Trivikram: ఎంత ప్రేమ‌ను చూశాడో...అంత‌కంటే ఎక్కువ‌ ద్వేషాన్ని చూశాడు - విజ‌య్ దేవ‌ర‌కొండ‌పై త్రివిక్ర‌మ్ కామెంట్స్‌

Trivikram: విజ‌య్ దేవ‌ర‌కొండ మ‌హా గ‌ట్టోడు అని త్రివిక్ర‌మ్ అన్నాడు. టాలీవుడ్ యంగ్‌ హీరోపై ల‌క్కీ భాస్క‌ర్ ప్రీ రిలీజ్ ఈవెంట్‌లో త్రివిక్ర‌మ్ ఆస‌క్తిక‌ర కామెంట్స్ చేశాడు. విజ‌య్ ఎంతో ప్రేమ‌ను చూశాడ‌ని, అంత‌కంటే రెట్టింపు ద్వేషాన్ని కూడా చూశాడ‌ని త్రివిక్ర‌మ్ అన్నాడు.

ఈ రెండింటిని అత‌డు చాలా త‌క్కువ టైమ్‌లోనే అనుభ‌వించాడ‌ని విజ‌య్ దేవ‌రకొండ గురించి త్రివిక్ర‌మ్ కామెంట్స్ చేశాడు. విజ‌య్ మ‌హా గ‌ట్టొడు అని తెలిపాడు. త‌న ఫేవ‌రేట్ యాక్ట‌ర్స్‌లో విజ‌య్ ఒక‌ర‌ని త్రివిక్ర‌మ్ అన్నాడు. విజ‌య్ గురించి ఈ ప్రీ రిలీజ్ ఈవెంట్‌లో త్రివిక్ర‌మ్ చేసిన కామెంట్స్ వైర‌ల్ అవుతోన్నాయి.

ఈత‌రం గొప్ప న‌టులు...

ఈ తరం గొప్ప నటులు దుల్కర్ సల్మాన్, విజయ్ దేవరకొండ అని త్రివిక్ర‌మ్‌ అన్నాడు. వాళ్ళిద్దరినీ ఒకేసారి ఈ వేడుక‌లో చూడటం చాలా ఆనందంగా ఉంద‌ని చెప్పాడు. “మర్రిచెట్టు కింద మొక్కలు బ్రతకవని చెబుతుంటారు. మ‌మ్ముట్టి కొడుకు అనే ముద్ర నుంచి బయటకు వచ్చి తన ప్రయాణాన్ని కొత్త‌గా మొదలుపెట్టడంఅంటే చిన్న విషయం కాదు. దుల్క‌ర్ స‌ల్మాన్‌కే అదే సాధ్య‌మైంది. దుల్కర్ కెరీర్ చూసి తండ్రిగా మ‌మ్ముట్టి గర్వపడతాడు” అని త్రివిక్ర‌మ్ అన్నాడు.

క్ల‌ర్క్ జీవితంలోకి

“ల‌క్కీ భాస్క‌ర్ సినిమాలో దుల్కర్ సల్మాన్ నెక్స్ట్‌ లెవెల్ లో యాక్ట్ చేశాడు. నిజంగా ఒక బ్యాంక్ లోకి వెళ్ళిపోయి, క్లర్క్ జీవితంలోకి ఎంటరైతే ఎంత నాచుర‌ల్‌గా అంతగా భాస్క‌ర్ పాత్ర‌కు ప్రాణంపోశాడు. అత‌డి ఎఫెర్ట్స్‌కు హ్యాట్సాఫ్” అని త్రివిక్ర‌మ్ చెప్పాడు.

ఫ‌స్ట్ చెక్ త్రివిక్ర‌మ్ ఇచ్చారు...

పెళ్లిచూపులు హిట్ అయిన తర్వాత తాను ఫ‌స్ట్ చెక్‌ను త్రివిక్ర‌మ్ నుంచే అందుకున్నాన‌ని ప్రీ రిలీజ్ ఈవెంట్‌లో విజ‌య్ దేవ‌ర‌కొండ చెప్పాడు. "సితార ఎంటర్టైన్మెంట్స్ నుంచే. త్రివిక్రమ్ నన్ను ఆఫీస్ కి పిలిపించి, కూర్చోబెట్టి నాతో మాట్లాడి, నాకు నా ఫస్ట్ చెక్ ఇప్పించార‌ని చెప్పాడు.

ఆరోజు త్రివిక్రమ్ గారిని కలవడం నా లైఫ్ లో ఒక బిగ్ మూమెంట్. మన్మథుడు, నువ్వు నాకు నచ్చావ్, జల్సా, సినిమాలంటే వ్యక్తిగతంగా నాకు బాగా ఇష్టం. అలాంటి గొప్ప సినిమాలు చేసిన ఆయన మనల్ని ఆఫీస్ కూర్చోబెట్టి నువ్వు స్టార్ అవుతావు... చెక్ తీసుకో అంటే.. అప్పుడు ఎంత ఆనందంగా అనిపించిందో మాటల్లో చెప్పలేను. ఆయన నా అభిమానుల్లో దర్శకుల్లో ఒకరు" అని విజ‌య్ దేవ‌ర‌కొండ అన్నాడు.

గౌత‌మ్ తిన్న‌నూరితో...

ప్ర‌స్తుతం గౌత‌మ్ తిన్న‌నూరి ద‌ర్శ‌క‌త్వంలో స్పై యాక్ష‌న్ ఎంట‌ర్‌టైన‌ర్ మూవీ చేస్తోన్నాడు విజ‌య్ దేవ‌ర‌కొండ‌. వీడీ12 అనే వ‌ర్కింగ్ టైటిల్‌తో తెర‌కెక్కుతోన్న ఈ మూవీని సితార ఎంట‌ర్‌టైన్‌మెంట్స్ సంస్థ నిర్మిస్తోంది. మ‌రోవైపు అల్లు అర్జున్‌తో త‌న నెక్స్ట్ మూవీ చేయ‌బోతున్నాడు త్రివిక్ర‌మ్‌.