Hanuman OTT Official: హనుమాన్ ఓటీటీ రిలీజ్ డేట్ పొడగింపు.. ఆ పండుగకు స్ట్రీమింగ్.. అప్పటివరకు ఆగాల్సిందే!

Hanuman OTT Release Date: చిన్న సినిమాగా ప్రారంభమై భారీ చిత్రంగా మారింది హనుమాన్. మొదట తెలుగుతోపాటు భారతీయ భాషల్లో పాన్ ఇండియా సినిమాగా నిర్మిద్దామనుకున్న హనుమాన్ మూవీ ఏకంగా అంతర్జాతీయ భాషల్లో సైతం విడుదలై పాన్ వరల్డ్ చిత్రంగా పేరు తెచ్చుకుంది. జనవరి 12న సంక్రాంతి కానుకగా తెలుగు, తమిళం, హిందీ, కన్నడ, మలయాళం, మరాఠీ, ఇంగ్లీష్, స్పానిష్, కొరియన్, చైనీస్, జపనీస్ భాషల్లో హనుమాన్ సినిమా రిలీజైన విషయం తెలిసిందే.

విడుదలైన రోజు నుంచి హనుమాన్ సినిమాకు ట్రెమండస్ రెస్పాన్స్ వచ్చింది. పెయిడ్ ప్రీమియర్స్, సినిమా షోస్ చూసిన ప్రేక్షకులు హనుమాన్ సినిమాను ఆకాశానికి ఎత్తారు. ఇక డైరెక్టర్ ప్రశాంత్ వర్మపై ప్రశంసల వర్షం కురిపించారు. దీంతో తెలుగు రాష్ట్రాల్లో హనుమాన్ సినిమాతో సంక్రాంతి పండుగ వాతావరణం నెలకొంది. గుంటూరు కారం, సైంధవ్, నా సామిరంగ సినిమాల్లో అన్నింటికల్లా ఎక్కవ పాజిటివ్ రెస్పాన్స్ తెచ్చుకుంది హనుమాన్. అంతేకాకుండా సంక్రాంతికి అసలైన ఎంటర్టైనర్ అనిపించుకుంది హనుమాన్ మూవీ.

ప్రస్తుతం బాక్సాఫీస్ వద్ద కలెక్షన్ల పరంపర కొనసాగిస్తున్న హనుమాన్ మూవీ ఓటీటీ విడుదల తేది ఆసక్తికరంగా మారింది. హనుమాన్ మూవీ ఓటీటీ హక్కులను ప్రముఖ డిజిటల్ స్ట్రీమింగ్ ప్లాట్ ఫామ్ జీ5 సొంతం చేసుకున్న విషయం తెలిసిందే. ఈ మూవీ పాన్ ఇండియా స్థాయిలో ఉండటంతో దానికి తగినట్లుగానే ఓటీటీ హక్కులు అమ్ముడుపోయినట్లు సమాచారం. హనుమాన్ సినిమాను జీ5 సంస్థ మొత్తంగా రూ. 16 కోట్లకు కొనుగోలు చేసినట్లు తెలుస్తోంది. అందులో హనుమాన్ తెలుగు వెర్షన్‌కు రూ. 11 కోట్లు, హిందీ వెర్షన్‌కు రూ. 5 కోట్లు వెచ్చించినట్లు గతంలో వార్తలు వచ్చాయి.

ఇదిలా ఉంటే తాజాగా హనుమాన్ ఓటీటీ రిలీజ్ డేట్‌ను జీ5 సంస్థ అధికారికంగా ప్రకటించింది. అయితే ముందుగా అనుకున్న ఒప్పందం ప్రకారం థియేట్రికల్ రన్ అయిన మూడు వారాల తర్వాత హనుమాన్ చిత్రాన్ని ఓటీటీలో విడుదల చేయాల్సిది. కానీ థియేట్రికల్ రన్‌ను 55 రోజులు పొడగించారని టాక్ వస్తోంది. 55 రోజుల తర్వాత జీ5 ఓటీటీలోకి హనుమాన్ మూవీని రిలీజ్ చేయనున్నారు. మార్చి రెండో వారంలో జీ5లో హనుమాన్‌ను స్ట్రీమింగ్ చేస్తున్నట్లు అధికారికంగా ఓ న్యూస్ వచ్చింది.

హనుమాన్ ఓటీటీ రిలీజ్ డేట్ ప్రకటించలేదు గానీ, మార్చి రెండో వారంలో విడుదల చేస్తున్నట్లు జీ5 సంస్థ నుంచి వచ్చిన సమాచారం. అంటే మార్చి 8న శివరాత్రి సందర్భంగా విడుదల చేసే అవకాశం కనిపిస్తోంది. అయితే హనుమాన్ మూవీ విడుదలైన 17 రోజులు కావొస్తుంది. ఇంకా కొన్ని థియేటర్లలో హౌజ్‌ఫుల్ బోర్డ్స్ కనిపిస్తున్నాయి. మరికొన్ని చోట్ల మంచి ఆక్యుపెన్సీ ఉంది. దీంతో హనుమాన్ ఓటీటీ స్ట్రీమింగ్‌ను పొడగించినట్లు తెలుస్తోంది. కానీ, హనుమాన్ మూవీని ఓటీటీలో చూడాలంటే ఇంకా నెలకుపైగా ఆగాల్సిందే.

ఇదిలా ఉంటే యంగ్ డైరెక్టర్ ప్రశాంత్ వర్మ తెరకెక్కించిన ఇండియన్ తొలి సూపర్ హీరో మూవీ హనుమాన్‌లో తేజ సజ్జ హీరోగా చేస్తే అమృత అయ్యర్ హీరోయిన్‌గా నటించింది. వీరితోపాటు వినయ్ రాయ్, వరలక్ష్మీ శరత్ కుమార్, సముద్ర ఖని కీలక పాత్రలు పోషించగా.. రాజ్ దీపక్ శెట్టి, వెన్నెల కిశోర్, గెటప్ శ్రీను, సత్య ఇతరులు యాక్ట్ చేశారు. హనుమాన్ చిత్రానికి రూ. 50 కోట్ల బడ్జెట్ కాగా ఇప్పటివరకు రూ. 250 కోట్ల కలెక్షన్స్ వసూలు అయ్యాయి.