Monday Motivation : నిన్ను నువ్వు నమ్ముకుంటే.. జీవితం నీకు చాలా ఇస్తుంది..

Monday Motivation : మనం పెరిగేకొద్దీ జీవితంలో వేర్వేరు ఆకాంక్షలు ఉంటాయి. మన చుట్టూ జరిగే, లేదా మనకు ఇంట్రెస్టింగ్​గా అనిపించే కొన్ని సంఘటనల వల్ల మనకు ఆకాంక్షలు మారుతూ ఉంటాయి. జీవితం సాగుతున్నప్పుడు మనకు కలిగే వివిధ అనుభవాల కారణంగా ఇవి ప్రారంభమవుతాయి. మన కలలను సాధించుకోవడానికి, మనకు తగిన వనరులు, తగిన ప్రోత్సాహం లేదని చాలా మంది ఫీల్ అవుతాము. మనం కూడా కొన్ని సమయాల్లో.. మన సొంత స్వీయ-ఆలోచనలో మన సామర్థ్యం సరిపోదని అనుమానిస్తాం. ఈ దశలో మనం ఆగి ఆలోచించాలి. మిమ్మల్ని మీరు విశ్వసించడం చాలా ముఖ్యం. చిన్న చిన్న విజయాల కోసం కూడా మనల్ని మనం మోటివేట్ చేసుకోవాలి.

చిన్న చిన్న విజయాల నుంచి ధైర్యం తెచ్చుకుని వాటిపై మన విశ్వాసాన్ని పెంచుకోవాలి. విభిన్న అనుభవాలు మనకు జీవితంలో విభిన్న కోణాలను చూపుతాయి. ఇది మనకు ఎదగడానికి సహాయపడే వివిధ పాఠాలను నేర్పుతుంది. అందువల్ల మనం చాలా చిన్న విషయాలను గుర్తించి వాటిపై మన జీవితాన్ని నిర్మించాలి. మనందరికీ ఉన్న ఆకాంక్షను సాకారం చేసుకోవడానికి ఇది దోహదపడుతుంది.

జీవితంలో ప్రతి చిన్న అడుగు ముఖ్యమైనదని మనం తెలుసుకోవాలి. మనకి తెలియకుండానే మనం ఇతరులపై కూడా ప్రభావం చూపిస్తాము. ఈ ప్రభావం ఏదైనా గొప్ప రిజల్ట్స్ , గణనీయమైన ప్రభావాన్ని కూడా కలిగి ఉంటుంది.

అందువల్ల మనం మన సామర్థ్యాలను విశ్వసించాలి. మంచి ఉద్దేశ్యంతో చేసే పనిని ప్రారంభించకుండా ఉండకూడదు. మనం కష్టపడుతున్నా, సక్సెస్​ను రాకపోయినా.. పట్టువదలని విక్రమార్కుడిలా ప్రయత్నిస్తూనే ఉండాలి. వర్తమానంలో ఏది అర్ధం కాకపోవచ్చు. కానీ తరువాత మన కలలను నెరవేర్చుకోవడంలో ఉన్న మధురమైన జ్ఞాపకాలను గుర్తు చేసుకుంటే అర్ధమవుతుంది.