KGF 2-Salaar : కేజీఎఫ్ 2 క్లైమాక్స్-సలార్ టీజర్ విడుదల టైమ్ మధ్య లింక్!

సినిమాల విషయంలో ప్రశాంత్ నీల్(Prashanth Neel) రేంజే వేరు. సినిమా మేకింగ్ విషయంలో ప్రశాంత్ తెలివితేటలను అందరూ మెచ్చుకుంటారు. ఇప్పటికే అతడి సినిమాలకు జనాలు ఫిదా అయిపోయారు. కేజీఎఫ్(KGF), కేజీఎఫ్ చాప్టర్ 2 చిత్రాలతో దేశవ్యాప్తంగా పేరు తెచ్చుకున్నాడు. ఇప్పుడు ప్రశాంత్ దర్శకత్వంలో సలార్(Salaar) సినిమా రాబోతోంది. మరోవైపు పాన్ ఇండియా స్టార్ ప్రభాస్ హీరో అనడంతో అంచనాలు మరింత పెరిగిపోయాయి. ఈ చిత్రంలో శృతి హాసన్, పృథ్వీరాజ్ సుకుమారన్ తదితరులు నటించారు. తాజాగా ఈ సినిమా టీజర్ విడుదల తేదీని ప్రకటించారు. ఇప్పుడు టీజర్ విడుదల సమయం మరియు ' కేజీఎఫ్ 2' క్లైమాక్స్‌కు లింక్ పై చర్చ నడుస్తోంది.

హైప్ ఉన్న సినిమాల టీజర్లు సాధారణంగా సాయంత్రం విడుదలవుతాయి. కొంతమంది ఉదయం లేదా మధ్యాహ్నం కూడా రిలీజ్ చేస్తారు. అయితే సలార్ టీజర్(Salaar Teaser) రిలీజ్ టైమ్ విని చాలా మంది ఆశ్చర్యపోయారు. ఎందుకంటే ఈ టీజర్‌ను జూలై 6వ తేదీ ఉదయం 5:12 గంటలకు విడుదల చేస్తున్నారు. అయితే ఇలా టీజర్ విడుదల చేయడానికి కారణం ఏంటని సోషల్ మీడియాలో చర్చ జరుగుతోంది.

'కేజీఎఫ్ 2' క్లైమాక్స్(KGF 2 Climax) సన్నివేశానికి సంబంధించిన ఫోటో ఒకటి వైరల్‌గా మారింది. రాకీపై దాడి చేసేది తెల్లవారుజామున ఐదు గంటల ప్రాంతంలోనేనని, అప్పుడే రాకీ భాయ్ నీటి కిందకు వెళ్తాడని మాట్లాడుకుంటున్నారు. క్లైమాక్స్ సన్నివేశంలో షిప్ లోని గడియారానికి సంబంధించిన ఫొటో వైరల్ అయింది. అయితే కేజీఎఫ్ 2 క్లైమాక్స్.. పాయింట్ దగ్గర సలార్ సినిమా కథ మొదలవుతుందనే ఊహాగానాలు వినిపిస్తున్నాయి. ఈ కారణంగానే 'సలార్' టీజర్‌ను ఉదయం 5:12 గంటలకు విడుదల చేస్తున్నారనేది కొంతమంది చెప్పే మాట.

ఈ విషయాన్ని కొంతమంది కొట్టిపారేస్తుంటే.. మరికొందరు మాత్రం అంగీకరిస్తున్నారు. ఏదో మంచి ముహూర్తం చూసుకుని విడుదల చేస్తున్నారనేది కొందరి అభిప్రాయం. దీనిపై సోషల్ మీడియాలో చర్చ మొదలైంది. ఈ ప్రశ్నలన్నింటికీ జులై 6 ఉదయం లోపు సమాధానం వస్తుందేమో చూడాలి . ‘సలార్’ సినిమా(Salaar Cinema)పై భారీ అంచనాలు ఏర్పడ్డాయి. ఇప్పటి వరకు ఈ సినిమా పోస్టర్లు మాత్రమే విడుదలయ్యాయి. ఇప్పుడు టీజర్ ద్వారా దృష్టిని ఆకర్షించేందుకు చిత్రబృందం సిద్ధమైంది.

తెలుగు, త‌మిళం, హిందీతో పాటు మిగిలిన భార‌తీయ భాష‌ల్లో సెప్టెంబ‌ర్ 28న రిలీజ్ కానుంది. స‌లార్ సినిమాలో మ‌ల‌యాళ న‌టుడు పృథ్వీరాజ్ సుకుమార‌న్(prithviraj sukumaran) విల‌న్‌గా న‌టిస్తోన్నాడు. శృతిహాస‌న్‌, జ‌గ‌ప‌తిబాబు కీల‌క పాత్రల‌ను పోషిస్తున్నారు. దాదాపు రెండు వంద‌ల కోట్ల బ‌డ్జెట్‌తో విజ‌య్ కిర‌గందూర్ ఈ మూవీని నిర్మిస్తున్నారు. ఈ చిత్రం రిలీజ్‌కు వంద రోజులే స‌మ‌యం ఉండ‌టంతో టీజ‌ర్ రిలీజ్ నుంచే ప్రమోషన్స్ మొద‌లుపెట్టబోతున్నట్టుగా తెలుస్తోంది.