Idly with Rice | రాత్రి వండిన అన్నం మిగిలిపోయిందా? అయితే ఇడ్లీలు చేసేయండి..
25 May 2022, 7:52 IST
- ఎంత కాదనుకున్న ఒక్కోసారి వండిన అన్నం మిగిలిపోతుంది. కొందరు పులిహరో, ఫ్రైడ్ రైసో ఏదోకటి చేసుకుని తినేస్తారు. అయితే ఉదయాన్నే అన్నం తినాలని అనిపించని వాళ్లు దానిని ఏమి చేయాలో తెలియక పడేస్తారు. అలా పడేయకుండా రైస్తో మంచిగా ఇడ్లీలు చేసుకుని ఆస్వాదించేయండి.
మిగిలిపోయిన అన్నంతో ఇడ్లీలు
Idly with Leftover Rice | మిగిలిన అన్నం పడేస్తున్నప్పుడు చాలా బాధగా ఉంటుంది. కానీ ఉదయాన్నే అన్నం తినాలని అనిపించదు. అలాంటివారు మంచిగా మిగిలిన అన్నంతో ఇడ్లీలు చేసుకుని తినేయండి. మిగిలిన అన్నంతో ఇడ్లీలా అనుకుంటున్నారా? వాటిని ఎలా తయారు చేయాలో.. కావాల్సిన పదార్థాలేమిటో ఇప్పుడు తెలుసుకుందాం.
Healthy Food: ఆ మూడింటిని ఎంత తక్కువగా తింటే అంత ఆరోగ్యమని చెబుతున్న వైద్యులు, వారి మార్గదర్శకాలు ఇదిగో
Bed Time Habit : మీకు రాత్రిపూట ఈ అలవాటు ఉంటే.. అది బంధానికి విలన్
Capsicum Pachadi: స్పైసీగా క్యాప్సికం పచ్చడి ఇలా చేసుకోండి, చూడగానే నోరూరిపోతుంది
Peepal Tree Leaves Benefits : రావి చెట్టు ఆకుల ప్రయోజనాలు మీకు నిజంగా తెలియవు
కావాల్సిన పదార్థాలు
* వండిన అన్నం - 1½ కప్పు (మిగిలినది)
* రవ్వ - 1 కప్పు
* నీరు - 1 కప్పు
* పెరుగు - 1 కప్పు
* ఉప్పు - తగినంత
తయారీ విధానం
ముందుగా బ్లెండర్లో వండిన అన్నం తీసుకుని.. నీరు కలపండి. దానిని మెత్తని పేస్ట్ అయ్యేలా చేయండి. ఆ పిండిని పెద్ద గిన్నెలోకి తీసుకుని.. పక్కన పెట్టండి. ఒక పాన్‌లో రవ్వను వేసి పొడిగా వేయించండి. ఇది కాస్త సుగంధమైన వాసన వచ్చేవరకు తక్కువ మంటపై కాల్చండి. పూర్తిగా చల్లారిన తర్వాత.. అన్నం పిండిలో దీనిని వేయాలి.
దానితో పాటు పెరుగు, ఉప్పు వేసి బాగా కలపాలి. పిండి బాగా కలిసే వరకు 3 నిముషాల పాటు బాగా కలపాలి. అనంతరం ఈ మిశ్రమాన్ని 20 నిముషాలు పక్కన పెట్టేయాలి. ఇప్పుడు పిండి స్థిరత్వాన్ని సర్దుబాటు చేయడానికి అవసరమైనన్ని నీటిని జోడించాలి.
ఇప్పుడు ఇడ్లీ పిండిని నూనెరాసిన ఇడ్లీ ప్లేట్లో పోయాలి. మీడియం మంట మీద 13 నుంచి 15 నిముషాలు ఆవిరి చేయండి. అంతే రైస్ ఇడ్లీ రెడీ. హాట్ హాట్ చట్నీతో దీనిని లాగిస్తే సరి. మరి ఇంకేం ఆలస్యం మీ ఇంట్లో కూడా మిగిలిపోయిన అన్నం ఉందా? ట్రై చేసేయండి ఈ ఇడ్లీలు..