Cloves: లవంగం రుచి నచ్చకపోయినా ఎలాగోలా రోజుకొకటి తినేయండి, ఈ సమస్యలు రావు

ఆహారానికి రుచిని, సువాసనను జోడించేందుకు చిన్న లవంగాలను వాడతారు. ఇది వంటగదికే పరిమితమైనది కాదు. ఇది నాన్ వెజ్ వంటకాలకు, వెజ్ బిర్యానీలకు రుచిని అందించేందుకు లవంగాలను వాడతారు. ఇది ఆరోగ్యాన్ని కూడా కాపాడుతుంది. లవంగాలలో ప్రోటీన్, ఐరన్, కార్బోహైడ్రేట్లు, కాల్షియం, విటమిన్ సి, ఫైబర్, మాంగనీస్, యాంటీఆక్సిడెంట్లు, విటమిన్-కె పుష్కలంగా ఉన్నాయి. లవంగాలను ప్రతిరోజూ ఉదయం పరగడుపున తీసుకోవడం వల్ల అనేక శారీరక సమస్యలను అధిగమించవచ్చు. లవంగాలు తినడం కాస్త కష్టంగానే ఉంటుంది. వాటి రుచి పచ్చిగా తింటే అంత బాగోదు. అయినా సరే రోజుకొకటి తినడం అలవాటు చేసుకుంటే ఎంతో మంచిది. ఇలా తినడం వల్ల ఎలాంటి ఆరోగ్య సమస్యలు రాకుండా ఉంటాయో తెలుసుకోండి.

గ్యాస్ సమస్యలు

ఆహారం తిన్నాక చాలా మంది గ్యాస్ సమస్యలు వస్తూ ఉంటాయి. దీని నుంచి బయటపడేందుకు ప్రజలు అనేక రకాల మందులను వాడుతూ ఉంటారు. కానీ ఈ మందులను ఎక్కువ కాలం వాడటం వల్ల ఆరోగ్యానికి హాని కలుగుతుంది. అటువంటి పరిస్థితిలో, మీరు గ్యాస్ సమస్య నుండి ఉపశమనం పొందడానికి లవంగాల సహాయం తీసుకోవచ్చు. గ్యాస్ సమస్యను అధిగమించడానికి లవంగం ఔషధంలా పనిచేస్తుంది. గ్యాస్, మలబద్ధకం సమస్య నుంచి బయటపడాలంటే ఉదయాన్నే పరగడుపున ఒక గ్లాసు నీటిలో కొన్ని చుక్కల లవంగాల నూనె కలుపుకుని తాగినా మంచిదే. ఇలా తాగలేకపోతే ఒక లవంగా నమిలి ఆ రసాన్ని మింగండి.

జలుబు

మారుతున్న సీజన్‌ను బట్టి జలుబు వస్తుంది. ఈ సమస్య నుంచి ఉపశమనం పొందాలంటే ఒక లవంగాన్ని నోట్లో పెట్టుకోవాలి. లవంగాలను ప్రతిరోజూ తినడం వల్ల జలుబు, గొంతు నొప్పి వంటివి రాకుండా ఉంటాయి. లవంగాలు తినడం మొదలుపెట్టిన రెండు వారాల్లోనే మీకు మంచి మార్పులు కనిపిస్తాయి.

నోటి దుర్వాసనకు

ఎక్కువసేపు ఆకలితో ఉండటం వల్ల, నోటి పరిశుభ్రత లేకపోవడం వల్ల నోటి దుర్వాసన వస్తుంది. లవంగం రెమెడీతో దీన్ని అధిగమించవచ్చు. ఈ రెమెడీ చేయడానికి, మొత్తం లవంగాలను వరుసగా 40 రోజుల పాటు ప్రతిరోజూ ఉదయం నోటిలో ఉంచండి. వెంటనే నోటి దుర్వాసన తగ్గడం ఖాయం.

అధిక బరువు

పెరుగుతున్న బరువుతో ఇబ్బంది పడుతుంటే, ఖచ్చితంగా లవంగం రెమెడీని ప్రయత్నించండి. ఈ రెమెడీ చేయడానికి, రోజూ ఒక లవంగం నమలండి. ఇలా చేయడం వల్ల బరువు తగ్గవచ్చు. లవంగాలలో ఉండే మూలకాలు జీవక్రియను పెంచడం ద్వారా కేలరీలను వేగంగా బర్న్ చేయడానికి సహాయపడతాయి. ఇది బరువు తగ్గడానికి దారితీస్తుంది.

డయాబెటిస్

లవంగాన్ని తినడం వల్ల రక్తంలో చక్కెరను నియంత్రణలో ఉంటుంది. లవంగాల్లో ఉండే నైజరిన్ అనే మూలకం ఇన్సులిన్ పెంచడానికి పనిచేస్తుంది. మధుమేహ వ్యాధిగ్రస్తులు షుగర్ కంట్రోల్ లో ఉంచాలంటే రాత్రిపూట లవంగం తినడం అలవాటు చేసుకోండి.