The Greatest of All Time OTT: విజయ్ నెక్ట్స్ మూవీ ఓటీటీ హక్కులను ఏ ప్లాట్‍ఫామ్ దక్కించుకుందంటే!

The Greatest of All Time OTT Rights: తమిళ స్టార్ హీరో దళపతి విజయ్ గతేడాది లియో చిత్రంతో భారీ బ్లాక్‍బాస్టర్ కొట్టారు. యాక్షన్ మూవీతో అభిమానులను అలరించారు. స్టార్ డైరెక్టర్ లోకేశ్ కనగరాజ్ తెరకెక్కించిన లియో.. సూపర్ హిట్ అయింది. దళపతి విజయ్ తదుపరి ఓ సైన్స్ ఫిక్షన్ యాక్షన్ మూవీ చేస్తున్నారు. ‘ది గ్రేటెస్ట్ ఆఫ్ ఆల్ టైమ్’ (GOAT) అనే టైటిల్‍ను ఈ చిత్రానికి ఖరారు చేశారు మేకర్స్. మానాడు ఫేమ్ డైరెక్టర్ వెంకట్ ప్రభు ఈ చిత్రానికి దర్శకత్వం వహిస్తున్నారు.

టైటిల్‍తో ‘ది గ్రేటెస్ట్ ఆఫ్ ఆల్ టైమ్’కు సూపర్ క్రేజ్ వచ్చింది. ఫస్ట్ లుక్ కూడా ఆకట్టుకుంది. ఈ మూవీలో డ్యుయల్ రోల్ చేస్తున్నారు విజయ్. ప్రస్తుతం ఈ సినిమా షూటింగ్ రెండో షెడ్యూల్ సాగుతోంది. ఈ తరుణంలో ఈ చిత్రం ఓటీటీ హక్కుల ఒప్పందం జరిగినట్టు సమాచారం బయటికి వచ్చింది. ఈ సినిమా ఓటీటీ స్ట్రీమింగ్ హక్కులను ప్రముఖ ప్లాట్‍ఫామ్ నెట్‍ఫ్లిక్స్ సొంతం చేసుకున్నట్టు సమాచారం. ఈ విషయంపై అధికారిక సమాచారం రావాల్సి ఉంది.

థియేటర్లలో రన్ పూర్తయ్యాకే ‘ది గ్రేటెస్ట్ ఆఫ్ ఆల్ టైమ్’ నెట్‍ఫ్లిక్స్‌లో వస్తుంది. భారీ ధరకు ఈ మూవీ ఓటీటీ హక్కులు అమ్ముడైనట్టు టాక్. లియో చిత్రం కూడా నెట్‍ఫ్లిక్స్‌ ఓటీటీలో స్ట్రీమింగ్ అవుతోంది.

‘ది గ్రేటెస్ట్ ఆఫ్ ఆల్ టైమ్’ రిలీజ్ అప్పుడేనా..

‘ది గ్రేటెస్ట్ ఆఫ్ ఆల్ టైమ్’ మూవీని జూన్ రెండో వారంలో థియేటర్లలో రిలీజ్ చేయాలని మేకర్స్ ఆలోచిస్తున్నారు. జూన్ 22వ తేదీన దళపతి విజయ్ 50వ పుట్టిన రోజు జరుపుకోనున్నారు. ఈ సందర్భంగా ఈ చిత్రాన్ని జూన్ 13 లేదా జూన్ 20న విడుదల చేయాలని ప్రస్తుతం టార్గెట్ మూవీ టీమ్ పెట్టుకుంది. అయితే, సైన్స్ ఫిక్షన్‍గా రూపొందుతున్న ఈ చిత్రం అప్పటి కల్లా సిద్ధమవుతుందో లేదో చూడాలి.

‘ది గ్రేటెస్ట్ ఆఫ్ ఆల్ టైమ్’ సినిమా షూటింగ్ ప్రస్తుతం చెన్నైలో జోరుగా జరుగుతోంది. ఈ మూవీ షూటింగ్ స్పాట్‍కు అభిమానులు భారీగా వచ్చారు. వారందరికీ అభివాదం చేశారు విజయ్. ఓ సెల్ఫీ దిగారు. క్లీన్ షేవ్‍లో విజయ్ నయా లుక్‍లో ఉన్నారు.

‘ది గ్రేటెస్ట్ ఆఫ్ ఆల్ టైమ్’ సినిమా ఓవర్సీస్ థియేట్రికల్ హక్కులను పాపులర్ బ్యానర్ ఫార్స్ ఫిల్మ్స్ దక్కించుకుంది. జూన్‍లో రిలీజ్ చేయాలనే ప్లాన్‍తోనే ఇప్పటి నుంచే ఏర్పాట్లు చేసుకుంటున్నారు మేకర్స్.

‘ది గ్రేటెస్ట్ ఆఫ్ ఆల్ టైమ్’ చిత్రంలో నటించే నటీనటులు, టెక్నిషియన్ల వివరాలను మూవీ టీమ్ త్వరలోనే వెల్లడించనుంది. టీజర్ కూడా తీసుకురావాలని ప్లాన్ చేస్తోంది. టీజర్లోనే ఓటీటీ ప్లాట్‍ఫామ్ గురించి కూడా తెలిపే ఇచ్చే ఛాన్స్ ఉంది.

‘ది గ్రేటెస్ట్ ఆఫ్ ఆల్ టైమ్’ సినిమా ‘జెమినీ మ్యాన్’ అనే హాలీవుడ్ చిత్రానికి రీమేక్ అంటూ సోషల్ మీడియాలో పెద్ద చర్చే నడిచింది. ఫస్ట్ లుక్‍తో ఈ రూమర్లు వచ్చాయి. ఈ విషయంపై మూవీ యూనిట్ ఇంకా అధికారికంగా ఇంకా చెప్పలేదు. టీజర్ వస్తే ఈ విషయంపై క్లారిటీ వచ్చే ఛాన్స్ ఉంటుంది.