Teja Sajja Ravi Teja: రవితేజ వల్లే మాకు ఇబ్బందులు.. హనుమాన్ హీరో తేజ సజ్జ షాకింగ్ కామెంట్స్

Teja Sajja Ravi Teja: క్రియేటివ్ డైరెక్టర్ ప్రశాంత్ వర్మ తెరకెక్కించిన ఫస్ట్ ఇండియన్ ఒరిజినల్ సూపర్ హీరో మూవీ హనుమాన్ ఎలాంటి హిట్ టాక్ తెచ్చుకుంటుందో తెలిసిందే. ఇందులో యంగ్ హీరో తేజ సజ్జ ప్రధాన పాత్ర పోషించి అన్ని రకాల ప్రేక్షకులను అలరించాడు. హనుమంతుడు పాత్రకు పర్ఫెక్ట్ యాప్ట్ అయ్యే విధంగా హనుమాన్ మూవీలో తేజ సజ్జ నటించాడు. ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి నిర్మించిన హనుమాన్ మూవీ సంక్రాంతి కానుకగా జనవరి 12న ప్రపంచవ్యాప్తంగా విడుదలై బ్లాక్ బస్టర్ హిట్ కొట్టింది.

రికార్డ్ బ్రేకింగ్ కలెక్షన్స్‌తో ఎపిక్ బ్లాక్ బస్టర్ సక్సెస్ సాధించిన హనుమాన్ మూవీ ఇంకా సక్సెస్ ఫుల్‌గా రన్ అవుతోంది. ఈ నేపథ్యంలోనే ఇటీవల మూవీ యూనిట్ హనుమాన్ గ్రాటిట్యూడ్ మీట్ పేరుతో వేడుక నిర్వహించగా.. తాజాగా రవితేజతో కలిసి తేజ సజ్జ ఇంటర్వ్యూలో పాల్గొన్నాడు. మరోవైపు ఈగల్ మూవీతో ప్రేక్షకుల ముందుకు రానున్నాడు మాస్ మహారాజా రవితేజ. ఈ నేపథ్యంలోనే సినిమా ప్రమోషన్లలో భాగంగా తేజ సజ్జతో కలిసి రవితేజ ఇంటర్వ్యూలో పాల్గొన్నాడు.

ఈ ఇంటర్వ్యూలో రవితేజ, తేజ సజ్జ ఫన్నీగా కొన్ని విషయాలు చర్చించుకున్నారు. అలాగే రవితేజకు తేజ సజ్జ ఆసక్తికర క్వశ్చన్స్ వేశాడు. ఈ క్రమంలోనే వీరిద్దరి మధ్ ఓ ఫన్నీ సమస్యను గురించి ప్రస్తావించారు. రవితేజ వల్ల ఇండస్ట్రీలోకి వస్తున్న కొత్త హీరోలు చాలా ఇబ్బందులు పడుతున్నారంటూ చెప్పి తేజ సజ్జ షాక్ ఇచ్చాడు. మీరు చేసే ప్రతి సినిమాలో ఇద్దరు హీరోయిన్లు ఎందుకు ఉంటున్నారు అంటూ రవితేజను ప్రశ్నించాడు తేజ సజ్జ.

" మీ వల్ల కొత్తగా ఇండస్ట్రీకి వచ్చే మాలాంటి వాళ్లు చాలా పాబ్లమ్ ఫేస్ చేస్తున్నారు. హీరోయిన్లు దొరకట్లేదు. మొత్తం 15 మంది హీరోయిన్లు ఉంటారు కావచ్చు. మీరు చేసే సినిమాల్లో ఇద్దరు హీరోయిన్లు ఉంటున్నారు. మీరు ఏడాదికి మూడు చిత్రాలు చేస్తున్నారు. దాదాపు 12 మందిని ఆడిషన్స్ చేస్తారు. దీంతో ఎవరినీ అడిగినా మేం రవితేజతో సినిమా చేస్తున్నాం. ఆ తర్వాతనే మూవీ చేస్తామని చెబుతున్నారు. మీరు ఇద్దరు ముగ్గురు హీరోయన్స్‌ను తీసుకోవడం వల్ల మాలాంటి యంగ్ హీరోలు ఇబ్బందులు పడుతున్నారు" అని తేజ సజ్జ ఫన్నీగా ఊహించని విధంగా కామెంట్స్ చేస్తూ అడిగాడు.

"టైగర్ నాగేశ్వరరావు, రావణాసుర సినిమాల్లో అలాగే ఇద్దరు హీరోయిన్లు ఉన్నారు. అందువల్ల మాలాంటి యంగ్ హీరోలకు చాలా ప్లాబ్లమ్" అవుతోంది అని తేజ సజ్జ అన్నాడు. దానికి నేను ఏమైనా పెట్టమన్నానా ఏంటీ. ఒక హీరోయిన్ ఉంటే సినిమా బాగుంటుంది. ఇద్దరు హీరోయిన్లు ఉంటే ఇంకా కలర్‌ఫుల్‌గా ఉంటుంది కదా అని అనుకుంటాను అంతే అని రవితేజ సమాధానం ఇచ్చాడు. కాగా ప్రస్తుతం రవితేజ నటించిన ఈగల్ మూవీలో కూడా కావ్య తాపర్, అనుపమ పరమేశ్వరన్ ఇద్దరు హీరోయిన్స్ నటిస్తున్నారు.

ఇదిలా ఉంటే ఈ సంక్రాంతికి రవితేజ ఈగల్ మూవీ విడుదల కావాల్సింది. కానీ, ఎక్కువగా సినిమాలు రిలీజ్‌కు రెడీ ఉండటంతో ఈగల్ మూవీ సోలో రిలీజ్ డేట్ కోసం తప్పుకుంది. ఈ సంక్రాంతికి జనవరి 12న గుంటూరు కారం, హనుమాన్ చిత్రాలు విడుదల కాగా.. జనవరి 13న వెంకటేష్ సైంధవ్, జనవరి 14న నాగార్జున నా సామిరంగ మూవీ రిలీజ్ అయ్యాయి.