Dhruva Natchathiram Postponed: ధృవ నక్షత్రం రిలీజ్ వాయిదా.. కారణమేంటో వెల్లడించిన డైరెక్టర్

Dhruva Natchathiram Postponed: చియాన్ విక్రమ్ నటించిన లేటెస్ట్ మూవీ ధృవ నక్షత్రం రిలీజ్ వాయిదా పడినట్లు ఈ మూవీ డైరెక్టర్ గౌతమ్ వాసుదేవ్ మేనన్ అధికారికంగా వెల్లడించాడు. శుక్రవారం తెల్లవారుఝాము సుమారు 3 గంటల సమయంలో ఈ విషయాన్ని చెబుతూ అతడు ఓ ట్వీట్ చేశాడు. మూవీ మళ్లీ ఎప్పుడు రిలీజ్ అవుతుందో మాత్రం చెప్పలేదు.

ఓ స్పై యాక్షన్ థ్రిల్లర్ మూవీగా ధృవ నక్షత్రం తెరకెక్కింది. ఇది తొలి పార్ట్ మాత్రమే. దీనికి ధృవ నక్షత్రం: చాప్టర్ 1 - యుద్ధ కాండం అనే టైటిల్ పెట్టారు. ఈ సినిమా శుక్రవారమే (నవంబర్ 24) ప్రేక్షకుల ముందుకు రావాల్సి ఉంది. అయితే అడ్వాన్స్ బుకింగ్స్ లేకపోవడంతో వాయిదా పడుతోందన్న వార్తలు వచ్చాయి. చివరికి డైరెక్టర్ గౌతమ్ మేననే సోషల్ మీడియా ద్వారా ఈ విషయాన్ని చెప్పాడు.

ధృవ నక్షత్రం రిలీజ్ మళ్లీ ఎప్పుడంటే..

గౌతమ్ మేనన్ ఏమన్నాడంటే.. "క్షమించండి. ధృవ నక్షత్రం మూవీని ఇవాళ రిలీజ్ చేయలేకపోతున్నాం. మా శక్తి మేరకు ప్రయత్నించాం. కానీ మాకు మరో ఒకటి, రెండు రోజులు అవసరం. అడ్వాన్స్ బుకింగ్స్, తగినన్ని స్క్రీన్లతో ఓ మంచి అనుభవాన్ని అందించాలని భావిస్తున్నాం. ఈ సినిమాకు వస్తున్న సపోర్ట్ చాలా బాగా అనిపిస్తోంది. మరి కొన్ని రోజులే.. మేము వచ్చేస్తాం" అని ట్వీట్ చేశాడు.

ఈ సినిమాకు సంబంధించి కొన్ని ఆర్థికపరమైన చిక్కులు ఉన్నాయి. అవన్నీ తొలగిపోయిన తర్వాత నవంబర్ 30న ఈ సినిమా రిలీజయ్యే అవకాశాలు కనిపిస్తున్నాయి. దీనిపై అధికారిక ప్రకటన త్వరలోనే రావచ్చు. ఈ సినిమాలో రీతూ వర్మ ఫిమేల్ లీడ్ గా నటించింది. పార్థిబన్, ఐశ్వర్య రాజేష్, సిమ్రన్, రాధికలాంటి వాళ్లు ముఖ్యమైన పాత్రలు పోషించారు. హ్యారిస్ జయరాజ్ మ్యూజిక్ అందించాడు.