IT returns : మధ్యాహ్నం 1 గంట వరకు 19.5లక్షల ఐటీ రిటర్నులు దాఖలు

IT returns : ఐటీ రిటర్నుల దాఖలుకు నేడే చివరి రోజు కావడంతో జోరుగా ఫైలింగ్స్​ జరుగుతున్నాయి! మధ్యాహ్నం 1గంట వరకు 19,53,581 ఐటీ రిటర్నులు దాఖలయ్యాయి.

మధ్యాహ్నం 12-1గంట మధ్యలో.. అంటే ఒక్క గంట వ్యవధిలో ఏకంగా 4,67,902 ఐటీ రిటర్నులు దాఖలయ్యాయి. ఈ విషయాన్ని ఆదాయపు పన్నుశాఖ ట్వీట్​ చేసింది.

ఐటీఆర్​ దాఖలలో సహాయం కోసం 1800 103 0025 లేదా 1800 419 0025 కు కాల్​ చేయవచ్చని ట్వీట్​లో పేర్కొంది.

ఇక శనివారం వరకు 5.10కోట్లకుపైగా ఐటీ రిటర్నులు దాఖలయ్యాయి. జులై 30న ఒక్కరోజే.. 57.51లక్షల ఐటీ రిటర్నులు నమోదుకావడం విశేషం.

ఐటీ రిటర్నుల దాఖల గడువును పెంచాలని అనేకమంది విజ్ఞప్తి చేస్తున్నారు. కానీ గడువు పెంచే ప్రసక్తే లేదని ప్రభుత్వం తేల్చిచెప్పింది. ఈ గడువు దాటితే.. జరిమానా కట్టి ఐటీ రిటర్నులు దాఖలు చేయాల్సి ఉంటుంది.

2020-21 ఆర్థిక ఏడాది.. 5.89కోట్ల ఐటీ రిటర్నులు దాఖలయ్యాయి. అప్పుడు.. గడువును 2021 డిసెంబర్​ 31వరకు పెంచింది ప్రభుత్వం. ఈసారి.. ఐటీ రిటర్నుల సంఖ్య ఇప్పటికే మెరుగ్గా ఉండటంతో.. చివరి నిమిషంలో గడువును ప్రభుత్వం పెంచకపోవచ్చని తెలుస్తోంది.