Lenovo Tab P12 Pro | డాల్బీ విజన్‌తో ఫ్లాగ్‌షిప్ టాబ్లెట్, ధర కూడా ఎక్కువే!

ల్యాప్‌ట్యాప్, కంప్యూటర్లను ఉత్పత్తి చేసే ప్రముఖ చైనీస్ కంపెనీ లెనొవొ తాజాగా Lenovo Tab P12 Pro అనే ఆండ్రాయిడ్ టాబ్లెట్ ఫోన్‌ను భారత మార్కెట్లో విడుదల చేసింది. ఈ సరికొత్త Lenovo Tab P12 Pro టాబ్లెట్ ఫ్లాగ్‌షిప్ ఆండ్రాయిడ్ ఫీచర్‌లతో వచ్చింది. దీని ద్వారా లెనొవొ కంపెనీ ఇండియన్ మార్కెట్లో ఇప్పటికే పాపులర్ టాబ్లెట్‌ మోడల్స్ అయిన శాంసగ్ గెలాక్సీ Tab S-series అలాగే షావోమి Pad 5 వంటి వాటికి పోటీ ఇవ్వాలని నిర్ణయించుకుంది. అంతేకాకుండా దేశంలో వివిధ రకాల ఐప్యాడ్‌లను విడుదల చేస్తున్న ఆపిల్‌కు గట్టి పోటీని ఇవ్వాలని కంపెనీ లక్ష్యంగా పెట్టుకుంది.

లెనొవొ నుంచి విడుదలైన ఈ ప్రీమియం టాబ్లెట్‌లో డాల్బీ విజన్‌ను అందించే AMOLED డిస్‌ప్లేను ఇచ్చారు. ఇది శక్తివంతమైన Qualcomm Snapdragon చిప్‌సెట్ ద్వారా శక్తిని పొందుతుంది. అంతేకాకుండా ఈ టాబ్లెట్‌తో వినియోగదారులకు Lenovo Precision Pen 3 అనే స్టైలస్‌ను అందిస్తున్నారు. ఈ స్టైలస్ టాబ్లెట్‌తో దానంతటదే పెయిర్ చేసుకుంటుంది. లేటెన్సీ రేట్ కూడా తక్కువ ఉంటుంది. అలాగే వైర్‌లెస్ ఛార్జింగ్‌కు సపోర్ట్ చేస్తుంది.

ప్రస్తుతం చైనాలో లాంచ్ చేసిన ఈ టాబ్లెట్ త్వరలోనే భారత మార్కెట్లోకి వచ్చే అవకాశం ఉంది. ఇంకా Lenovo Tab P12 Proకి సంబంధించి ఫీచర్లు, స్పెసిఫికేషన్లు ఏమున్నాయి? ధరలు ఎంత? తదితర వివరాలు ఈ క్రింద తెలుసుకోండి. .

Lenovo Tab P12 Pro టాబ్లెట్ ఫీచర్స్, స్పెసిఫికేషన్స్

• కార్నింగ్ గొరిల్లా గ్లాస్ 5 ప్రొటెక్షన్ కలిగిన 12.6-అంగుళాల AMOLED డిస్‌ప్లే
• 8 GB RAM, 256 GB స్టోరేజ్ సామర్థ్యం
• క్వాల్కమ్ స్నాప్‌డ్రాగన్ 870 ప్రాసెసర్
• వెనకవైపు 13MP + 5MP కెమెరా, ముందు భాగంలో 8MP సెల్ఫీ కెమెరా
• ఆండ్రాయిడ్ 11 ఆపరేటింగ్ సిస్టమ్
• 10200 mAh బ్యాటరీ సామర్థ్యం, 45W ఛార్జింగ్
• ధర, రూ. 69,999/-

Lenovo Tab P12 Pro ఇప్పుడు లెనొవొ అధికారిక వెబ్ సైట్ Lenovo.com, ఈ-కామర్స్ భాగస్వామి Amazon.in అలాగే Lenovo ఎక్స్‌క్లూజివ్ స్టోర్‌లలో కొనుగోలుదారులకు అందుబాటులో ఉంది. త్వరలోనే ఇతర ఆఫ్‌లైన్ రిటైల్ ఛానెల్‌లలో కూడా అందుబాటులో ఉంటుంది.