Ragi oats dhokla: రాగి ఓట్స్ డోక్లా.. రుచిలో అదిరిపోతుంది..

రాగిపిండి, ఓట్స్ రెండూ ఆరోగ్యకరమే. వాటిని ఆహారంలో చేర్చుకోవాలని ఉన్నా, ఎలాంటి వంటలు చేయాలో తోచదు. అలాంటపుడు ఈ రాగి ఓట్స్ డోక్లా చాలా మంచి అల్పాహారం. ఉదయాన్నే టిఫిన్ లోకి తీసుకుంటే ఆరోగ్యకరం.

కావాల్సిన పదార్థాలు:

1 కప్పు రాగిపిండి

సగం కప్పు ఓట్స్ పొడి

సగం కప్పు శనగపిండి

సగం కప్పు పెరుగు

తగినంత ఉప్పు

చిటికెడు వంటసోడా

1 చెంచా అల్లం ముద్ద

2 చెంచాల నూనె

సగం చెంచా ఆవాలు

సగం చెంచా జీలకర్ర

1 రెమ్మ కరివేపాకు

1 పచ్చిమిర్చి

కొత్తిమీర తరుగు కొద్దిగా

తయారీ విధానం:

1. రాగిపిండి, ఓట్స్ పొడి, శనగపిండి ఒక పెద్ద బౌల్ లో వేసుకోవాలి.
2. తగినన్ని నీళ్లు పోసుకుంటూ ఇడ్లీ పిండి లాగా పిండి కలుపుకోవాలి.
3. ఈ పిండిని రాత్రంతా పులియబెట్టాలి. ఉదయాన్నే ఉప్పు, పెరుగు, అల్లం ముద్ద వేసుకుని బాగా కలుపుకోవాలి.
4. రెండు చెంచాల నూనె, వంటసోడా కూడా వేసుకుని కలుపుకోవాలి.
5. ఒక లోతుగా ఉన్న ఉన్న ప్లేట్ లో ఈ మిశ్రమాన్ని పోసుకోవాలి. ఆవిరిమీద 15 నుంచి 20 నిమిషాలు ఉడికించుకోవాలి.
6. చల్లారాక ముక్కలుగా కట్ చేసి పక్కన పెట్టుకోవాలి.
7. ఇప్పుడు ఒక కడాయిలో నూనె వేసుకుని, ఆవాలు, కరివేపాకు వేసుకుని వేగనివ్వాలి. దీన్ని డోక్లా ముక్కల మీద వేసుకుని సర్వ్ చేసుకుంటే చాలు. ఏదైనా సాస్ లేదా చట్నీతో తింటే రుచిగా ఉంటాయి.