Winter Health: చలికాలంలో బెండకాయను తినడం ఆరోగ్యకరం కాదా? తింటే ఎలాంటి సమస్యలు వస్తాయి?

బెండకాయ చాలా మందికి ఇష్టమైన కూరగాయ. దీనితో అనేక రకాల వంటకాలు తయారు చేసుకోవచ్చు. బెండకాయ కూరను అన్నం, రోటీ, చపాతీలతో ఇష్టంగా తింటారు ఎంతోమంది. శీతాకాలంలో బెండకాయ తినడం ఖచ్చితంగా ప్రమాదకరం. డిజిటల్ క్రియేటర్ డాక్టర్ పూర్ణిమా బహుగుణ తన ఇన్ స్టాగ్రామ్ వీడియోలో ఈ విషయాన్ని చెప్పారు.

శీతాకాలంలో బెండకాయ మనల్ని స్లో పాయిజన్ లాగా మారుతుందని ఆమె వివరిస్తున్నారు. చల్లని వాతావరణంలో బెండకాయ ఆకులపై ఉండే ఫంగల్ కంటెంట్ వల్ల, బెండకాయలపై చల్లే పురుగుమందుల వల్ల మన ఆరోగ్యం దెబ్బతింటుందని డాక్టర్ పూర్ణిమ చెప్పారు.

శీతాకాలంలో బెండకాయ తినడం వల్ల శరీరంపై ప్రతికూల ప్రభావం పడుతుందని నిపుణులు చెబుతున్నారు. వీణా వి, చీఫ్ క్లినికల్ డైటీషియన్ చెబుతున్న ప్రకారం, శీతాకాలంలో బెండకాయ తినడం మంచిది కాదని నిరూపించే అధ్యయనాలు లేదా డేటా లేదు. వాస్తవానికి, బెండకాయలో ఫైబర్, విటమిన్లు, యాంటీఆక్సిడెంట్లు పుష్కలంగా ఉంటాయ. ఇవి ఏడాది పొడవునా వచ్చే పంట. కానీ చలికాలంలో మాత్రం వీటిని తినడం తగ్గిస్తే మంచిది.

బెండకాయను అతిగా తింటే

బెండకాయను చలికాలంలో అతిగా తినడం వల్ల జీర్ణశయాంతర సమస్యలకు దారితీస్తుంది. ఎందుకంటే ఇందులో ఉండే ఫ్రక్టాన్ అనే కార్బోహైడ్రేట్ డయేరియా, అసిడిటీ, ఉబ్బరానికి దారితీస్తుంది. ముఖ్యంగా ఇప్పటికే పేగు సమస్యలు ఉన్నవారికి బెండకాయ మరిన్ని సమస్యలను కలిగిస్తుంది. మూత్రపిండాల్లోని రాళ్లలో ఉండే ఆక్సలేట్లు బెండకాయలో ఎక్కువగానే ఉంటాయి. అయితే బెండకాయ తినడం ల్ల ఆరోగ్య ప్రయోజనాలు కూడా ఎక్కువగానే ఉన్నాయి. అందుకని వాటిని పూర్తిగా తినడం మానేయమని మేము చెప్పడం లేదు. చలికాలంలో బెండకాయలు వండే ముందు నీటిలో పావుగంట సేపు నానబెట్టి పరిశుభ్రంగా కడిగి వండండి.

బెండకాయతో ప్రయోజనాలు

బెండకాయలో ఫోలేట్ తో పాటు విటమిన్ ఎ, సి, కె వంటి పోషకాలు పుష్కలంగా ఉంటాయి. ఇది రోగనిరోధక శక్తిని, దృష్టిని, ఎముకల ఆరోగ్యాన్ని మెరుగుపరుస్తుంది.

జీర్ణ ఆరోగ్యానికి మద్దతు

బెండకాయలో ఫైబర్ అధికంగా ఉంటుంది, ఇది సాధారణ ప్రేగు కదలికను ప్రోత్సహిస్తుంది. పొట్టను ఆరోగ్యంగా ఉంచడంలో సహాయపడుతుంది.

రక్తంలో చక్కెరను నియంత్రిస్తుంది

బెండకాయలో రక్తంలో చక్కెర స్థాయిలను నియంత్రించే గుణం ఉంది. తద్వారా ఇది శరీరానికి ప్రయోజనం చేకూరుస్తుంది. బెండకాయలో తక్కువ గ్లైసెమిక్ ఇండెక్స్, కరిగే ఫైబర్ ఉంటుంది. ఇది రక్తంలో చక్కెర స్థాయిల శోషణను తగ్గించడంలో సహాయపడుతుంది.

గుండె ఆరోగ్యం

ఇందులో కరిగే ఫైబర్ పుష్కలంగా ఉంటుంది. ఇది శరీరంలో కొలెస్ట్రాల్ స్థాయిలను తగ్గిస్తుంది, తద్వారా గుండె జబ్బులు వచ్చే అవకాశాలను తగ్గిస్తుంది.

బెండకాయలో యాంటీ ఆక్సిడెంట్లు , ఫ్లేవనాయిడ్లు, పాలీఫెనాల్స్ వంటి సమ్మేళనాలు ఉంటాయి. ఇవి ఆక్సీకరణ ఒత్తిడిని ఎదుర్కొంటాయి. శరీర కణాలను దెబ్బతినకుండా రక్షిస్తాయి.

చర్మ ఆరోగ్యం

విటమిన్ సితో సహా బెండకాయలో ఉండే యాంటీఆక్సిడెంట్లు ఫ్రీ రాడికల్స్ తో పోరాడటం ద్వారా కొల్లాజెన్ ఉత్పత్తికి సహకరిస్తాయి. ఆరోగ్యకరమైన చర్మం, జుట్టుకు దోహదం చేస్తాయి.

ఐరన్ శోషణ

బెండకాయలో ఉండే విటమిన్ సి ఐరన్ శోషణను పెంచి రక్తహీనతను ఎఫెక్టివ్ గా నివారిస్తుంది. బెండకాయను ఏ సీజన్ లో తిన్నా సరైన పద్ధతిలో వండడం కూడా ముఖ్యం. ధాన్యాలు ప్రోటీన్ తో కలిపినప్పుడు ఇది సమతుల్య ఆహారంగా మారుతుంది.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)