Vivo Y52T 5G । బడ్జెట్ ధరలోనే వివో కొత్త 5G ఫోన్, స్టోరేజ్ అదిరింది!

స్మార్ట్‌ఫోన్ తయారీదారు Vivo తమ Y-సిరీస్‌లో స్మార్ట్‌ఫోన్‌లను విడుదల చేస్తూనే ఉంది. ఇప్పటికే ఈ సిరీస్ నుంచి ఎన్నో మోడళ్ల ఫోన్లు వివిధ శ్రేణుల్లో అందుబాటులో ఉండగా, తాజాగా జాబితాలో మరొక స్మార్ట్‌ఫోన్‌ను చేర్చింది. కంపెనీ సరికొత్తగా Vivo Y52t పేరుతో స్మార్ట్‌ఫోన్‌ను విడుదల చేసింది. ఇది బడ్జెట్ ధరలో లభించే ఒక 5G స్మార్ట్‌ఫోన్. గతేడాది విడుదల చేసిన Vivo Y52 మోడల్‌కు ఇది అప్‌గ్రేడ్‌ వెర్షన్ అని చెప్పవచ్చు.

స్టోరేజ్ ఆధారంగా Vivo Y52t రెండు కాన్ఫిగరేషన్లలో లభిస్తుంది. గరిష్టంగా 256GB ఇంటర్నల్ స్టోరేజ్ డిఫాల్ట్‌గా వస్తుంది. మైక్రో SD కార్డ్‌ ద్వారా స్టోరేజ్ సామర్థ్యంను 1TB వరకు విస్తరించుకోవచ్చు. ఆలాగే ఈ ఫోన్ ఐస్ లేక్ బ్లూ, కోకోనట్ పీచ్, బ్లాక్ అనే మూడు ఆకర్షణీయమైన కలర్ ఆప్షన్లలో లభ్యమవుతుంది.

Vivo Y52t 5Gలో మీడియాటెక్ ప్రాసెసర్, డ్యూయల్ కెమెరాలు ఉన్నాయి. ఈ హ్యాండ్‌సెట్‌లోని కొన్ని ఫీచర్లు Vivo T1-సిరీస్, iQOO Z6-సిరీస్ నుండి ప్రేరణ పొందింనట్లుగా ఉన్నాయి. ఒకసారి Vivo Y52t లోని స్పెసిఫికేషన్‌లు, ఫీచర్లు, ఇతర వివరాలను పరిశీలిద్దాం.

Vivo Y52t 5G స్మార్ట్‌ఫోన్‌ ఫీచర్స్, స్పెసిఫికేషన్స్

• 60Hz రిఫ్రెష్ రేట్ కలిగిన 6.56 అంగుళాల IPS LCD HD+ డిస్‌ప్లే
• 8GB RAM, 128GB/256GB ఇంటర్నల్ స్టోరేజ్ సామర్థ్యం (ఎక్స్‌పాండబుల్)
• మీడియాటెక్ డైమెన్సిటీ 700 ప్రాసెసర్
• వెనకవైపు 13MP+2MP డ్యూయల్ కెమెరా, ముందు భాగంలో 8MP సెల్ఫీ షూటర్‌
• ఆండ్రాయిడ్ 12 ఆపరేటింగ్ సిస్టమ్
• 5000 mAh బ్యాటరీ సామర్థ్యం, 10W ఛార్జర్

కనెక్టివిటీ పరంగా ఇందులో 5G, 4G LTE, డ్యూయల్-బ్యాండ్ Wi-Fi, బ్లూటూత్ 5.1 3.5mm హెడ్‌ఫోన్ జాక్, USB టైప్-సి పోర్ట్ ఉన్నాయి.

Vivo Y52t 5G స్మార్ట్‌ఫోన్‌ ప్రస్తుతం చైనా మార్కెట్లో విడుదలయింది. ధరలను పరిశీలిస్తే.. 8GB RAM + 128GB స్టోరేజ్ వేరియంట్ కోసం ధర CNY 1,299 (సుమారు రూ. 14,900). 8GB + 256GB స్టోరేజ్ వేరియంట్ కోసం ధర CNY 1,499 (సుమారు రూ. 17,000). త్వరలోనే ఈ ఫోన్ ఇతర దేశాల మార్కెట్లలోనూ అందుబాటులోకి వచ్చే అవకాశం ఉంది.