Parenting Tips : పిల్లలకు తల్లిదండ్రులు తప్పక నేర్పాల్సిన విషయాలు ఇవి

జీవితంలో ఎదగాలంటే చిన్నప్పుడు పిల్లలకు వేసే మార్గమే దారిచూపిస్తుంది. లేదంటే పిల్లలు తప్పు దారి నడిస్తే వారి జీవితం పాడవుతుంది. ఉందుకే చిన్నప్పుడే తల్లిదండ్రులు ప్రతీ విషయాన్ని జాగ్రత్తగా చెప్పాలి. లేదంటే పిల్లలు సరైన మర్గంలో వెళ్లలేరు. తల్లిదండ్రులు తమ పిల్లలకు మంచి వ్యక్తిగా ఎదగడానికి నేర్పించాల్సిన కొన్ని విషయాలు ఇక్కడ ఉన్నాయి. పిల్లలు ఉన్నతంగా ఆలోచించాలి అంటే ఇవి వారికి ఉపయోగపడతాయి.

పిల్లల అభివృద్ధిలో పేరెంటింగ్ ముఖ్యమైన పాత్ర పోషిస్తుంది. తల్లిదండ్రులు తమ పిల్లలకు మంచి మర్యాదలు, సరైన వైఖరిని నేర్పించడం చాలా ముఖ్యం. తల్లిదండ్రులందరూ తమ పిల్లలకు మంచి రోల్ మోడల్‌గా ఉండటం చాలా ముఖ్యం. ఎందుకంటే పిల్లలను చూసే తల్లిదండ్రులు చాలా విషయాలను నేర్చుకుంటారు. వారు పైకి ఉన్నతంగా ఎదగాలి అంటే తప్పకుండా మీరు సరైన విలువలు నేర్పించాలి.

భవిష్యత్తులో మంచి వ్యక్తులుగా ఎదగాలని పిల్లలకు నేర్పించాలి. గొప్ప గొప్ప వ్యక్తుల జీవిత కథలను చిన్నప్పటి నుంచే వినిపించాలి. చిన్నారుల ముందు మంచిగా ప్రవర్తించాలి. తల్లిదండ్రులు తమ పిల్లల ముందు చేసే, చెప్పే లేదా ప్రవర్తించే వాటిని పిల్లలు మోడల్ చేస్తారు.

పిల్లలు పెద్దయ్యాక ఎలా ప్రవర్తిస్తారు. పిల్లలకు ప్రాథమిక జీవన నైపుణ్యాలను నేర్పడంలో తల్లులు ముఖ్యమైన పాత్ర పోషిస్తున్నట్లే, బయట ప్రపంచంలో వారికి సహాయపడే పాఠాలను పిల్లలకు నేర్పించడంలో తండ్రి ముఖ్యమైన పాత్ర పోషిస్తారు. తండ్రులు తమ పిల్లలకు కూడా కచ్చితంగా మంచి విషయాలను నేర్పించాలి.

ఇతరులను గౌరవించండి

తండ్రులు తమ పిల్లలకు నేర్పించవలసిన ముఖ్యమైన విషయాలలో ఒకటి ఇతరులను గౌరవించడం గురించి చెప్పాలి. తల్లిదండ్రులు ఇంట్లో ఒకరినొకరు గౌరవంగా చూసుకుంటే, పిల్లలు కూడా తమ చుట్టూ ఉన్న ప్రతి ఒక్కరినీ గౌరవించడం ప్రారంభిస్తారు. వయస్సు లేదా ఇతర భేదాలతో సంబంధం లేకుండా ప్రతి ఒక్కరినీ గౌరవించడం పిల్లలకు నేర్పించాలి.

తప్పులను అంగీకరించడం

తండ్రులు తమ పిల్లలకు తమ తప్పులను అంగీకరించమని ఎల్లప్పుడూ నేర్పించాలి. తండ్రి మొండిగా ఉండి తప్పులు ఒప్పుకోకుంటే పిల్లలకు కూడా ఇదే అలవాటు అవుతుంది. ఇంట్లో వాదనల సమయంలో కోపం చూపిస్తే పిల్లలు ఆ ప్రవర్తనను ఆదర్శంగా తీసుకుని, తమను తాము రక్షించుకునే అలవాటును పెంచుకుంటారు. పొరపాట్లను అంగీకరించడం వల్ల పిల్లలు జీవితంలో గొప్పవారు అవుతారని పిల్లలకు నేర్పించాలి.

వైఫల్యానికి భయపడవద్దు

వైఫల్యాన్ని తప్పుగా లేదా చెడుగా చూడకూడదని పిల్లలకు నేర్పించడం చాలా ముఖ్యం. అపజయం జీవితంలో ఒక భాగమని, అపజయమే విజయానికి మొదటి మెట్టు అని పిల్లలకు నేర్పించాలి. అపజయంలేని విజయం గర్వాన్ని ఇస్తుందని పిల్లలకు నేర్పించాలి. అనుభవాలు నేర్పే పాఠాల గురించి గొప్పగా చెప్పాలి.

ఓడిపోవడం వల్ల నష్టమేమీ లేదని తండ్రులు తమ పిల్లలకు ఎప్పుడూ నేర్పించాలి. వారు తిరస్కరణను ఎదుర్కోవటానికి ఇష్టపడరు లేదా భయపడతారు. కష్టపడి, నిరంతర శ్రమతో విజయం సాధించవచ్చని పిల్లలకు కూడా నేర్పించాలి. ఓడిపోయినా, గెలిచినా గెలుపై వైపునకు సాగాలి అని పిల్లలకు పాఠాలు చెప్పాలి. అప్పుడే వారు బాగుపడతారు.