OTT Web Series: కొత్త వెబ్ సిరీస్‍కు ఓకే చెప్పిన టాలీవుడ్ యంగ్ హీరోయిన్.. దర్శకుడు ఎవరంటే..

టాలీవుడ్ యంగ్ హీరోయిన్ రితూ వర్మ గ్లామర్‌తో పాటు మంచి నటిగా గుర్తింపు తెచ్చుకున్నారు. బాద్‍షా మూవీతోనే అరంగేట్రం చేసినా.. పెళ్లిచూపులు చిత్రంతో హీరోయిన్ అయ్యారు రితూ. ఆ సినిమాతో చాలా పాపులర్ అయ్యారు. ఆ తర్వాత తెలుగుతో పాటు తమిళంలోనూ వరుసగా సినిమాలు చేస్తున్నారు. రితూ వర్మ ప్రధాన పాత్రలో కొత్తగా ఓ వెబ్ సిరీస్ రూపొందనుంది. లేడీ ఓరియెంటెడ్ సిరీస్‍గా ఉండనుంది. ఈ సిరీస్‍ కథ విన్న రితూ ఓకే చెప్పేశారు.

‘శ్రీకారం’ దర్శకుడితో..

రితూ వర్మ ప్రధాన పాత్ర పోషించనున్న ఈ వెబ్ సిరీస్‍కు కిశోర్ బీ దర్శకత్వం వహించనున్నారు. శర్వానంద్ హీరోగా నటించిన శ్రీకారం చిత్రంతో దర్శకుడిగా ఆయన పరిచయం అయ్యారు. 2021లో వచ్చిన శ్రీకారం సినిమా బాక్సాఫీస్ వద్ద పెద్దగా కలెక్షన్లు రాబట్టలేకపోయింది. అయితే, మంచి సినిమాగా పేరు తెచ్చుకుంది. వ్యవసాయం గురించి గొప్పగా సందేశం ఇస్తూ తీసిన శ్రీకారం.. దర్శకుడిగా కిశోర్‌కు మంచి గుర్తింపు తెచ్చుకుంది.

రితూ వర్మతో వెబ్ సిరీస్ కోసం డైరెక్టర్ కిశోర్ ఏ సబ్జెక్ట్ తీసుకున్నారో ప్రస్తుతం బయటికి రాలేదు. అయితే, ఈ సిరీస్ మోస్తరు బడ్జెట్‍తోనే తెరకెక్కనుందని తెలుస్తోంది. మరి, ఈ వెబ్ సిరీస్ ఎప్పటకల్లా రెడీ అవుతుందో చూడాలి.

హాట్‍స్టార్ ఓటీటీలో..

రితూ వర్మ - డైరెక్టర్ కిశోర్ బీ కాంబినేషన్లలో రూపొందనున్న ఈ వెబ్ సిరీస్ డిస్నీ+ హాట్‍స్టార్ ఓటీటీలో స్ట్రీమింగ్‍కు వస్తుంది. ప్రస్తుతం ఈ సిరీస్ పోస్ట్ ప్రొడక్షన్ పనుల్లో ఉన్నట్టు తెలుస్తోంది. అతిత్వరలో షూటింగ్ మొదలుకానున్నట్టు సమాచారం. ప్రకటన కూడా త్వరలోనే రానుంది.

డిస్నీ+ హాట్‍స్టార్ ఓటీటీ వరుసగా తెలుగు వెబ్ సిరీస్‍లను తెస్తోంది. జూన్ 14వ తేదీన ఆ ఓటీటీలో యక్షిణి అనే సూపర్ నేచులర్ రొమాంటిక్ డ్రామా సిరీస్ అడుగుపెట్టింది. రాహుల్ విజయ్, వేదిక, మంచు లక్ష్మి ప్రధాన పాత్రలు పోషించిన ఆ సిరీస్ మోస్తరుగా సక్సెస్ అయింది. ఈ సిరీస్‍కు తేజ మర్ని దర్శకత్వం వహించారు. ఇటీవలే సీరియల్ యాక్టర్లు అంబటి అర్జున్, ఐశ్వర్య ప్రధాన పాత్రల్లో అగ్నిసాక్షి అనే సిరీస్‍ను కూడా ఆహా ఓటీటీ తీసుకొచ్చింది. ఇప్పుడు, హీరోయిన్ రితూ వర్మతో మరో వెబ్ సిరీస్ చేసేందుకు రెడీ అయ్యారు.

రితూ వర్మ లైనప్

ప్రస్తుతం స్వాగ్ సినిమా చేస్తున్నారు రితూ. ఈ మూవీలో శ్రీవిష్ణు సరసన హీరోయిన్‍గా నటిస్తున్నారు. ఈ కామెడీ డ్రామా చిత్రానికి హర్షిత్ గొల్లి దర్శకత్వం వహిస్తున్నారు. తమిళ స్టార్ చియాన్ విక్రమ్‍తో రితూ కలిసి నటించిన ధృవనక్షత్రం చిత్రం రిలీజ్ కావాల్సి ఉంది. ఈ మూవీ ఏళ్లుగా వాయిదాలు పడుతూ వస్తోంది.