Tea Time Snack | క్రిస్పీ బ్రెడ్ స్నాక్స్ ఛాయ్‌తో సూపర్ గుడ్ కాంబినేషన్!

మార్నింగ్ అయినా ఈవినింగ్ అయినా ఇండియన్స్ ఎక్కువగా ఛాయ్ తాగటానికి ఇష్టపడతారు. రోజులో కొంచెం బ్రేక్ టైమ్ దిరికినపుడు కూడా ఛాయ్ గుర్తుకొస్తుంది. ఆ సమయంలో ఒక కప్ ఛాయ్ మనకు కంపనీ ఇస్తుంది. అయితే ఛాయ్‌తో పాటు సమోసా, బ్రెడ్ ఆమ్లెట్, పకోడి లాంటివి తినడం చాలా మందికి అలవాటు. కానీ మీరేప్పుడైనా క్రిస్పీ బ్రెడ్ ట్రై చేశారా? 

ఈ స్నాక్స్ ఒక్కసారి రుచి చూస్తే ఇంకెప్పుడూ ఇదే కావాలని అంటారని ప్రముఖ చెఫ్ కునాల్ కపూర్ అంటున్నారు. ఛాయ్‌తో క్రిస్పీ బ్రెడ్ స్నాక్స్ సూపర్ గుడ్ కాంబినేషన్ అని చెప్తున్నారు. దీనిని ఎలా తయారుచేసుకోవాలో ఆ రెసిపీని కూడా ఆయన పంచుకున్నారు.

క్రిస్పీ బ్రెడ్ స్నాక్స్-  చెఫ్ కునాల్ కపూర్ రెసిపీ కోసం కావలసినవి:

3/4 కప్పు బంగాళాదుంప (ఉడికించి గుజ్జుగా మార్చినవి)

1 tsp జీలకర్ర

2 tsp తరిగిన అల్లం

1 పచ్చి మిరపకాయ

1 టేబుల్ స్పూన్ కొత్తిమీర

2 స్పూన్ కారం

ఉప్పు రుచికి తగినంత

4 బ్రెడ్ ముక్కలు

బ్యాటర్ కోసం

1 కప్పు శనగపిండి

1 టీస్పూన్ ఓమ

1 స్పూన్ కారం

1 టేబుల్ స్పూన్ కొత్తిమీర

1/2 టీస్పూన్ పసుపు

3/4 కప్పు నీరు

2 టేబుల్ స్పూన్లు నూనె

తయారీ విధానం

* ముందుగా పైన పేర్కొన్న బంగాళాదుంప గుజ్జు, జీలకర్ర, అల్లం, పచ్చిమిర్చి, కొత్తిమీర, మిరియాల పొడి (కారం) ఉప్పు పదార్హాలు బాగా కలపండి. ఈ మిశ్రమాన్ని 2 బ్రెడ్ ముక్కలపై అద్దండి. ఆ తర్వాత సాండ్ విచ్ లాగా మడతపెట్టండి.

* ఒక గిన్నెలో శెనగపిండి, ఉప్పు, ఓమ, కారం, ధనియాల పొడి, పసుపు వేసి, కొద్దిగా నీరు పోసి పకోడిలకు చేసినట్లుగా పలుచని పిండి బ్యాటర్ ను తయారుచేయండి

* ఒక పాన్ తీసుకొని నూనెను వేడిచేయండి. ఇప్పుడు స్టఫ్ చేసిన బ్రెడ్‌ను పూర్తిగా పిండిలో ముంచి, దీనిని నూనెలో వేగించండి.

* సుమారు 3 నిమిషాలు ఫ్రై చేసి, ఆపై బ్రెడ్ మరోవైపు ఫ్రై చేయండి. అన్ని వైపులా సరిగ్గా ఫ్రై అయిన తర్వాత త్రిభుజాకారంలో కట్ చేసి సర్వ్ చేసుకోండి.

ఛాయ్ తాగుతూ ఈ క్రిస్ప్రీ బ్రెడ్ తింటే ఉంటుందీ.. ఆహా స్వర్గం.