Motichoor Rolls: మోతీచూర్ లడ్డూలతో పిల్లలకు మోతీచూర్ రోల్స్ చేసి పెట్టండిలా, దీని రెసిపీ ఇదిగో

మోతీచూర్ లడ్డూ పేరు వింటేనే రుచి అదిరిపోతుంది. ఒక్క లడ్డూ తింటే చాలు మళ్లీ మళ్లీ తినాలనిపిస్తుంది. పిల్లలకు నచ్చే స్వీట్ మోతీచూర్. ఈ మోతీచూర్ లడ్డూలతో పిల్లల కోసం మోతీచూర్ రోల్స్ చేయవచ్చు. ఇది కొత్త డిజర్ట్. ఇదొక ఫ్యూజర్ స్వీట్ రెసిపీ. ఇది స్ప్రింగ్ రోల్ షీట్ లోపల ఈ లడ్డూను చుట్టి తయారుచేస్తారు. ఇంటికి వచ్చే అతిథులకు దీన్ని సర్వ్ చేస్తే అద్భుతంగా ఉంటుంది. మోతీచూర్ రోల్స్ ప్రత్యేకత ఏమిటంటే ఇది ఇతర స్వీట్ల మాదిరిగా తయారు చేయడానికి ఎక్కువ సమయం పట్టదు. టేస్టీ మోతీచూర్ రోల్స్ ఎలా తయారు చేయాలో తెలుసుకుందాం.

మోతీచూర్ రోల్స్ రెసిపీకి కావలసిన పదార్థాలు

మైదా - పావు కిలో

మోతీచూర్ లడ్డూలు - 8

నెయ్యి - రెండు కప్పులు

స్ప్రింగ్ రోల్ షీట్ - సరిపడినంత

మోతీచూర్ రోల్స్ రెసిపీ

1. మోటిచూర్ రోల్స్ తయారు చేయాలంటే ముందుగా స్ప్రింగ్ రోల్ షీట్ ను బయటకు తీయాలి.
2. ఈ షీట్ అతికించడానికి మైదా పిండి పేస్ట్ తయారు చేయండి.
3. దీని కోసం పిండిని 1/4 కప్పు నీటిలో కలపండి.
4. ఇప్పుడు మార్కెట్ నుంచి ఆర్డర్ చేసిన మోతీచూర్ లడ్డూలను చేత్తో నలిపి బూందీలా చేయాలి.
5. ఇప్పుడు, చదునైన ఉపరితలంపై స్ప్రింగ్ రోల్ షీట్ ఉంచండి. దాని అంచులపై మైదా పిండి పేస్టును పూయండి.

6. ఇప్పుడు స్ప్రింగ్ రోల్ షీట్ పైన 2 టేబుల్ స్పూన్ల బూందీని ఉంచి షీట్ ను చుట్టి అంచులను అతికించేయాలి.

7. అదేవిధంగా, అన్ని రోల్స్ సిద్ధం చేయండి.

8. ఇప్పుడు బాణలిలో 2 కప్పుల నెయ్యి వేసి మీడియం మంట మీద వేడి చేయాలి.

9. ఈ నెయ్యిలో అన్ని రోల్స్ వేసి లేత గోధుమ రంగులోకి మారే వరకు బాగా వేయించి ప్లేట్ లోకి తీసుకోాలి.

10. వడ్డించే ముందు వాటిపై రబ్రీ, వెనీలా ఐస్ క్రీమ్ తో మోటిచూర్ రోల్స్ ను సర్వ్ చేయాలి. ఇవి చాలా టేస్టీగా ఉంటాయి

11. రోల్స్ షీట్ మీకు దొరక్కపోతే… మైదా పిండిని పల్చగా పూరీల్లా వత్తి, వాటి మధ్యల మోతీచూర్ బూందీని ఉంచి చుట్టుకోవాలి.

12. వీటిని నూనెలో లేదా నెయ్యిలో వేయించుకోవాలి. నెయ్యిలో వేయించుకుంటే ఇవి త్వరగా వేగిపోతాయి. ఇవి చాలా రుచిగా కూడా ఉంటాయి.

మోతీచూర్ లడ్డూలతో కొత్తగా స్వీట్ తయారుచేయాలనుకుంటే మోతీచూర్ రోల్స్ తయారుచేయండి. ఇది చాలా టేస్టీగా ఉంటుంది. ముఖ్యంగా పిల్లలకు ఇవి నచ్చడం ఖాయం.