటలు, కొరొనల్​ మాస్​ ఇజెక్షన్స్​, సౌర గాలులు, భూమికి సమీపంలోని అంతరిక్ష వాతావరణ వంటి వాటిపై పూర్తిస్థాయిలో పరిశోధనలు జరుపుతుంది ఆదిత్య ఎల్​-1. ఈ మిషన్​లో 7 సైంటిఫిక్​ పేలోడ్స్​ను ఉపయోగిస్తున్నారు. సోలార్​ అల్ట్రావయోలెంట్​ ఇమేజింగ్​ టెలిస్కోప్​ ఇందులో ఒకటి.

Aditya L1 launch date : సూర్యుడు- భూమి సిస్టెమ్​లోని లాగ్రేంజ్​ పాయింట్​ 1 (ఎల్​1) చుట్టూ ఉండే హాలో ఆర్బిట్​లోకి ఈ ఆదిత్య- ఎల్​1 వెళుతుంది. తద్వారా.. సూర్యుడికి సంబంధించి నిరంతర వ్యూ శాటిలైట్​కు లభిస్తుంది​. నాసాకు చెందిన సోలార్​ అండ్​ హీలియోస్పెరిక్​ అబ్సర్వేటరీ శాటిలైట్​ కూడా ఇదే ఆర్బిట్​లో ఉంది. గత రెండే దశాబ్దాలుగా.. ఈ శాటిలైట్​.. సూర్యుడిపై పరిశోధనలు జరుపుతోంది.

నాలుగు నెలల ప్రయాణం..

ఆదిత్య- ఎల్​1.. నిర్దేశిత ఎల్​1 లొకేషన్​ పాయింట్​కు చేరుకునేందుకు నాలుగు నెలల సమయం పడుతుందని శాస్త్రవేత్తలు చెబుతున్నారు. భూమి ఎస్​ఓ (స్పియర్​ ఆఫ్​ ఇన్​ఫ్లుయెన్స్​)ను రాకెట్​ స్పేస్​క్రాఫ్ట్​ దాటిన తర్వాత.. 'క్రూజ్​' ఫేజ్​లోకి వెళుతుంది. అక్కడి నుంచి.. హాలో ఆర్బిట్​వైపు ప్రయాణాన్ని సాగిస్తుంది.

చంద్రయాన్​-3 సక్సెస్​..

Chandrayaan-3 latest news : జులై 14న నింగిలోకి ఎగిరిన చంద్రయాన్​-3.. ఆగస్ట్​ 23న చంద్రుడి ఉపరితలంపై ల్యాండ్​ అయ్యింది. ఫలితంగా ఈ ఘనత సాధించిన నాలుగో దేశంగా చరిత్ర సృష్టించింది. 23న ల్యాండర్​ నుంచి బయటకి వచ్చిన రోవర్​.. అప్పటి నుంచి 14 రోజుల పాటు వివిధ పరిశోధనలు చేపట్టనుంది.